ኣብዚ ክረምቲ 'Pride' ኣብ ኔዘርላንድ ጸምብል
ኣብ ማሕበራዊ ሚድያ ኣካፍል፡
ኣብ ኔዘርላንድ ነፍስወከፍ ዓመት ፕራይድ 'Pride' ክትጽምብል ትኽእል ኢኻ። ልክዕ ከምቲ ኣብ ብዙሓት ካልኦት ሃገራት ዝግበር። ኣብ ኣምስተርዳም 'Pride Walk' ቀዳም 25 ሓምለ ክካየድ እዩ፣ ቀዳም 1 ነሓሰ ድማ እቲ ህቡብ 'Canal Parade' ክግበር እዩ። ኣብ ኔዘርላንድ ኣየኖት ፍጻመታት ከም ዘለዉ ኣብዚ ዓንቀጽ ኣንብብ።
መን ብምዃንካ ምሕባን
'Pride' ማለት ሓበን ማለት እዩ።
'Pride' ከም ተቓውሞ እኳ እንተጀመረ፣ ኣብ ዝሓለፉ ዓመታት ግን ዝያዳ ጽምብል እናኾነ መጺኡ። ከምዚ ኮይኑ እናሃለወ ግን ንLHBTQIA+ ሰባት ማዕረ መሰል ከም ዝህልዎም ንምግባር ዝግበር ቃልሲ ገና ኣይተዛዘመን። ብዙሓት LHBTQIA+ ሰባት ክሳብ ሕጂ ኣብ ኔዘርላንድ ሓዊስካ ኣድልዎን ጎነጽን የጋጥሞም እዩ።
ኣብ ኣምስተርዳም በጻሕቲ ኣንጻር ዓሌትነት ደው ዝብልሉ 'Black Pride' እውን ኣሎ። እዚ ተበግሶ ዝጀመረ ብዙሓት ትካላት ንኹሉ ሓቖፍቲ ክኾና ዝደልያ ክነሰን ኣንጻር ዓሌትነት ብንጹር ስለዘይዛረባ እዩ። እዚ ድማ፣ ምንቅስቓስ 'Pride' ሳላ ኣብ 1960ታት ዝነበረ ምንቅስቓስ ጸረ-ዓሌትነትን፣ ጸለምቲ ዝመበቆሎም ደለይቲ ፍትሒ ኣብ ተቓውሞታት LHBTQIA+ ሳላ ዘበርከትዎ ኣገዳሲ ተራ ዝተጋህደ ኮይኑ እናሃለወ እዩ።
ኣብ ብዙሓት ካልኦት ሃገራት ግብረሰዶማዊ ምዃን ገና ዘይሕጋዊ እዩ፣ እዚ ድማ ንብዙሓት ኣብኡ ዝርከቡ LHBTQIA+ ሰባት ኣዝዩ ሓደገኛ ይገብሮ፣ ከምኡ እውን መብዛሕትኡ ግዜ ክሃድሙ ይፍትኑ። ስለዚ ድማ እቲ ክሳብ ሕጂ ዘሎ ዘይምዕሩይነት ኣብ እዋን 'Pride' ኣቓልቦ ከም ዝረክብ ይግበር።
'Pride' ካብ ተቓውሞ እዩ ተፈጢሩ
ናይ መጀመርታ 'Gay Pride' ኣብ 1970 ኣብ ኒውዮርክ እዩ ተኻይዱ። እዚ ተቓውሞ እዩ ነይሩ።
ኣብቲ እዋን ፖሊስ መወዳእታ ንዘይብሉ ግዜ ብተደጋጋሚ ካብ ዝዘናግዕሉ ባር ክሰጒዎም ምስ ደለዩ፣ ግብረሰዶማውያን ደቂ-ተባዕትዮን ደቂ-ኣንስትዮን ትራንስቨስታይትን ተቓውሞ ገይሮም። ድሕሪ ናይ ዓመታት ምግፋዕን ጎነጽን ድማ LHBTQIA+ ሰባት ተቓውሞ ገይሮም ። እቲ ናዕብታትን ተቓውሞታትን ን6 መዓልታት ቀጺሉ። እዚ ድማ ናይቲ LHBTQIA+ ሰባት ማዕረ መሰል ንክረኽቡ ዝግበር ቃልሲ መፈለምታ ነይሩ።
'World Pride' ኣምስተርዳም 2026!
ኣብ 2026 ኣምስተርዳም ታሪኽ ትሰርሕ፡ እታ ከተማ ኣብ ታሪኽ ንፈለማ እዋን ናይ WorldPride ኣአንጋዲት ከተማ እያ። እዚ ኣህጉራዊ ፍጻመ ምልክት ዓለምለኻዊ ምልክት ናይ ተራኣይነት፣ ማዕርነትን ኣተኲሮን ንመሰላት ማሕበረሰብ LHBTQIA+ እዩ።
ብፍላይ WorldPride ናብ ኣምስተርዳም ይመጽእ ምህላዉ ፍሉይ እዩ። ኣብ 2026፣ ኔዘርላንድ ኣብ ዓለም ተመሳሳሊ ጾታ ዘለዎም መጻምድቲ መርዓ ንኽፍጽሙ ዝፈቀደት ፈላመይቲ ሃገር ካብ እትኸውን ድሮ ልክዕ 25 ዓመት ክመልእ እዩ። ኣብ መላእ ዓለም ንሓርነት LHBTQIA+ ሰባት ዓቢ ትርጉም ዘለዎ ታሪኻዊ ምዕራፍ ድማ እዩ።
ኣብ እዋን 'Pride' ኣብ ኣምስተርዳም ብዙሕ ክትርእዮን ክትገብሮን እትኽእል ነገራት ኣሎ
ን2 ሳምንታት (ካብ 25 ሓምለ ክሳብ 8 ነሓሰ) ኣምስተርዳም ምሉእ ብምሉእ ንብዙሕነት፣ ንኹሉ ሓቋፍነትን፣ ንባዕልኻ ናይ ምዃን ናጽነትን ዝተወፈየት ከተማ ክትከውን እያ። ኣብ መላእ እታ ከተማ ፍጻመታት፣ ምትእኽኻባት፣ ምርኢታትን ንጥፈታትን ክካየዱ እዮም። እቲ ፍሉይ ዝገብሮ ድማ እቲ ኣብ ቀዳም 1 ነሓሰ 2026 ዝካየድ ፍሉጥ ናይ ካናል ፓረድ 'Canal Parade' እዩ። ኣብዚ ሕብራዊ ሰልፊ ዓሰርተታት ጀላቡ ብካናላት ኣምስተርዳም ክጓዓዛ እየን።
እዚ ዓቢይን ሕብራዊን ዝኾነ ናይ ጀላቡ ሰልፊ ዓመታዊ ልዕሊ 300,000 በጻሕቲ ይስሕብ። ካብ ወጻኢ ሃገራት እውን ከይተረፈ ብዙሓት ሰባት ነዚ ክዕዘቡ ይመጽኡ። ኣብ ሰዓትካ ከም እትመጽእ ኣረጋግጽ፣ እንተዘይኮይኑ ቦታ ኣይርከብን እዩ። ኩሉ ሰብ ኣብ ድልድላት ወይ ኣብ ጎኒ መትረባት ኣብ ድሕሪ ነንሓድሕድ ደው ብምባል ድማ ይምልከት። ከተድንቀን እትኽእል 80 ጀላቡ ብእኡ ይጎዓዛ። ኩሉ ሰብ ድማ ምስ ነንሓድሕድ ይስዕስዕ፣ ይጽምብል፣ ይዝምርን ኣእዳው ንሰላምታ የወዛወዝን። ኣብ ጀላቡ ጥራይ ዘይኮነስ ኣብ ወሰናስን እውን።
ብዙሓት ከተማታት ኔዘርላንድ 'Pride' ይጽምብላ እየን
'Pride' ግድን ኣብ ኣምስተርዳም ጥራይ ክትጽምብል ኣየድልየካን እዩ። ኣብ ብዙሓት ከተማታት ኔዘርላንድ ናብ 'Pride' ክትከይድ ትኽእል ኢኻ። ኣብ ገሊአን ከተማታት 'Pride' ድሮ ተኻይዱ እዩ። ኣብዚ ክረምቲ ገና ኣብዚ ዝስዕብ 'Pride' ክትጽምብል ትኽእል ኢኻ፡