ሓድሽ ናይ ቪድዮ ገጽ ናይ ዑቕባ መንበሪ ፍቓድ ንዘለዎም ሰባት ብቐጥታ ኣብ RefugeeHelp

ካብ ሎሚ ጀሚርካ ብዛዕባ ኣገደስቲ ዛዕባታት ዝምልከቱ ኩሎም ቪድዮታት፣ ኤለክትሮኒካዊ ትምህርታትን ምስላዊ ሓበሬታታትን ኣብ RefugeeHelp ኣብ ሓድሽ ናይ ቪድዮ ገጽ ክትርእዮም ትኽእል ኢኻ። እዞም ቪድዮታት ድሮ ኣብ ዩቱብ እኳ እንተነበሩ፣ ሕጂ ግን ኣብ RefugeeHelp እውን ክትረኽቦም ትኽእል ኢኻ። እቲ ሓድሽ ገጽ፣ 'ቪድዮን መብርሂን' ተባሂሉ ይጽዋዕ።

ኣብ መጻኢ እውን ኣብ 'ቪድዮን መብርሂን' ሓደስቲ ቪድዮታትን ምስላዊ ሓበሬታታትን ክንዝርግሕ ኢና። እቶም ቪድዮታት ብዝተፈላለዩ ቴማታት ተኸፋፊሎም ይርከቡ፡

• ክንክን ጥዕና፡ ብዛዕባ ክንክን ጥዕና ኣብ ኔዘርላንድ ዝምልከቱ ቪድዮታት፣ መብርሂ ብዛዕባ መድሕን ጥዕናን፣ እንተድኣ ሓሚምካ እንታይ ክትገብር ከም ዘለካን።

• ምውህሃድ፡ ብዛዕባ ስርዓተ-ምውህሃድ ኣብ ኔዘርላንድ ዝገልጽ ቪድዮ ረኣይ።

• ገንዘብ፡ ኣብ ትሕቲ 'ቪድዮን መብርሂን'፣ ብዛዕባ ገንዘብ፣ ንኣብነት ብዛዕባ ናይ ጸዓትካ ዝኽፈል ሕሳብን ወርሓዊ እትኸፍሎ ወጻኢታትካን ዝምልከት ብዙሕ ቪድዮታት ኣሎ። ግን ድማ ኣብ ህይወትካ ዝመጽእ ለውጢ ንኣታዊኻ ብኸመይ ክጸልዎ ከም ዝኽእል ዝገልጽ ቪድዮ እውን ኣሎ።

• ሓፈሻዊ ሓበሬታ ብዛዕባ ኔዘርላንድ፡ ኣብዚ ብዛዕባ DigiD ዝምልከት ቪድዮ ረኣይ።