ንምውህሃድካ ዝኸውን ገንዘብ ናብ DUO ክትመልስ ዘይትግደድ ክትከውን ትኽእል ኢኻ

ቅድሚ 1 ጥሪ 2022 ዲኻ ምውህሃድ ጀሚርካ? ስለዚ ምናልባት ካብ

DUO

ኣብ ከምዚ ዝስዕብ ብዛዕባ ልቓሕካ ሓድሽ ደብዳቤ ክትቕበል ኢኻ፡

1. ብዕለት 15 መጋቢት 2023 ወይ ድሕሪኡ ብዛዕባ መቕጻዕቲ ዝምልከት ውሳኔ ዝሓዘ ደብዳቤ ካብ DUO ተቐቢልካ ዝነበርካ ምስ እትኸውን። እዚ መቕጻዕቲ ገና ተፈጻምነት ኣለዎ፣ እንተኾነ ግን ገና ነቲ መቕጻዕቲ ክትመልሶ ኣይትግደድን ኢኻ።

2. ብዕለት 15 መጋቢት 2023 ወይ ድሕሪኡ ንልቓሕ ዝምልከት ውሳኔ ዝሓዘ ደብዳቤ ካብ DUO ተቐቢልካ ዝነበርካ ምስ እትኸውን። እዚ ልቓሕ ገና ኣብ ቦታኡ እዩ ዘሎ፣ እንተኾነ ግን ገና ነቲ ልቓሕ ክትመልሶ ኣይትግደድን ኢኻ።

3. ካብ DUO "መረጋገጺ ውሳኔ" ዝሓዘ ደብዳቤ ተቐቢልካን፣ ኣብ ዕለት 15 መጋቢት 2023 ወይ ድሕሪኡ ተቓውሞ ከተቕርብ እትኽእልን ዝነበርካ ምስ እትኸውን። ሕጂ እውን ገና ተቓውሞ ከተቕርብ ትኽእል ኢኻ።

DUO ነቲ ዘለቕሖ ገንዘብ ከምልሶ ዝኽእል ምዃኑን ዘይምዃኑን ገና ንጹር ኣይኮነን። ምናልባት ብመሰረት ሕጊ ኤውሮጳ ዘይፍቐደሉ ክኸውን ይኽእል እዩ። ስለዚ ድማ እቲ ኣብ ኔዘርላንድ ዝለዓለ ቤት-ፍርዲ ዝኾነ

ቤት-ምኽሪ ሃገር

ስለዚ ድማ እዩ ኣብዚ እዋን እዚ DUO ካብ ናይ ባንክ ሕሳብካ ገንዘብ ምቚራጽ ደው ዘብል። ንግዚኡ ድማ ዋላ ሓንቲ ክትመልስ ኣየድልየካን እዩ፣ እንተወሓደ ካብ ቤት-ፍርዲ ኤውሮጳ ንጹርነት ክሳብ ዝርከብ። DUO ናይቲ ኣብዚ ግዜ እዚ ክትመልሶ ዝነበርካ ገንዘብ እውን ዝኾነ ወለድ ኣይሓትትን እዩ።

ቤት-ፍርዲ ኤውሮጳ ውሳኔ ሂቡ ድዩ? ምናልባት ዳኛ፣ DUO ነቲ ዘለቕሖ ገንዘብ ከምልሶ ከም ዝፍቀደሉ ክውስን ይኽእል እዩ። ወይ እቲ ዳኛ እዚ ከም ዘይፍቀድ እውን ክውስን ይኽእል። ቀጺሉ እንታይ ከም ዝኸውን ክሳብ ሕጂ ንጹር ኣይኮነን። ስለዚ ሽዕኡ ካብ DUO ካልእ ደብዳቤ ክትቅበል ኢኻ። ኣብኡ ድማ እቲ ሓድሽ ኩነታት እንታይ ምዃኑን፣ እዚ ንዓኻ እንታይ ማለት ምዃኑን ተገሊጹ ክትረኽቦ ኢኻ። ብዛዕባ እቲ ብይን ድሒርካ ኣብ RefugeeHelp ከተንብብ እውን ትኽእል ኢኻ።

ድሕሪ 1 ጥሪ 2022 ዲኻ ምውህሃድ ጀሚርካ? ስለዚ ኣብ ትሕቲ ካልእ ሕጊ ኢኻ እትምደብ። እዚ ድማ ሕጊ ምውህሃድ 2021 እዩ። ስለዚ ምምሕዳር ከተማ እዩ ንምውህሃድካ ዝኸፍሎ። እዚ መልእኽቲ ንዓኻ ኣይምልከትን እዩ።