ትምህርትታት ትከታተልን ፈተናታት ትገብርን

ናይ መወዳእታ ዝተሓደሰሉ: 10/30/2024 2:56 ድ.ቀ.

ምውህሃድ እትሓልፍ፣ ትምህርትታት እንተድኣ ተኸታቲልካን ብድሕሪኡ 6 ዝተፈላለዩ ፈተናታት ምስ እትሓልፍን እዩ። ብዛዕባኡ ዝያዳ ኣብዚ ገጽ ከተንብብ ትኽእል ኢኻ።

ቋንቋ ኔዘርላንድ ትመሃር

ትምህርቲ ቋንቋ ኔዘርላንድ ትከታተል። ቋንቋ ኔዘርላንድ እንተወሓደ ኣብ ደረጃ

ኣብዞም ዝስዕቡ 4 ክፋላት እንተመሊኽካዮ ድማ ትሓልፍ፡

ምጽሓፍ
ምዝራብ
ምስማዕ
ምንባብ

ቋንቋ ኔዘርላንድ ብዝለዓለ ደረጃ ክትመሃሮ እውን ክትመርጽ ትኽእል ኢኻ። ብፍላይ ቀልጢፍካ ስራሕ ክትጅምር ወይ ኣብ ኔዘርላንድ ላዕለዋይ ትምህርቲ ክትከታተል ምስ እትደልይ እዚ ኣገዳሲ እዩ። ከምኡ ምስ ዝኸውን ደረጃ ቋንቋ

ወይ

የድልየካ።

ብዛዕባ ሕብረተሰብ ኔዘርላንድ ትመሃር

ብዛዕባ ሕብረተሰብ ኔዘርላንድ ትምህርቲ ትከታተል። ብድሕሪኡ ፈተና ትገብር። እዚ ድማ

'ኣፍልጦሕብረተሰብ ኔዘርላንድ' (KNM)

ይበሃል። ብዛዕባ ኣብ ኔዘርላንድ ዝርከቡ ሕግታትን፣ ኣብ ኔዘርላንድ ሰባት ኣገደስቲ እዮም ኢሎም ዝሓስብዎምን ዝምልከት ድማ እዩ።

እቲ ፈተና ብዛዕባ 8 ቴማታት ናይ ሕብረተሰብ ኔዘርላንድ ዝምልከት እዩ፡

ስራሕን ኣታዊን
ስነ-ምግባር፣ ክብሪታትን ልምዲታትን
ምንባር
ጥዕናን ክንክን ጥዕናን
ታሪኽን ጂኦግራፊን
ኣብ ኔዘርላንድ ዝርከቡ ተቕዋማት
ፖለቲካን ሕግን
ትምህርትን ኣተዓባብያን

ነቲ ፈተና ንምሕላፍ እንታይ ክትፈልጥን ክትክእልን ከምዘለካ ኣብ ነፍስወከፍ ቴማ ተገሊጹ ይርከብ። ንኣብነት ኣብ "ትምህርትን ኣተዓባብያን"፣ ስርዓተ-ትምህርቲ ናይ ኔዘርላንድ ብኸመይ ከም ዝሰርሕን ሓደ ስልጠና ንምክትታል ብኸመይ ክትከፍል ከም እትኽእልን ትመሃር።

ብዛዕባ ኣብ ኔዘርላንድ ምስራሕ ትመሃር

ብዛዕባ ኣብ ኔዘርላንድ ምስራሕ ዝምልከት ትምህርቲ እውን ክትረክብ ኢኻ። እዚ ድማ 'ምእዘና ናይ ዕዳጋ-ዕዮ ኔዘርላንድ' (ONA) ይበሃል። ስለዚ ኣብ ኔዘርላንድ ምሳኻ ዝሰማማዕ ስራሕ ብኸመይ ከም እትረክብ ትመሃር።

3 ክፋላት ክትሓልፍ ኣለካ፡

ብዛዕባ ኣብ ኔዘርላንድ ምስራሕ ኣብ ናይ ምድላው ምዕራፍ ምምሃር
ፖርትፎሊዮ ምድላው
ናይ 64 ሰዓታት ስልጠና ወይ ናይ መወዳእታ ዝርርብ ምስ
ፈጻሚ ኣገልግሎት ትምህርቲ (DUO)

ነፍስወከፍ ክፋል እንታይ ከምዘጠቓልል ኣብ ታሕቲ ከተንብብ ትኽእል ኢኻ፡

ናይ ምድላው ምዕራፍ

ኣብቲ ናይ ምድላው ምዕራፍ ከምዞም ዝስዕቡ ዝኣመሰሉ ሕቶታት ትምልስ፡ "ኣነ መን እየ? እንታይ ክገብር ይኽእል? ዕላማታተይ ብኸመይ ክጭብጥ ይኽእል?" ኣብዚ እዋን እዚ መርትዖታት እውን ትእክብ፣ ከም በዓል ዲፕሎማ፣ ገምጋም ብቕዓት ዲፕሎማ፣ ናይ ስራሕ መመልከቲ ደብዳቤን ዝርዝር ተሞክሮን ትምህርቲን (CV) ዝኣመሰሉ።

ፖርትፎሊዮ ምድላው

ንፈተና ዝኸውን ፖርትፎሊዮ ከተዳሉው ኣለካ። እዚ ድማ እንታይ ዓይነት ስራሕ ክትሰርሕ ከም እትደልይን፣ ብዛዕባ እዚ እንታይ ክትገብር ከምዘለካን እተርእየሉ ቅጥዕታት ዝሓዘ እዩ። ብዛዕባ ናይ ኔዘርላንድ ዕዳጋ-ዕዮ እውን ኣብ ፖርትፎሊዮኻ ሓበሬታ ትህብ። ፖርትፎሊዮኻ ከም ሲቪን ናይ ድርኺት ደብዳቤን ዝኣመሰሉ መርትዖታት እውን ዘጠቓልል እዩ።

ናይ መወዳእታ ዝርርብ ምስ DUO ወይ 64 ሰዓታት ስልጠና

ናይ ONA ስልጠና ብምክትታል ንፈተና ክትዳሎው ትኽእል ኢኻ። ምስ መምህርን ካልኦት ተማሃሮን ብሓባር ብምዃን ድማ እንታይ ዓይነት ስራሕ ክትሰርሕ ከም እትደልይን፣ ብዛዕባ እዚ እንታይ ኣብ ኔዘርላንድ ከም ዝከኣልን ትምርምር።

ናይ 64 ሰዓታት ስልጠና ተኸታቲልካ ዲኻ? ስለዚ ምስ DUO ናይ መወዳእታ ዝርርብ ክትገብር ኣየድልየካን እዩ። ስለዚ ድማ ነቲ ፈተና ቁሩብ ቕልል ብዝበለ ክትሓልፎ ትኽእል ኢኻ።

ስልጠና ኣይወሰድካን ዲኻ? ስለዚ ምስ DUO ናይ መወዳእታ ዝርርብ ክትገብር ኣለካ። ኣብዚ ናይ መወዳእታ ዝርርብ ድማ ሰራሕተኛታት ናይ DUO ብዛዕባ ፖርትፎሊዮኻን ዝመላእካዮም ዕማማትን ክሓቱኻ እዮም።

ናይ ፈተናታት ወጻኢታት

ፈተናታት ኣብ 1 ግዜ ዲኻ ሓሊፍካ? ስለዚ ንወጻኢታት ፈተናታትካ ካብቲ ናይ DUO ልቓሕ ክትከፍሎ ትኽእል ኢኻ። ነዚ ድማ ብመንገዲ ቤት-ትምህርትኻ ክትገብሮ ትኽእል ኢኻ። ኣስተውዕል፡ ብዙሕ ፈተናታት ዳግማይ ክትወስድ እንተድኣ ዘለካ ኮይንካ፣ ልቓሕካ ክውዳእ ይኽእል እዩ። ሽዕኡ ነቲ ወጻኢታት ባዕልኻ ክትከፍሎ ኣለካ።