ኣብዚ ሓፈሻዊ ትሕዝቶ ናይ ኩሉ ብዛዕባ እዚ ኣርእስቲ ከተንብቦ እትኽእል ሓበሬታ ክትረክብ ኢኻ።
ናይ መስርሕ ዑቕባኻ ውሳኔ ገና ትጽበይ ዲኻ ዘለኻ፣ ከምኡ እውን ኣብ መዕቆቢ ቦታ AZC ዲኻ ትነብር? ስለዚ ካብ መንግስቲ ኔዘርላንድ ሰሙናዊ ንመግብን መነባብሮን ዝኸውን ገንዘብ ትቕበል። ነዚ ገንዘብ ድማ ሰሙናዊ ካብ ሰራሕተኛታት ናይ መዕቆቢኻ ትረኽቦ።
ኣብ ኔዘርላንድ ብዙሕ ውልቃዊ ጉዳያት ብኢንተርነት ከተዋድድ ትኽእል ኢኻ። ንኣብነት ምስ መንግስቲ ኔዘርላንድ። ወይ ንመድሕን ጥዕናኻ ወይ ንጡረታኻ ብዝምልከት። ነዚ ንምግባር ድማ DigiD የድልየካ። ኣብዚ ዓንቀጽ DigiD እንታይ ምዃኑን፣ ነዚ ንምርካብ ብኸመይ ከም እተመልክትን ከተንብብ ትኽእል ኢኻ።