ኣብ ኔዘርላንድ ዝተፈላለዩ ዓይነታት ውዕላት ስራሕ ኣለዉ

ናይ ውሱን ግዜ ውዕል ስራሕ (ግዝያዊ ውዕል)

• ግዝያዊ ውዕል ንዝተወሰነ ግዜ ጥራይ እዩ። ኩሉ ግዜ ንጹር ናይ መወዳእታ ዕለት ኣለዎ።

• ኣብ ውሽጢ 3 ዓመት እንተበዝሐ 3 ግዝያዊ ውዕላት ክትረክብ ትኽእል ኢኻ።

• ድሕሪ 3 ግዝያዊ ውዕላት ወይ ሓደ ናይ 3 ዓመት ግዝያዊ ውዕል ምስ ሓደ ኣስራሒ ቀዋሚ ውዕል ክትረክብ መሰል ኣለካ።

• ኣብ መንጎ ክልተ ውዕላት ልዕሊ ሽዱሽተ ወርሒ ክፍተት እንተሃልዩ፡ እቲ ቁጽሪ ከም ብሓድሽ ይጅምር።

ናይ ዘይተወሰነ ግዜ ውዕል ስራሕ (ቀዋሚ ውዕል)

• ቀዋሚ ውዕል ናይ መወዳእታ ዕለት የብሉን።

• እዚ ዝያዳ ውሕስነት ይህበካ፣ ምኽንያቱ ውዕልካ መወዳእታ የብሉን፣ ኣስራሒኻ ድማ ከም ድላዩ ካብ ስራሕ ክሰጎካ ኣይክእልን እዩ። 

• ኣብ ነፍስወከፍ ወርሒ ርጉእ ደሞዝ ትረክብ። እዚ ንኣብነት ሞርጌጅ ንኸተመልክት የኽእለካ።

• ቀዋሚ ጡረታ ትሃንጽ፣ መብዛሕትኡ ግዜ ድማ ኣብ እዋን ሕማም ወይ ስንክልና ተወሳኺ ውሕስነት ኣለካ።

• ብመሰረት ሕጊ መሰላት ኣለካ፣ ከም ናይ ምስራዝ ገደብ-ግዜ ዝኣመሰሉ።

ውዕል ምስ ቤት-ጽሕፈት ዕዮ

ምስ ቤት-ጽሕፈት ዕዮ ውዕል ስራሕ ዝገበርካ ምስ እትኸውን፣ ምስቲ ቤት-ጽሕፈት ዕዮ ውዕል ስራሕ ኣለካ ማለት እዩ። እቲ ቤት-ጽሕፈት ዕዮ ንግዚኡ ናብ ካልእ እትሰርሓሉ ትካል ብመልክዕ ክራይ ይሰደካ። እዚ ትካል ቤት-ጽሕፈት ዕዮ ድማ ኣለቓሒ ይበሃል።

• እቲ ቤት-ጽሕፈት ዕዮ ከምቶም ቀወምቲ ሰራሕተኛታት ናይቲ እትሰርሓሉ ትካል ክሕዘካ ኣለዎ።

• ሓደ ሓደ ግዜ ብመንገዲ ቤት-ጽሕፈት ዕዮ ኣቢልካ ስራሕ ረኺብካ፣ ብኸምኡ ስራሕ ምጅማር ዝያዳ ዝቐለለ እዩ።

• እዚ ተዓጻጻፍነት ይህብ፣ ምኽንያቱ ኣብ ዝተፈላለዩ ትካላት ክትሰርሕ ስለ እትኽእል።

• መብዛሕትኡ ግዜ ብዙሕ ርግጸኛነት ኣይህልወካን።

• ኣብቲ ምስ ቤት-ጽሕፈት ዕዮ እትረኽቦ ዓይነት ውዕል ስራሕ ኢኻ እትምርኮስ።

ብዛዕባ ብመንገዲ ቤት-ጽሕፈት ዕዮ ኣቢልካ ስራሕ ምርካብ ዝያዳ ሓበሬታ ኣብዚ ክትረክብ ትኽእል ኢኻ።

ውዕላት ጻውዒት

3 ዓይነታት ውዕላት ጻውዒት ኣለዉ፡

1. ኣብ ጻውዒት ውዕል ምስ መባእታዊ ስምምዕ፤

• ብናይ ጻውዒት ዝምርኮስ ውዕል፡ ኣስራሒኻ ምስ ደወለልካ ክትሰርሕ ድዩ ኣይክትሰርሕን ኢኻ ትውስን። ስራሕ ምስ ጀመርካ ጥራይ እዩ እቲ ውዕል ዝጅምር፣ በቲ ኣቐዲምካ ኣብ

• ብጭቡጥ ዝሰራሕካሉ ሰዓታት ደሞዝ ትረክብ።

• ድሕሪ ሰለስተ ተኸታተልቲ ውዕላት ቀዋሚ ውዕል ክትረክብ ኢኻ። እዞም ሰለስተ ውዕላት ካብቲ ዝሓለፈ ውዕሊ ኣብ ውሽጢ ሽዱሽተ ወርሒ ክፍፀሙ ኣለዎም።

• ዋላ ንልዕሊ 3 ዓመት ብዙሕ ግዝያዊ ውዕላት እንተሃለወካ ቀዋሚ ውዕል ክትረክብ መሰል ኣለካ።

• ንነፍሲ ወከፍ እትሰርሓሉ እዋን፡ ሓድሽ ግዝያዊ ውዕል ክትረክብ ኢኻ።

2. ናይ ዜሮ ሰዓታት ውዕሊ

• ኣስራሒኻ ምስ ደወለልካ ናብ ስራሕ ትኸይድ።

• ናይ ውሱን ግዜ ወይ ዘይተወሰነ ግዜ ውዕል ክህልወካ ይኽእል እዩ።

• ኣብ ውዕልካ ውሱን መጠን ሰዓታት የብልካን።

• ኣስራሒኻ ንእትሰርሓሉ ሰዓታት ጥራይ እዩ ደሞዝ ዝኸፍል። እዚ ክስነድ ኣለዎ።

• ኣብ ነፍሲ ወከፍ ክትጽዋዕ ከለኻ፡ ዋላ 1 ሰዓት ጥራይ እንተሰሪሕካ፡ እንተወሓደ ናይ 3 ሰዓታት ደሞዝ ክትረክብ መሰል ኣለካ።

እዚ ሕጊ ኣብተን ቀዳሞት 6 ኣዋርሕ ይምልከት።

ልዕሊ 6 ወርሒ ተቖጺርካ ዲኻ? ሽዑ ዋላ ስራሕ እንተዘይሃለወ ወይ እንተዘይተጸዋዕካ ቀጻሊ ክፍሊት ደሞዝ ክትረክብ መሰል ኣለካ። እዚ ድማ

3. Min-max ውዕል

min-max contract ኣብ ዝተሓተን ዝበዝሐን ቁጽሪ ሰዓታት ስምምዓት ዘለዎ ኣብ ጻውዒት ዝግበር ውዕል እዩ።

• ናይ ውሱን ግዜ ወይ ዘይተወሰነ ግዜ ውዕል ኣለካ።

• እቲ ውዕል ክትሰርሕ ዘለካ ዝተሓተ ቁጽሪ ሰዓታት ይገልጽ።

• ነዘን ሰዓታት እዚኣተን ዋላ እኳ እንተዘይተጸዋዕካ ኩሉ ግዜ ክፍሊት ክወሃበካ እዩ።

• ብተወሳኺ ዝለዓለ ቁጽሪ ሰዓታት ክትሰርሕ ከም እትኽእል ይገልጽ።

• ንጠቕላላ ድምር ሰዓታት ዝሰራሕካሉ ገንዘብ ክኽፈል እዩ።

• ኣብ ነፍሲ ወከፍ ክትጽዋዕ ከለኻ፡ ዋላ 1 ሰዓት ጥራይ እንተሰራሕካ፡ እንተወሓደ ናይ 3 ሰዓታት ደሞዝ ክትረክብ መሰል ኣለካ።

እዚ ኣብተን ቀዳሞት 6 ኣዋርሕ ይምልከት።

ልዕሊ 6 ወርሒ ትሰርሕ እንተ ዄንካ ደሞዝካ ክትቅበል መሰል ኣሎካ። እዚ ማለት ዋላ እውን ክትሰርሕ እንተ ተጸዋዕካ ደሞዝ ክትከፈል ኢኻ። ግን ከኣ ብምኽንያት ሓላፍነት ኣስራሒኻ ክትሰርሕ ኣይትኽእልን ኢኻ።

ውዕል ስራሕ እንተሃልዩካ፣ ሒደት መሰረታዊ ሕግታት ተፈጻምነት ኣለዎም፡

• ብኣስራሒኻ ተቖጺርካ ኢኻ እትሰርሕ። ኣስራሒኻ ዕማማት ዕዮ ክህበካን እንታይ ዓይነት ስራሕ ከም እትሰርሕ ክውስንን ይኽእል።

• ንስራሕካ ደሞዝ ትረክብ። እዚ መብዛሕትኡ ግዜ ገንዘባዊ እዩ። ሓደ ሓደ ግዜ ገለ ክፋል ደሞዝካ፣ ከም መግቢ ወይ ክፍልን መግብን ብዝኣመሰለ ብዓይነት እትረኽቦ ክኸውን ይኽእል እዩ ። እዚ ኣብ ልዕሊ እቲ ዝተሓተ ገደብ-ደሞዝ ጥራይ እዩ ዝፍቀድ።

• ነቲ ክትሰርሖ ዝተቖጸርካዮ ስራሕ ባዕልኻ ኢኻ ትሰርሖ።

ውዕል ስራሕ (ናይ ስራሕ ኮንትራክት) ኣብ መንጎኻን ኣብ መንጎ ኣስራሒኻን ዝተገብሩ ስምምዓት ዝሓዘ እዩ። ተቖጺርካ እትሰርሕን ደሞዝ እትቕበልን ምስ እኸውን፣ ናይ ስራሕ ውዕል ኣለካ። እዚ ድማ ተቖጺርካ ምስራሕ ይበሃል።

እቲ ውዕል መብዛሕትኡ ግዜ እዞም ዝስዕቡ ዝሓዘ እዩ፡ 

• ናትካን ናይ ኣስራሒኻን ስምን መንበሪ ቦታን።

• እትሰርሓሉ ቦታ(ታት)።

• ናይ ስራሕ ዕማምካ ወይ ዓይነት እትሰርሖ ስራሕ።

• ስራሕ ዝጀመርካሉ ዕለት።

• ንውሓት ግዜ ናይቲ ውዕል (ግዝያዊ ውዕል ምስ ዝኸውን)።

• ክንደይ ሰዓታት ከም እትሰርሕ (ኣብ መዓልቲ ወይ ኣብ ሰሙን)።

• ደሞዝካን መዓስ ከም እትቕበሎን።

• ንውሓት ግዜ (ምናልባት) ክህልወካ ዝኽእል ናይ ፈተነ ግዜ።

• መጠን ናይቲ እትረኽቦ ናይ ዕረፍቲ ኣበል።

• ብዝሒ መዓልታት ዕረፍቲ።

• ናይ ምስራዝ ገደብ-ግዜ (ክሳብ ክንደይ ኣቐዲምካ ደው ከተብል ከም ዘለካ፣ ወይ ኣስራሒኻ ደው ከብሎ ከም ይፍቀደሉ)።

• (ክህሉው ዝኽእል) ደንቢ ጡረታኻ።

• (ክህሉው ዝኽእል) ዓንቀጽ ኣንጻር-ተወዳዳሪ (ብቐጥታ ምስ ሓደ ተወዳዳሪ ትካል ከም ዘይትሰርሕ ዝገልጽ ስምምዓት)።

• Cao (ሓባራዊ ስምምዕ ዕዮ)፣ ኣብ ስራሕካ ተፈጻምነት ምስ ዝህልዎ።