ጀምር ኣብ ተር ኣፐል ዘይእኹል መዕቆቢ ቦታታትን ዘይውሑስ ኩነታትን
ኣብ ተር ኣፐል ዘይእኹል መዕቆቢ ቦታታትን ዘይውሑስ ኩነታትን
ነዚ ዓንቀጽ ኣካፍል
ኣብዚ እዋን ኣብ ተር ኣፐል ኣብ ዝርከብ ማእከል ምዝገባ ስደተኛታት ኣዝዮም ብዙሓት ሰባት ኣለዉ። እኹል መዕቆቢ ቦታታት ስለዘየለ ድማ እቲ ኩነታት ሕማቕ እዩ። ስለዚ ምናልባት ናብ ካልእ ቦታ ንኽትከይድ ክትግደድ ትኽእል ኢኻ። እዚ ብኸመይ ከም ዝካየድ ኣብዚ ኣንብብ።
ብዙሓት ሰባት ኣብ መጸበዪ ክፍልታት ናይ IND ይድቅሱ ነይሮም
ኣብ ተር ኣፐል ኣብ ዝርከብ መመዝገቢ ቦታ ናይ 
ብሰንኪ ሕጽረት ቦታታት ኣብ ተር ኣፐል ዝርከብ ኩነታት መነባብሮ ሕማቕ እዩ። ንነፍስወከፍ ሰብ ዝኸውን ዓራት ወይ እኹል መሕጸቢ ሰብነት የለን። ምክትል ሚኒስተር ፍትሕን ጸጥታን ን
ባዕልኻ ናብ ካልእ መዕቆቢ ክትከይድ ኣይፍቀደልካን እዩ
COA ካብ ተር ኣፐል ናብ ካልእ መዕቆቢ ቦታ ክወስደካ ይኽእል እዩ። ኣብ ተር ኣፐል ብግቡእ ክሳብ እትምዝገብ ድማ ንግዚኡ ኣብኡ ክትጸንሕ ኢኻ። ሓደ ሓደ ግዜ ንምምዝጋብ ናብ ተር ኣፐል ክትምለስ ኣለካ። COA ካብን ናብን ተር ኣፐል ንእትገብሮ መጓዓዝያ ከዳልወልካ እዩ። ካብ ወይ ናብ ተር ኣፐል መዓስን ብኸመይን ከም እትጓዓዝ ድማ ክገልጹልካ እዮም።
ናብ ካልእ ቦታ ባዕልኻ ኣይትጓዓዝ። ምኽንያቱ ሽዕኡ IND ኣበይ ከም ዘለኻ ኣይክፈልጥን እዩ፣ ኣብ ተር ኣፐል ዝካየድ ምዝገባኻ ድማ ክጓተት ወይ ብግቡእ ዘይክኸይድ ይኽእል እዩ።
IND፣ ምዕራፍ ምዝገባ ናይ ዑቕባ ሕቶኻ ከመይ ይኸይድ ከምዘሎ ዘመልክት ሕብራዊ ናይ ኢድ ጎማ በናጅር ይዕድል
ሕጂ ዲኻ ኣብ ተር ኣፐል በጺሕካ? ስለዚ ከም ዜግነትን መንነትን ዝኣመሰሉ ሓበሬታታትካ ንምምዝጋብ ናብ IND ቀሪብካ ሓብር። ሽዕኡ IND ኣብ ተር ኣፐል ከም ዝተመዝገብካን ናይ ዑቕባ መስርሕካ ክትጅምር ከም እትደልይን ይፈልጥ።
ድሕሪ እዚ ኣብ IND ዝግበር ምዝገባ፣ ብዛዕባ መስርሕካ ዝገልጽ ደብዳቤን ናይ ኢድ ጎማ በናጅርን ክትቕበል ኢኻ። እዚ ደብዳቤ፣ እቲ መስርሕ ንዓኻ ብኸመይ ከም ዝቕጽል ዝገልጽ እዩ። እቲ ሕብራዊ ናይ ኢድ ጎማ በናጅር ምስቲ ደብዳቤኻ ዝሳነይ እዩ። ብኸምዚ መንገዲ ድማ ኣብ ተር ኣፐል ወይ ካልእ መዕቆቢ ቦታ ዝርከቡ ሰራሕተኛታት፣ ንደብዳቤኻ ከየንበቡ ኣየናይ መስርሕ ከም ዝምልከተካ ክርእዩ ይኽእሉ።
ኣብ ኩነትካ ዝርምኮስ፣ ብዛዕባ መጽንሒ ቦታኻን ዝተረፈ ናይ ዑቕባ መስርሕካን መብርሂ ክትቕበል ኢኻ።
