ምርጫ ባይቶ ወከልቲ ህዝቢ 2025 ብዛዕባ እንታይ እዩ?

ብዙሓት ኔዘርላንዳውያን ብዛዕባ ዕዳጋ ኣባይቲ ስክፍታ ኣለዎም። ርኡይ ሕጽረት ርትዓዊ ኣባይቲ ኣሎ። ማሕበራዊ ኣባይቲ ንምርካብ ዘሎ ናይ ምጽባይ ግዜ ድማ ነዊሕ እዩ። ከም GroenLinks-PvdA ከምኡ እውን SP ዝኣመሰኡ ገሊኦም ሰልፊታት ዝያዳ ማሕበራዊ ኣባይቲ ክሃንጹ ክደልዩ እንከለዉ፣ ከም VVDን BBBን ዝኣመሰሉ ካልኦት ሰልፊታት ድማ ብውልቀ-ኣውፈርቲ ሓዊሱ ዝካየድ ህንጸት ኣባይቲ ክቕልጥፍ ምእንቲ ንዘለዉ ሕግታት ከፍኲሱ ይመርጹ።

ከም VVD፣ BBB፣ PVV፣ FvDን JA21ን ዝኣመሰሉ ገሊኦም ሰልፊታት፣ መንበሪ ፍቓድ ንዘለዎም ስደተኛታት ማሕበራዊ ኣባይቲ ንምርካብ ቀዳምነት ዝህብ ሕጊ ንኽቋረጽ ሓድሽ ሕጊ ክወጽእ ይደልዩ። እዞም ሰልፊታት፣ እዚ ነቲ ሕጽረት ኣባይቲ ብኸፊል ይፈትሖ እዩ ዝብል እምነት ኣለዎም። ብመሰረት

ደገፍቲ እቲ እማመ፣ ኣብ ኔዘርላንድ ነፍስወከፍ ሰብ መንበሪ ገዛ ንምርካብ ሓደ ዓይነት ዕድል ክህልዎ ኣለዎ ዝብል እምነት ኣለዎም። ከም በዓል GL-PvdA፣ D66፣ CU፣ SP፣ DENK፣ PvdDን Voltን ዝኣመሰሉ ተቓወምቲ እዚ እማመ፣ እዚ ሓሳብ ስደተኛታት ኣብ መዕቆቢ ቦታታት ንነዊሕ እዋን ከም ዝጸንሑ ዝገብር ምዃኑን፣ ብሰንኪ እዚ ድማ ስደተኛታት ናብ መንበሪ-ቤት ንምስግጋር ክዕንቅፍን፣ ኣብ መዕቆቢ ቦታታት ዝህሉው ጸቕጢ ከም ዝውስኽ ክገብርን እዩ ክብሉ ይምጉቱ።

ከም NSC፣ CDAን SGPን ዝኣመሰሉ ብርክት ዝበሉ ሰልፊታት፣ ዕዳጋ ኣባይቲ ብሰንኪ ፍልሰት ኣብ ትሕቲ ጸቕጢ ከም ዝርከብ ይጠቕሱ፣ እንተኾነ ግን ንወነንቲ መንበሪ ፍቓድ ዝኾኑ ስደተኛታት ዝወሃብ ቀዳምነት ንምስራዝ ብዝምልከት ዝበልዎ ዝኾነ ጭቡጥ ነገር የለን።

ዑቕባን ፍልሰትን ኣብ ናይ ምርጫ ማኒፌስቶታትን መርገጺታትን ናይ ኩሎም ሰልፊታት ኣገደስቲ ቴማታት እዮም። እዞም ቴማታት፣ መን ናብ ኔዘርላንድ ክመጽእ ከም ዝፍቀደሉ፣ ሰባት ክሳብ ክንደይ ክጸንሑ ከም ዝፍቀደሎም፣ ከምኡ እውን መዕቆቢን ምውህሃድን ብኸመይ ክዋደድ ከም ዘለዎን ዝምልከቱ እዮም። ገሊኦም ሰልፊታት ኔዘርላንድ ስደተኛታትን ብፍልሰት ዝመጽኡ ሰባትን ምቕባል ዝምልከቱ ዝያዳ ጽኑዓት ሕግታት ክህልዋ ይደልዩ። ካልኦት ሰልፊታት ድማ ኔዘርላንድ ንዝተጸገሙ ሰባት ሓለዋ ኣብ ምሃብ ብመሰረት ኣህጉራዊ ስምምዓት ክትቅጽል ኣለዋ ዝብል እምነት ኣለዎም። ከም በዓል VVD፣ BBB፣ PVV፣ FvD፣ JA21፣ NSC፣ CDAን SGPን ዝኣመሰሉ ጽኑዕ ፖሊሲታት ክግበር ዝድግፉ ሰልፊታት፣ ሒደት ስደተኛታት ንኽኣትዉን ጽኑዓት ሕግታት ክግበርን ይደልዩ። ብተወሳኺ ኣብ ኤውሮጳ ስደተኛታት ብዛዕባ ምምላስን፣ ብዛዕባ ምሕላው ዶባት ኤውሮጳን ዝምልከቱ ስምምዓት ክግበር ይደልዩ። ከም በዓል GL-PvdA፣ D66፣ CU፣ SP፣ DENK፣ PvdDን Voltን ዝኣመሰሉ ተቓወምቲ ጽኑዕ ፖሊሲታት ድማ፣ ኔዘርላንድ ንስደተኛታት ሓለዋ ምሃብ ክትቅጽል ከምዘለዋን፣ መዕቆቢ ሰብኣዊ ኮይኑ ክቕጽል ከም ዘለዎን ይኣምኑ።

ብዙሓት ሰባት ብዛዕባ ገንዘብ ይጭነቑ እዮም። ዋጋታት ሱፐርማርኬት ልዑል እዩ፣ ጸዓት ክቡር እዩ፣ ንመነባብሮኻ ምሽፋን ድማ ኣጸጋሚ እዩ። ኣብቶም ናይ ምርጫ ማኒፌስቶታት ድማ፣ እዚ ብኸመይ ክፍታሕ ከም ዝኽእል ብዝምልከት ኣብ መንጎ ሰልፊታት ዓበይቲ ፍልልያት ከምዘሎ ትዕዘብ።

ገሊኦም ሰልፊታት ትሑት ኣታዊ ዘለዎም ሰባት ዝያዳ ውሕስነት ምእንቲ ክረኽቡ፣ መንግስቲ

GL-PvdA፣ SP፣ D66፣ CU፣ DENK፣ PvdDን Voltን ዝተሓተ ገደብ-ደሞዝን ገንዘባዊ ምሓበራዊ ደገፋት ክውስኹ ይደልዩ፣ ከምኡ እውን ትሑት ኣታዊ ንዘለዎም ሰባት ዝያዳ ደገፍ ክህቡ ይደልዩ።

VVD፣ BBB፣ NSC፣ CDA፣ JA21፣ PVV፣ FvDን SGPን ዝወሓደ ግብሪ ምኽፋልን መነባብሮ ብተመጣጣኒ ዋጋ ክኸውንን ይደልዩ። VVD፣ BBB፣ NSCን FvDን ድማ ናይ ገዛእ-ርእሶም ትካል ዘለዎም ሰባት ጽቡቕ ክሰርሑን ገንዘብ ክረኽቡን ክኽእሉን ኣገዳሲ ምዃኑን፣ ምስራሕ ዝያዳ ክፍሊት እትረኽበሉ ክኸውን ከም ዘለዎን ይኣምኑ። PVV፣ CDA፣ JA21ን SGPን ዝያዳ ኣብ

ኔዘርላንድ ኣብ ኣህጉራዊ ፖለቲካ ተራ ኣለዋ፡ ኣብ

ኔዘርላንድ ኣብ ምክልኻል ክንደይ ገንዘብ ከተውጽእ ከምዘለዋ ኣብ ኔዘርላንድ ቀጻሊ ክትዕ ኣሎ። ሃገራት ካብ ሃገራዊ እቶተን 3.5 ሚእታዊት ንንምክልኻል፣ ካልእ 1.5 ሚእታዊት ድማ ንሰፊሕ ጸጥታ ክምድባ ከምዘለወን ኔቶ ተሰማሚዑ ኣሎ። ብሓደ ወገን ሰልፊታት GL-PvdA፣ VVD፣ NSC፣ D66፣ CDA፣ CU፣ SGP፣ PVV ከምኡ እውን Volt ነቲ ወሰኽ ይድግፉ። ብኻልእ ወገን ድማ SP፣ PvdD ከምኡ እውን DENK ድሕንነት ብቐንዱ ብዛዕባ ዲፕሎማስን ሰብኣዊ መሰላትን ምዃኑ ብምእማን ነዚ ዝነቕፉ እዮም። ሰልፊታት BBB፣ JA21፣ FvD ገና ኣብ መደባቶም ኣብቲ 3.5 ሚእታዊት ናይ ወሰኽ ደረጃ ዘለዎም መርገጺ ብንጹር ኣይገለጹን ኣለዉ።

ኣብ ቓዛ ዝካየድ ዘሎ ኲናት ንብዙሓት ሰልፊታት ኣገዳሲ ጉዳይ እዩ። ከም በዓል GL-PvdA፣ SP፣ PvdDን DENKን ዝኣመሰሉ ሰልፊታት እቲ ኲናት ብቕልጡፍ ደው ክብልን፣ ኔዘርላንድ ናብ እስራኤል ኣጽዋር ምልኣኽ ደው ከተብሎን ይደልዩ። ኔዘርላንድ ሰብኣዊ ሓገዝ ንምስላጥን መሰል ፍልስጤማውያን ንምሕላውን ዝያዳ ክትገብር ከምዘለዋ ድማ ይኣምኑ። ካልኦት ከም SGP፣ PVV፣ BBBን FvDን ዝኣመስሉ ሰልፊታት፣ ኔዘርላንድ ንእስራኤል ምድጋፋ ክትቅጽል ኣለዋ ዝብል እምነት ኣለዎም። ከም በዓል VVD፣ CDA፣ NSC ዝኣመሰሉ ሰልፊታት ድማ ኔዘርላንድ ኣብ ቓዛ ሰላምን ሰብኣዊ ሓገዝን ንኽግበር ክትጽውዕ ክትቅጽል ከምዘለዋ ይኣምኑ፣ እንተኾነ ግን እስራኤል እውን ካብ መጥቃዕቲ ሓማስ ገዛእ- ርእሳነ ክትከላኸል መሰል ከምዘለዋ ይኣምኑ።

ኣብ ዩክሬን ዝካየድ ዘሎ ኲናት እውን ኣብዚ ምርጫታት ተራ ኣለዎ። ዳርጋ ኩሎም ሰልፊታት ንዩክሬን ይድግፉ እዮም፣ ዝግበረሉ ኣገባብ ግን ይፈላለይ እዩ። ከም VVD፣ D66፣ CDA፣ GL-PvdAን Voltን ዝኣመሰሉ ሰልፊታት ኔዘርላንድ ንዩክሬን ብብረትን ገንዘብን መዕቆቢ ስደተኛታትን ምድጋፋ ክትቅጽል ይደልዩ። ሃገራት ኤውሮጳ ኣንጻር ሩስያ ሓድነት ምግባር ክቕጽላ ኣለወን ዝብል እምነት ኣለዎም። ካልኦት ከም SP፣ PVV፣ FvD፣ JA21ን BBBን ዝኣመሰሉ ሰልፊታት ዝወሓደ ወተሃደራዊ ደገፍ ክግበር ይደልዩ፣ ከምኡ እውን ኔዘርላንድ ኣብ መንጎ ሩስያን ዩክሬንን ሰላም ንምፍጠር ዝያዳ ኣብ ምጽዓርን፣ በቲ ኲናት ንዝተሃስዩ ሰባት ሓገዝ ኣብ ምሃብን ከተተኲር ከምዘለዋ ይኣምኑ።

እቲ ናይ ምርጫ ማኒፌስቶ ኣብ ውጥናት ናይቶም ሰልፊታት ሰፊሕ ፍልልይ ከምዘሎ የርእይ። ሓደ ጉጅለ ዝያዳ ኣብ ድሕነትን ዝያዳ ጽኑዕ ሕግታትን ዘተኮረ ክኸውን እንከሎ፣ እቲ ካልእ ድማ ምትሕግጋዝን ምክልኻልን ዘጉልሕ እዩ።

ምርጫ ንምግባር፣ ነቲ ኣዚኻ ክብሪ እትህቦ ነገር ኣብ ግምት ምእታው ኣገዳሲ እዩ። ንገሊኦም እዚ ብተመጣጣኒ ዋጋ መንበሪ ኣባይቲ ምርካብ ወይ እኹል ኣታዊ እዩ። ካልኦት ድማ ንጽቡቕ ክንክን ጥዕና፣ ወይ ድማ ኔዘርላንድ ኣብ ዓለም እትጻወቶ ተራ ዝያዳ ክብሪ ይህብዎ።

ናይቶም ሰልፊታት መደባት፣ ንኣብነት ከም በዓል Kieskompas