ባዕልኻ ብወለንታ ምምላስ ሱዳን

ብመሰረት ደንቢ REAN መሰረታዊ ካሕሳ ክትቕበል ኢኻ። REAN ማለት ኣሕጽሮተ-ቃል ናይ 'Return and Emigration Assistance from the Netherlands' እዩ፣ ትርጒሙ ድማ 'ናይ ምምላስን ስደትን ሓገዝ ካብ ኔዘርላንድ' ማለት እዩ። ደንቢ REAN ነዚ ዝስዕብ ይኽሕስ፡

• ምርሒት

• ናይ ነፋሪት ትኬት

• ናይ ጉዕዞ ሰነዳት ንምርካብ ሓገዝ

• €200,- ጥረ ገንዘብ ንሓደ በጽሒ ሰብ፣ ከምኡ እውን ንሓደ ምሳኻ ዝጓዓዝ ቆልዓ €40። እዚ ገንዘብ ኣብታ እትብገሰላ መዓልቲ ኣብ ስኺፖል (Schiphol) ክትቅበሎ ኢኻ።

ኣህጉራዊ ውድብ ፍልሰት (IOM) ነዚ ካሕሳ እዚ ንኽትረክብ የዋድደልካ። እቲ ኣብ ምምላስካ ዝሕግዘካ ውድብ ድማ ካብ IOM ሳሕሳ ንኽትረክብ ክሓተልካ ይኽእል እዩ።

ኣብ መበቆል ሃገርካ ሓድሽ ምጅማር ንምግባር ካብ መንግስቲ ኔዘርላንድ ተወሳኺ ካሕሳ ክትረክብ ትኽእል ኢኻ። ነዚ ካሕሳ እትረክብ ድማ በዚ ተጠቒምካ ኣቑሑት ወይ ኣገልግሎታት ንኽትከፍል እዩ። ኣብ መበቆል ሃገር ናይ ዳግመ-ውህደት ካሕሳ ዝህብ ፕሮጀክትታት ዘለወን ዝተፈላለያ ውድባት ድማ ኣለዋ።

ንኣብነት ነቲ ካሕሳ፣ ስልጠና ንምክትታል ወይ ንናይ ገዛእ-ርእስኻ ትካል ዝኸውን ኣቚሑት ንምግዛእ ክትጥቀመሉ ትኽእል ኢኻ። ካብቲ ካሕሳ ንእሽቶ ክፋሉ ብጥረ ገንዘብ ክትቕበሎ ትኽእል ኢኻ። እቲ ካሕሳ ከምዚ ዝስዕብ እዩ፡

• € 3080 ንበጽሒ ሰብ፣ ካብዚ እንተበዝሐ € 630 ብጥረ ገንዘብ።

• € 1860 ንትሕቲ ዕድመ፣ ካብዚ እንተበዝሐ € 630 ብጥረ ገንዘብ።

VluchtelingenWerk ናብ ሱዳን ንምምላስ ብዝምልከት ንዘሎ ኩነታት ውሑስ ኣይቆጽሮን እዩ። ስለዚ ድማ ኣብ ሱዳን ክመርሓካ ዝኽእል ናይ ምትሕብባር መሻርኽቲ የብልናን። ብሓባር ብዛዕባ ገና ዘለዉኻ ተኽእሎታት ክንርእይን፣ ናይ መጻኢ ውጥን ኣብ ምድላው ክንድግፈካን ድማ ንኽእል ኢና። 

ካልኦት ውድባት ግን ሓደ ሓደ ግዜ ኣብ ሱዳን ኣብ ምምላስካ ክሕግዘካ ዝኽእል መሻርኽቲ ኣለወን። ዝያዳ ሓበሬታ ንምርካብ ምስዘን ውድባት ርክብ ግበር፣ ወይ ድማ ብዛዕባ እዚ ኣብ VluchtelingenWerk ንዝርከብ ኣማኻሪኻ ሕተት።