ኣብ ኔዘርላንድ ኣበይ ክትሓርሲ ከም እትደልዪ ክትውስኒ ትኽእሊ ኢኺ፡ ኣብ ገዛ ወይ ኣብ ሆስፒታል። ኣብ ኔዘርላንድ ኣብ ሆስፒታል ንምሕራስ ዝመርጻ ሰባት እናበዝሓ ይኸዳ ኣለዋ። ጥንስኺ ጽቡቕ እንተኸይዱን ጸገማት ምስ ዘይህልዉን ግን ኣብ ገዛ ክትሓርሲ ትኽእሊ ኢኺ። ገና ኣብ መዕቆቢ ናይ

ማእከላይ ኣካል መቐበሊ ሓተትቲ ዑቕባ (COA)

ኣብ ገዛ ወይ ኣብ ሆስፒታል ክትሓርሲ እንተድኣ ዘይደሊኺ፣ ኣብ ሆቴል-ወሊድ ንምሕራስ ኣብ ግምት ከተእትውዮ ትኽእሊ ኢኺ። ድሕሪ ሕርሲ፣ ናይ ወሊድ ግዜኺ እውን ኣብኡ ከተሕልፍዮ ትኽእሊ ኢኺ። ኣብ ሆቴል-ወሊድ ክትሓርሲ እትኽእሊ፣ ኣብ ሆስፒታል ንኽትሓርሲ ዘገድድ ሕክምናዊ ምኽንያት ምስ ዘይህሉው ጥራይ እዩ። ኣብ እዋን እቲ ኣብ ሆቴል-ወሊድ ዝግበር ሕርሲ ሕክምናዊ ጸገማት ምስ ዘጋጥም ድማ ገና ናብ ሆስፒታል ክትከዲ ኣለኪ። ብዙሕ ግዜ ነዚ ክትብሊ ርሑቕ ክትጓዓዚ ኣየድልየኪን እዩ። ብዙሓት ሆቴላት-ወሊድ ኣብ ጥቓ ሆስፒታል እየን ዝርከባ። ሓደ ሓደ ግዜ ንባዕለን ናይቲ ሆስፒታል ኣካሉ እየን።

ቆልዓኺ ድሕሪ ምውላድኪ፣ ኣብ ሆቴል-ወሊድ ክሳብ 5 ወይ 8 መዓልታት ክትጸንሒ ትኽእሊ ኢኺ። ስለዚ ድማ 24 ሰዓታት ኣብ መዓልቲ እትሕግዝ ናይ ወሊድ ነርስ ኣብኡ ኣላ። ንኣብነት ኣብ ኣተጥብውሉ እዋን ደገፍ ትረኽቢ። ንስኺን ውላድኪን ጽቡቕ እንተለኹም ንምቊጽጻር እውን ክኢላ ስነ-መወልዳን ናብቲ ናይ ሆቴል-ወሊድ ክትመጽእ እያ። ኣብ ሆቴል-ወሊድ ድሕሪ ምጽናሕኪ ገና ኣብ ገዛኺ ሓገዝ ዘድልየኪ ምስ ዝኸውን ድማ ብዛዕብኡ እውን ናይ ወሊድ ክንክን ክትረኽቢ ትኽእሊ ኢኺ።

ኣብ ሆቴል-ወሊድ ምጽናሕ፣ መብዛሕትኡ ግዜ ኣብ ገዛኺ 8 ሰዓታት ኣብ መዓልቲ ናይ ወሊድ ክንክን ካብ ምርካብ ንላዕሊ ዝኸበረ ኣይኮነን። ብዙሓት ትካላት መድሕን ነዚ እውን ይኽሕሳ እየን። እንተኾነ ግን ኣየኖት ወጻኢታት ከም ዝሽፈኑን ንኣብነት ባዕልኺ ክንደይ ክትከፍሊ ከምዘለኪን ኩሉ ግዜ ካብ ትካል መድሕን ጥዕናኺ ኣረጋግጺ።

ሕርሲ ንነፍስወከፍ ሰብ ዝተፈላለየ እዩ፣ ይኹን እምበር መብዛሕትኦም ሕርሲታት ኣብ መንጎ መበል 37ን 42ን ሰሙን ናይ ጥንሲ እዮም ዝጅምሩ። መብዛሕትኡ ግዜ ሕርሲ ብመስበርቲ ናይ ኣምንዮቲካዊ-ሽፋናትን ብምጭብባጥ ናይ ማህጸንን እዩ ዝጅምር። ኣስታት 15 ሚእታዊት ናይ ኩሉ ሕርሲታት ብመስበርቲ ናይ ኣምንዮቲካዊ-ሽፋናት ክጅምር እንከሎ፣ ኣስታት 85 ሚእታዊት ናይ ኩሉ ሕርሲታት ድማ ብምጭብባጥ ናይ ማህጸን እዩ ዝጅምር።

መስበርቲ ኣምንዮቲካዊ-ሽፋናትኪ

መስበርቲ ኣምንዮቲካዊ-ሽፋናትኪ ኣብ ዘጋጥመሉ እዋን፣ እቲ ኣምኒዮቲካዊ ፈሳሲ ብርሕምኺ ይወጽእ። ካብታ እዋን እቲኣ ጀሚሩ ድማ ሕርሲ ብማእከላይ ገምጋም 24 ሰዓታት ይወስድ። ከም ንቡር እቲ ኣምኒዮቲካዊ ፈሳሲ ሕብሪ የብሉን፣ ሓደ ሓደ ግዜ ግን ቀጠልያ ወይ ቡናዊ ክኸውን ይኽእል እዩ፣ እዚ ማለት ድማ እቲ ሕጻን ኣብ ከብዲኺ ቀልቀል ለቂቚ ኣሎ ማለት እዩ።

ምጭብባጥ ማህጸን ይህልወኪ

ምጭብባጥ ማህጸን፣ ከብድኺ ዝጨባበጥ ከምዘሎ ኮይኑ እዩ ዝስምዓኪ። ምስ ኣዝዩ ከቢድ ናይ ወርሓዊ ጽግያት ቃንዛ ክመሳሰል ይኽእል። እዚ ስምዒት እዚ ኣብ መጀመርታ ቀስ እናበለ ይመጽእ፣ መሊሱ ድማ ይደክም። ድሕሪ ቁሩብ ግዜ እቲ ምጭብባጥ ብተደጋጋምን ስሩዕን ይኸውን። ካብታ ምጭብባጥ ኣብ ነፍስወከፍ 3 ክሳብ 5 ደቓይቕ ዝደጋገመላ ህሞት ድማ ቀዳማይ ሕርሲ ብማእከላይ ገምጋም ካብ 12 ክሳብ 16 ሰዓታት ይወስድ።

ካብዞም 2 ነገራት ሓደ ምስ ዘጋጥም ብቕጽበት ምስ ክኢላ ስነ-መወልዳን ወይ ሆስፒታል ርክብ ግበሪ። ሽዕኡ እንታይ ክትገብሪ ከምዘለኪ ክነግሩኺ እዮም። እቲ ብድሕሪኡ ዝኸውን ከምዚ ዝስዕብ ዝኣመሰለ እዩ፡

ድሕሪ ሕርሲ ክኢላ ስነ-መወልዳን ወይ ሓኪም ኣብ ርሕምኺ ምስፋይ ዘድልይ ምዃኑን ዘይምዃኑን ክምርምር እዩ። ኣብ እዋን ሕርሲ ርሕምኺ ክስንጠቕ ይኽእል እዩ፣ ምኽንያቱ እንተዘይኮይኑ እቲ ሕጻን ክወጽእ ኣይክእልን እዩ። ኣብ እዋን ሕርሲ ሓደ ሓደ ግዜ ሓኪም፣ ሕርሲ ንምቅልጣፍ ንሓደ ክፋል ናይ ርሕሚ ክጠብሖ ይኽእል። እዚ ንቡር እዩ፣ ድሕሪ ሕርሲ ድማ ብዛዕባ እዚ ክንክን ዘድልየኪ ምዃኑን ዘይምዃኑን ይረኣይ።

ኣብ እዋን ሕርሲ፣ ሓኪም ወይ ክኢላ ስነ-መወልዳን ብዝተኻእለ መጠን ንድሌታትኪን ስምዒታትኪን ክሰምዕ እዩ። ከመይ ከም ዝስምዓኪን፣ እንታይ ደስ ዝብለኪ ምዃኑን ዘይምዃኑን ድማ ሓብሪ።

ኣብ ሆስፒታል ዲኺ እትሓርሲ? ኣብ ኔዘርላንድ ኣብ እዋን ሕርሲ መህድኢ ቃንዛ ትደልዪ ምዃንኪን ዘይምዃንኪን ምስ ሓኪም ክትመያየጢ ትኽእሊ ኢኺ።