ገዛ ንምርካብ እናተጸበኻ ኣብ መዕቆቢ ምንባር

ካብ

ኣገልግሎት ኢሚግሬሽንን ዜግነትን (IND)

COA

ድሮ መንበሪ ፍቓድ ምስ ዝህልወካ ናይ COA መሳለጥያታት ክትረክብ መሰል ኣለካ። ከም በዓል፡

• ካብ COA ናይ መነባብሮን መግቢን ኣበል ትረክብ። ማሕበራዊ ጥቕሚ ንምርካብ ገና ከተመልክት ኣይትኽእልን ኢኻ። እዚ ዝከኣል ናብ ናይ ባዕልኻ ገዛ ምስ እትግዕዝ ጥራይ እዩ።

• ንዝግበረልካ ክንክን ጥዕና ብመንገዲ COA ካሕሳ ምርካብ ክትቅጽል ኢኻ። ኣብ ትሕቲ

  

  ደንቢ ሕክምናዊ ክንክን ንሓተቲ ዑቕባ (RMA)
  ኢኻ እትምደብ። ስለዚ ገና ውዕል መድሕን ጥዕና ምግባር ኣየድልየካን እዩ። እዚ እትገብሮ ናብ ናይ ባዕልኻ ገዛ ምስ እትግዕዝ ጥራይ እዩ።

ኣብ COA ዝግበር ናይ ምሕባር ግዴታ ሕጂ እውን ንዓኻ ይምልከተካ እዩ። እዚ ማለት ኣብ ሰሙን 1 ግዜ ናብ COA ክትሕብር ኣለካ ማለት እዩ።

ናይ መንበሪ ፍቓድ መመልከቲኻ ጸዲቚ ድዩ፣ ከምኡ እውን ኣባላት ስድራ-ቤትካ ናብ ኔዘርላንድ ከተምጽእ ትደልይ ዲኻ? ስለዚ ናይ ዑቕባ መንበሪ ፍቓድ ድሕሪ ምርካብካ ኣብ ውሽጢ 3 ኣዋርሕ ምጥርናፍ ስድራ-ቤት ከተመልክት ኣለካ። ኣባላት ስድራ-ቤትካ ናብ ኔዘርላንድ ክመጽኡ ዝፍቀደሎም ምዃኑን ዘይምዃኑን ድማ IND እዩ ዝውስን።

ሓደ ሓደ ግዜ ንዓኻ ዝኸውን ገዛ ክሳብ ዝርከብ ነዊሕ ግዜ ይወስድ እዩ፣ ስለዚ ድማ IND ስድራ-ቤትካ ናብ ኔዘርላንድ ክመጽኡ ከም ዝፍቀደሎም ምስ ወሰነ ገና ኣብ መዕቆቢ ናይ COA ትነብር። ስድራ-ቤትካ ግን ድሮ ናብ ኔዘርላንድ ክመጽኡ ይኽእሉ እዮም። ስለዚ ንሳቶም እውን ኣብ መዕቆቢ ናይ COA ይጸንሑ።

ናይ ዑቕባ መንበሪ ፍቓድ ዘለካን ናይ ባዕልኻ ገዛ ትጽበይ ዘለኻን ምስ እትኸውን ንግዚኡ ምስ ኣአንጋዲ ስድራ-ቤት ክትጸንሕ ትኽእል ኢኻ። እዚ ኣአንጋዲ ስድራ-ቤት፣ ከም ኣአንጋዲ ስድራ-ቤት ብዝተመዝገቡ ኣዕሩኽ፣ መሓዙት፣ ቤተሰብ ወይ ዘይትፈልጦም ሰባት እውን ዝቖመ ክኸውን ይኽእል እዩ። COA ንዘመልከትካዮ ግዜያዊ ምቕናይ ምስ ዘጽድቖ፣ ኣብ እትቕንየሉ እዋን ናብቲ መዕቆቢ ናይ ምሕባር ግዴታ የብልካን።