ኣብኔዘርላንድ ብዛዕባ ጥዕና ኣእምሮኻ ዝሕግዙኻ ውድባት
ኣብ ማሕበራዊ ሚድያ ኣካፍል፡
ናይ ኣእምሮ ደገፍ የድልየካ ድዩ? ኣእምሮኣዊ ደገፍን ስንባደ ዘስዕቡ ፍጻመታት ኣብ ምምስራሕን ሓገዝ ንምርካብ፣ ኣበይ ክትውከስ ከም እትኽእል ኣብዚ ገጽ እዚ ክትረኽቦ ኢኻ።
ብመንገዲ ሓኪምካ ሞያዊ ሓገዝ ክትሓትት ትኽእል ኢኻ
ምልክታትካ ድሕሪ ሓደ ወርሒ እንተዘይሃሊዮም ወይ እንተገዲዶም ናብ ሓፈሻዊ ሓኪምካ ኣመልክት። ናብቶም ኣብ ከባቢኻ ዝርከቡ ወሃብቲ ክንክን ጥዕና፡ ከም ስነ-ኣእምሮኣዊ ክኢላ፡ ሓጋዚ ልምምድ፡ ወይ ኣብ ጉዳያት ጥዕና ኣእምሮ ዝነጥፍ ነርስ ክውከሱኻ ይኽእሉ።
መብዛሕትኡ ግዜ እቲ ሓፈሻዊ ሓኪም ንኣእምሮኣዊ ጥርዓናትካ ንምፍታሕ ባዕሉ ክሕግዘካ ኣይክእልን እዩ። እንተኾነ ግን እቲ ሓኪም ታሪኽካ ይሰምዕን፣ ኣየናይ ሓገዝ ብዝበለጸ ከም ዝሰማማዓካ ይውስንን። እቲ ሓኪም ብዛዕባ ድቃስን ኣመጋግባን ምኽሪ ይህበካ። ሓደ ሓደ ግዜ ድማ እቲ ሓኪም ጽቡቕ ንኽትድቅስ ዝሕግዘካ ንገለ መዓልታት ዝኸውን መድሃኒት ይህበካ።
ስነ-ኣእምሮኣዊ ሓገዝ
ኣእምሮኣዊ ደገፍ የድልየካ ድዩ? ብዛዕባ ጸቕጢ፣ ጭንቀት፣ ወይ ስንባደ ዘስዕቡ ፍጻመታት ብነጻን ስም ብዘይምግላጽን ከተዛርቦም እትኽእል ዝተፈላለዩ ውድባት ኣለዉ።
Mind Hulplijn
ብመንገዲ መስመር ሓገዝ - MIND Hulplijn - ኣቢልካ ምስ ሞያውያን ኣማኸርቲ ብነጻን ስም ብዘይምግላጽን ክትዛረብ ትኽእል ኢኻ። ንሳቶም ድማ ክሰምዑኻን ምኽሪ ክህቡኻን እዮም።
Wereld Psychologen
Wereld Psychologen ምስ ክኢላታት ስነ-ኣእምሮ ብነጻ ብኢንተርነት ዝካየድ ምኽሪ የቕርብ። እቲ ደገፍ ንስደተኛታትን ምስ ስደተኛታት ንዝሰርሑ ሰባትን ዝዓለመ እዩ። ተወሳኺ ሓበሬታ ኣብ መርበብ-ሓበሬታ ናይ
ንቆልዑት ዝኸውን ስነ-ኣእምሮኣዊ ደገፍ
ቆልዑት ብጸገማት ኣእምሮኣዊ ጥዕና ክሳቐዩ ይኽእሉ። ኲናት፣ ናብ ስደት ምህዳምን ሓድሽ ሃዋህውን ንኹሉ ሰብ ከቢድ እዩ፣ ብፍላይ ግን ንቆልዑት። ኣብ ታሕቲ ንቆልዑትን ወለዶምን ኣእምሮኣዊ ደገፍ፣ ግብራዊ ምኽርታትን ዘተኣማምን ሓበሬታን ብምሃብ ዝሕግዙ ውድባት ክትረክብ ኢኻ።
Alles Oké? መስመር ደገፍ፣ ካብ 18 ክሳብ 25 ዓመት ንዝዕድሚኦም መንእሰያት ብነጻን ስም ብዘይምግላጽን ደገፍ ይህብ።መንእሰያት ብዛዕባ ጸቕጢ፣ ጭንቀት ወይ ካልእ ከቢድ ስምዒታት ክዛረቡ ናብኡ ክውከሱ ይኽእሉ።