ንውሳነ ናይ IND ትጽበይ
ኣብ ማሕበራዊ ሚድያ ኣካፍል፡
ቅድሚ ሕጂ ኣብ ካልእ ኤውሮጳዊት ሃገር ዑቕባ ሓቲትካ እንተድኣ ነይርካ፣ IND እታ ሃገር ንጉዳይካ ክትቕበሎ ይሓታ። እታ ካልእ ሃገር ነዚ እንተድኣ ተቐቢላቶ፣ IND ኣብ ውሽጢ 2 ሳምንታት ውሳነ ይህብ። ስለዚ መዓስ ነቲ ውሳነ ከም እትቕበል፣ ኣብቲ ካብታ ካልእ ሃገር ዝመጽእ መልሲ እዩ ዝምርኮስ።
ይኹን እምበር ቅድሚ ሕጂ ኣብ ካልእ ሃገር ዑቕባ ዘይሓተትካ እንተድኣ ኮይንካ እውን፣ IND ብዛዕባ ናይ ዑቕባ ሕቶኻ ካልእ ሃገር ተሓታቲት እያ ኢሉ ክሓስብ ይኽእል እዩ። ንኣብነት ቅድሚ ሕጂ ኣብታ ሃገር ናይ መንበሪ ቪዛ ስለ ዝረኸብካ፣ ወይ ኣባላት ስድራ-ቤትካ ኣብኡ ስለ ዝነብሩ። ስለዚ IND ነዛ ካልእ ሃገር ነቲ ናይ ዑቕባ ሕቶኻ ንምምስራሕ ክትወስዶ ይሓታ።
IND ኣየነይቲ ሃገር ንዘመልከትካዮ ዑቕባ ከተመስርሖ ከምዘለዋ ይውስን
IND ውሳነ ምስ ወሰደ ደብዳቤ ክትቕበል ኢኻ። 2 ኣማራጺታት ኣለዉ፡
ብዛዕባ እዚ ናይ ዑቕባ ሕቶኻ ካልእ ሃገር ተሓታቲት እያ። ኔዘርላንድ ነቲ ናይ ዑቕባ መመልከቲኻ ኣይትግምግሞን እያ። ኣብ ውሽጢ 6 ኣዋርሕ ናብ ካልእ ሃገር ክትሰጋገር ኢኻ። ኣብ ዝተወሰኑ ኩነታት ኣንጻር እዚ ውሳነ ምስ ጠበቓኻ ብምዃን ናብ ናይ ኔዘርላንድ ቤት-ፍርዲ ይግባይ ክትብል ትኽእል ኢኻ። እዚኦም ኩነታት ኣየኖት ምዃኖም ጠበቓኻ ይፈልጥ እዩ። ይግባይ ንምቕራብ ዝወሃብ ገደብ-ግዜ ኣዝዩ ሓጺር እዩ። ኣብ ውሽጢ ክንደይ መዓልታት ነዚ ክትገብሮ ከም ዘለካ ድማ ኣብቲ ዝመጸካ ደብዳቤ ተጠቒሱ ክትረኽቦ ኢኻ።
ናይ ዑቕባ ሕቶኻ ተሓታቲት ሃገር ኔዘርላንድ እያ። ናብ ካልእ መስርሕ ትሰጋገር።
ኣንጻር እቲ ንመመልከቲ ዑቕባኻ ካልእ ሃገር ከተመስርሖ ኣለዋ ዝብል ናይ IND ውሳነ ይግባይ ክትብል ትኽእል ኢኻ።
ጠበቓኻ ናብ ቤት-ፍርዲ ይግባይ ንኽትብል ክሕግዘካ ይኽእል እዩ። ብድሕሪኡ IND ነቲ መስርሕ AMBV- ብግቡእ ዝገበሮ ምዃኑን ዘይምዃኑን ዳኛ ክምርምር እዩ። እቲ ዳኛ፣ IND ዘመልከትካዮ ዑቕባ ንኸይምስራሕ ቅኑዕ ውሳነ ዝወሰደ ምዃኑን ዘይምዃኑን ክግምግም እዩ።