ኣብ ኔዘርላንድ ብውሑስ ምሕንባስ

ኣብ ናይ ኔዘርላንድ ተፈጥሮኣዊ ማይ ክትሕንብስ ኣብ እትሕንብሰሉ እዋን ኣብ ግምት ከተእትዎም ዘለካ ኣገደስቲ ነገራት ኣለዉ። ንኣብነት ባሕሪ ዘስዕቦ ሓደጋታት ምፍላጥን፣ ኣብ ሓደገኛ ኩነታት እንታይ ክትገብር ከም ዘለካ ምፍላጥን ጽቡቕ እዩ። 

ብርጌድ ምድሓን ህይወት ኔዘርላንድ፣ ኣብ ቀላይ ወይ ባሕሪ ክትሕንብስ ኣብ እትሕንብሰሉ እዋን እንታይ ኣብ ግምት ከተእቱው ከም ዘለካ ዝገልጹ 2 ብሮሹራት ብቋንቋ ዩክሬን ኣዳልዩ ኣሎ። ነቶም ብሮሹራት ኣብዚ ታሕቲ ክትረኽቦም ትኽእል ኢኻ፡

ኔዘርላንድ ብማይ ዝተኸበበት እያ። ስለዚ ኣብ ኔዘርላንድ ዝርከቡ ቆልዑት ንድሕነቶም ኣብ ንኡስ ዕድሚኦም ትምህርቲ ምሕንባስ ይረኽቡ። ካብ ዩክሬን ዝመጽኡ ቆልዑት ምሕንባስ ክመሃሩ እውን ኣገዳሲ እዩ።

ምምሕዳራት ከተማ ንደቅኻ ዝኸውን ትምህርቲ ምሕንባስ ኣብ ምኽፋል ክሕግዛኻ ይኽእላ እየን። ዘለዉ ደንቢታትን ቅድመ-ኩነታትን ኣብ ነፍስወከፍ ምምሕዳር ከተማ ዝተፈላለዩ ክኾኑ ይኽእሉ እዮም። እቲ እትነብረሉ ምምሕዳር ከተማ ብዛዕባ እዚ ሓበሬታ ክህበካ ይኽእል እዩ።

ከም በጽሒ ትምህርቲ ምሕንባስ ክትከታተል እውን ትኽእል ኢኻ። ምምሕዳራት ከተማ ትምህርቲ ምሕንባስ ኣብ ምኽፋል ክሕግዛኻ ይኽእላ እየን። ዘለዉ ደንቢታትን ቅድመ-ኩነታትን ኣብ ነፍስወከፍ ምምሕዳር ከተማ ዝተፈላለዩ ክኾኑ ይኽእሉ እዮም። እቲ እትነብረሉ ምምሕዳር ከተማ ብዛዕባ እዚ ሓበሬታ ክህበካ ይኽእል እዩ።

ኣብ ከባቢኻ ትምህርቲ ምሕንባስ ኣበይ ከም ዝወሃብ ክትፈልጥ ትደልይ ዲኻ? ኣብ መርበብ-ሓበሬታ 'Alles over zwemles' ሓፈሻዊ-ትሕዝቶ ክትረክብ ትኽእል ኢኻ። እቲ መርበብ-ሓበሬታ ብቋንቋ ኔዘርላንድ ጥራይ እዩ ክርከብ ዝከኣል፣ እንተኾነ ግን ኣብቲ ናይ መድለዪ ሽራጥ ስም ናይቲ እትነብረሉ ቦታ ብምምላእ ኣየናይ መሐንበሲ ኣብ ከባቢኻ ከም ዝርከብ ክትልፈጥ ትኽእል ኢኻ።