ኣብ መስርሕ ዑቕባ እንተሃሊኻን ኣብ ኔዘርላንድ ክትምርዖ እንተደሊኻን እዚ ክትፈልጥ ኣለካ

ኣብ ኔዘርላንድ ነፍስወከፍ ጾታዎ ዝምድና ዘለዎ ሰብ ብሓባር ኣይነብርን እዩ። ኩሉ ብሓባር ዝነብር ሰብ ድማ ምርዑው ማለት ኣይኮነን። ብሕጋዊ ኣገባብ ዘየዋደድካዮ ክንስኻ ኣብ ኔዘርላንድ ብሓባር ክትነብር ትኽእል ኢኻ። 

ንዝምድናኹም ብሕጋዊ መንገዲ ከተዋድዶን ወግዓዊ ክትገብሮን እንተድኣ ደሊኻ፣

ኣብ መንጎ ምምርዓው (ቃል-ኪዳን)፣ ምዝጉብ ሓዳር፣ ወይ ናይ ሓባር ምንባር ስምምዕ፣ ናይ መሰላትን ግዴታታትን ፍልልይ ኣሎ።

ብሓባር ናይ ምንባር ውዕል

ናይ ሓባር ምንባር ውዕል ምስ ዝህልወኩም፣ ብመሰረት ብሕጊ ከም ሰብ ሓዳር ኣይትቑጸሩን ኢኹም። ስለዚ ብኣውቶማቲክ መሰላትን ግዴታታትን የብልኩምን። ንኣብነት ኣውቶማቲክ ናይ ነንሓድሕድኩም ናይ ውርሻ መሰል የብልኩምን። ብዛዕባ ኣብ ውሽጢ ዝምድናኹም ዝህልወኩም መሰላትን ግዴታታትን ኸኣ ብሓባር ስምምዓት ትገብሩ። ብሓባር ብምዃን ድማ ናይ ሓባር ምንባር ውዕል ክትገብሩ ትኽእሉ ኢኹም። መብዛሕትኡ ግዜ ግን ኖታሪ እዩ ነዚ ዝገብሮ።

ምዝጉብ ሓዳር

እንተድኣ ተመርዒኹም ወይ ምዝጉብ ሓዳር ጀሚርኩም ኣውቶማቲክ ኣብ ነንሓድሕድኩም ሕጋዊ መሰላትን ግዴታታትን ይህልወኩም። ንኣብነት ናይ ነንሓድሕድኩም ናይ ውርሻ መሰልን፣ ነንሓድሕድኩም ናይ ምክንኻን ግዴታን ኣለኩም። እንታይ ነንሓድሕድኩም ትካፈሉ ምዃንኩምን ዘይምዃንኩምን ብጽሑፍ ከተስፍርዎ ዲኹም ትመርጹ? ስለዚ ነዚ ብዝምልከት ቅድሚ መርዓኹም ወይ ምዝጉብ ሓዳርኩም ብሓገዝ ናይ ኖታሪ ስምምዓት ክትገብሩ ትኽእሉ ኢኹም።

ምምርዓው

ምምርዓው (ቃል-ኪዳን) ከምኡ እውን ምዝጉብ ሓዳር ኣዝዩ ተመሳሳሊ እዩ። ይኹን እምበር ኣብዚ እውን ሒደት ፍልልያት ኣለዉ። ንኣብነት ኣብ እትምርዓዉሉ እዋን፣ ነንሓድሕድኩም 'ኣነ ቃል እኣቱው' ክትብሉ ኣለኩም። ንምዝጉብ ሓዳር ግን ከምኡ ኣየድልን እዩ። ምርዑው እንተድኣ ኮይንካ ድማ፣ ክትፋታሕ እንተደሊኻ ኩሉ ግዜ ናብ ቤት-ፍርዲ ክትከይድ ኣለካ።

ክትምርዓው እንተድኣ ደሊኻን ኣብ መስርሕ ዑቕባ እትርከብ እንተድኣ ኮይንካን፣ ካብ መበቆል ሃገርካ ዕድሜኻ 18 ዓመት ወይ ልዕሊኡ ምዃኑ ዘረጋግጽ ናይ ልደት ምስክር ወረቐት የድልየካ። ድሮ ከም ዘይተመርዓኻ ዝገልጽ ወግዓዊ መግለጺ እውን የድልየካ። ካብዚ ሓሊፉ ወረቐት መንነት ክህልወካ እውን ኣለዎ። ንሓተቲ ዑቕባ እዚ

ምምርዓውን ምዝጉብ ሓዳርን ብቐጥታ መንበሪ ፍቓድ ናይ ምርካብ መሰል ዘውህበካ ከምዘይኮነ ምፍላጥ ኣገዳሲ እዩ።

ኣብ ኔዘርላንድ ናይ ሓባር ምንባር ውዕል ክትፍጽም ትኽእል ኢኻ። ነዚ ውዕል ምስ መጻምድትኻ ብሓባር ክትገብርዎ ትኽእሉ ኢኹም። ወይ እዚ ብኖታሪ ንኽግበር ክትመርጽ ትኽእል ኢኻ። እዚ ድማ 'ኖታርያዊ ናይ ሓባር ምንባር ውዕል' ይበሃል።

ቅድመ-ኩነታት ናይ ሓባር ምንባር ውዕል፡

• ዕድሜኻ ልዕሊ 18 ዓመት ክኸውን ኣለዎ።

• ብዛዕባ ገንዘብካን ህይወትካን ባዕልኻ ክትውስን እትኽእል ክትከውን ኣለካ።

ክትምርዓው ወይ ሓዳር ክትጅምር እንተድኣ ኮይንካ ነዚኦም ቅድመ-ኩነታት ከተማልእ ኣለካ፡

• ዕድሜኻ ልዕሊ 18 ዓመት ክኸውን ኣለዎ።

• ንስኻ ን/ወይ መጻምድትኻ ኣብ ኔዘርላንድ ንልዕሊ 6 ኣዋርሕ ዝተቐመጥኩም ኢኹም።

• ምስ ካልእ ሰብ ተመርዒኻ ዘለኻ ክትከውን ኣይፍቀደልካን እዩ። ምምሕዳር ከተማኻ ከም መርትዖ

  'ናይ ዘይምርዑው ኩነት መግለጺ'
  ክሓትት ይኽእል እዩ። እቲ 'ናይ ዘይምርዑው ኩነት መግለጺ' ሕጋውነት ክለብስ ኣለዎ። እቲ 'ናይ ዘይምርዑው ኩነት መግለጺ' ብቋንቋ ኔዘርላንድ፣ እንግሊዝ፣ ፈረንሳ ወይ ጀርመን ዝተጻሕፈ ምስ ዘይከውን ድማ መጀመርታ ቃለ-መሓላ ብዝፈጸመ ተርጓሚ ክትርጎም ኣለዎ።
  ​

• ምስ ከም ሓው ወይ ሓፍቲ ዝኣመሰሉ ዝተወሰኑ ኣባላት ስድራ-ቤት ክትምርዖ ኣይፍቀደልካን እዩ።

• ኣብ ትሕቲ ኩነት ሓለዋ ሕጋዊ ብቕዓት ንዘይብሎም ዘለኻ ብሰንኪ ምዃንካ ብዛዕባ ገንዘብካን ህይወትካን ካልእ ሰብ ዝውስን ምስ ዝኸውን፣ ካብዚ ሰብ እዚ ፍቓድ ክትረክብ ኣለካ። ብስነ-ኣእምሮኣዊ ምኽንያት ኣብ ትሕቲ ሓለዋ ሕጋዊ ብቕዓት ንዘይብሎም ዲኻ እትርከብ? ስለዚ ነቲ መርዓ ወይ ምዝጉብ ሓዳር ብዝምልከት ዳኛ ፍቓድ ክህብ ኣለዎ።

ኣብ ኔዘርላንድ ክትምርዖ እንተድኣ ደሊኻ ዕድሜኻ 18 ዓመትን ልዕሊኡን ክኸውን ኣለዎ። ድሮ ምስ ካልእ ሰብ ተመርዒኻ እንተድኣ ኮይንካ፣ ኣብ ኔዘርላንድ ክትምርዖ ኣይትኽእልን ኢኻ። ካብዚ ሓሊፉ ኣብ ኔዘርላንድ ወለድን ውሉዳትን፣ ኣቦ-ሓጎታትን እኖ-ሓጎታትን ደቂ ደቅን፣ ወይ ኣሕዋትን ኣሓትን ክምርዓዉ ኣይፍቀድን እዩ። ኣብ መንጎ ደቂ ሓውቦ፣ ደቂ ኣኮ፣ ወይ ኣብ መንጎ ኣኮ/ሓው ኣቦ ወይ ሓትኖ/ኣሞ፣ ደቂ ሓውቦ ወይ ደቂ ኣኮ ዝግበር መርዓ ዝፍቀድ ካብ ክልቲኦም መጻምድቲ ብናቶም ድሌት ክምርዓዉ ከም ዝደልዩ ዝገልጽ ወግዓዊ መግለጺ ምስ ዝህሉው ጥራይ እዩ። እዚ ኣብ መውስቦ ተመሳሳሊ ጾታ እውን ይምልከት። ንኣብነት 2 ክምርዓዉ ዝደልዩ ደቂ ሓውቦ ወይ 2 ደቂ ኣኮ ምስ ወዲ ሓው/ሓፍቲ ወይ ኣሞ/ሓትኖ ምስ ወዲ ሓፍቲ/ሓው።

ኣብ ኔዘርላንድ ሲቪላዊ መርዓ ወይ ሓዳር ክትፍጽም ትኽእል ኢኻ። ነዚ ኣብ ምምሕዳር ከተማኻ ከተዋድዶ ትኽእል ኢኻ። ነዞም ዝስዕቡ 2 ነገራት ድማ ክትገብር ኣለካ፡

• ቅድሚ እቲ መርዓ ወይ ምዝጉብ ሓዳር ምፍጻም እንተወሓደ 2 ሳምንታት ኣቀዲምካ ብዛዕባ እዚ ናብቲ እትነብረሉ ምምሕዳር ከተማ ክትሕብር ኣለካ። እዚ መብዛሕትኡ ግዜ ብኢንተርነት ክግበር ይከኣል እዩ። ነዚ ድማ ሕጋውነት ዝለበሰ ናይ ልደት ምስክር ወረቓቕትኹም የድልየካ። እቲ ናይ ልደት ምስክር ወረቐት ብቋንቋታት ኔዘርላንድ፣ እንግሊዝ፣ ፈረንሳ ወይ ጀርመን ምስ ዘይከውን ድማ

  ቃለ-መሓላ ብዝፈጸመ ተርጓሚ
  ክትርጎም ኣለዎ።

• ካብ 2 ክሳብ 4 መሰኻኽር ከተመዝግብ ኣለካ። እዚኦም መብዛሕትኡ ግዜ ኣብ መርዓኹም ወይ ምዝጉብ ሓዳርኩም ዝርከቡ ኣባላት ቤተሰብ ወይ ኣዕሩኽ እዮም። እቶም መሰኻኽር ዕድሚኦም እንተወሓደ 18 ዓመት ክኸውን ኣለዎ።

ኣብ ብዙሓት ምምሕዳር ከተማታት ኣብ ዝተወሰኑ መዓልታት ናይ ሰሙን ብነጻ መርዓ ወይ ምዝጉብ ሓዳር ንኽትፍጽም ይከኣል እዩ። ብዛዕባ እዚ ንምምሕዳር ከተማኻ ክትሓትት ትኽእል ኢኻ።

እንተደሊኻ ሃይማኖታዊ ጽንብል እውን ክትገብር ትኽእል ኢኻ። ንኣብነት ኣብ ቤተ-ክርስቲያን ወይ መስጊድ። እዚ ተወሳኺ ጽንብል እዩ፣ ከምኡ እውን ነቲ ኣብ ምምሕዳር ከተማ ዝፍጸም ሲቪላዊ መርዓ ወይ ምዝጉብ ሓዳር ዝትክእ ኣይኮነን። ሃይማኖታዊ ጽንብል ጥራይ ዲኻ ትገብር ዘለኻ? ከምኡ ምስ ዝኸውን ዝምድናኻ ብመሰረት ሕጊ ወግዓዊ ኣይኮነን።

ምስ ሓደ መንበሪ ፍቓድ ዘለዎ/ዋ ሰብ፣ ወይ ናይ ኔዘርላንድ ዜግነት ዘለዎ/ዋ ሰብ እንተድኣ ተመርዒኻ/ኺ፣ መንግስቲ ኔዘርላንድ መንበሪ ፍቓድ ንምርካብ ጥራይ ኢልኩም ትምርዓዉ ኣለኹም ኢሉ ክሓስብ ይኽእል እዩ። ኣብ ከምኡ ኩነታት፣ ናይ ዘይሓሶት-ቃል-ኪዳን መግለጺ