ክንክን ጥዕና
ሓኪም፣ ክኢላ ስነ-ኣእምሮ ወይ ካልእ ሕክምናዊ ክንክን ትደልይ ኣለኻ ዲኻ? ኣብዚ ገጽ ስርዓተ ክንክን ጥዕና ኔዘርላንድ ብኸመይ ከም ዝሰርሕ ብዝምልከት ሓበሬታ ክትረክብ ኢኻ። ብዛዕባ መድሕን ጥዕና እውን ሓበሬታ ክትረክብ ኢኻ።
መርሓ ውጥን (2)
ሓበሬታ
ክንክን ጥዕና ኣብ ኔዘርላንድ
ክንክን ጥዕና ኣብ ኔዘርላንድ ብኸመይ ከም ዝሰርሕ ኣብዚ ቪድዮ ረኣይ።
መብርሂ ብዛዕባ መድሕን ጥዕና
ብዛዕባ መድሕን ጥዕና ኩሉ ኣብዚ ተመልከት። ንኣብነት ብዛዕባ ባዕላዊ-ብጽሒትን መድሕን ጥዕናኻ ኣብ እትቖጻጸረሉ እዋን እንታይ ከተቕልበሉ ከም እትኽእልን።
ክንክን ጥዕና ኔዘርላንድ ብኸምዚ እዩ ዝሰርሕ
ክንክን የድልየካ ድዩ? ኣብ ኔዘርላንድ ኩሉ ግዜ መጀመርታ ናብ ሓፈሻዊ ሓኪም ኢኻ ትኸይድ። እቲ ሓፈሻዊ ሓኪም ድማ ናብ ካልእ ክንክን ንውከሳ ከመሓላልፈካ ይኽእል እዩ። ህጹጽ ክንክን ንምርካብ ጥራይ ኢኻ ብቕጽበት ናብ ናይ ህጹጽ ረድኤት ቁጽሪ ክትድውል ወይ ናብ ነቚጣ ሓካይም ክትከይድ እትኽእል። ክንክን ጥዕና ኣብ ኔዘርላንድ ብኸመይ ከም ዝሰርሕ ዝያዳ ኣብዚ ኣንብብ።
መድሕን ጥዕናኻ ንምኽፋል ዘኽእል ኣበል ጥዕና
ትሑት ኣታዊ ድዩ ዘለካ? ንኣብነት ብማሕበራዊ ጥቕሚ ወይ ብድጎማ ትምህርቲ ክትነብር ስለዘለካ? ስለዚ ምናልባት ኣበል ጥዕና ክትረክብ ትኽእል ትኸውን ኢኻ። እዚ ንመድሕን ጥዕናኻ መኽፈሊ ዝኸውን ካብ መንግስቲ ዝግበር ኣበርክቶ እዩ።
ንምንታይ እየ ብዛዕባ ዘለኒ ጸገማት ጥዕና መጀመርታ ናብ ሓፈሻዊ ሓኪም ክኸይድ ዘለኒ?
ሓፈሻዊ ሓኪም ኣብ ክንክን ጥዕና ኔዘርላንድ ማእከላይ ተራ ኣለዎ። ናይ ጥዕና ጸገም ንዘለዎም ሰባት ናይ መጀመርታ ናይ ርክብ ነቚጣ እዩ። ሓፈሻዊ ሓኪም ስለምንታይ ኣገዳሲ ምዃኑን፣ ኣየኖት ሕቶታት ሒዝካ ናብኡ ክትከይድ ከም እትኽእልን ኣብዚ ዓንቀጽ ኣብሪህናዮ ኣለና።
ኣእምሮኻ ጽቡቕ ምስ ዘይስምዓካን ናይ ዑቕባ መንበሪ ፍቓድ ምስ ዝህልወካን ከምዚ ክትገብር ትኽእል
ንስደት ዝሃደምካ ምስ እትኸውን ጸቕጢ፣ ድቃስ ምስኣን ወይ ሕማቕ ኣተኲሮ ክህልወካ ዘገርሙ መለለይታት ኣይኮኑን። እዞም መለለይታት ኣካል ናይ ኣእምሮኣዊ ጥዕናኻ እዮም። እዚ ዓይነት ጥዕና ከመይ ከም ዝስምዓካ ዝምልከት እዩ። ብዛዕባ ኣእምሮኣዊ ጥዕናን ዝሓሸ ንኽስምዓካ እንታይ ክትገብር ከም እትኽእልን ኣብዚ ኣንብብ።
ኣብ ኔዘርላንድ ካብ 0 ክሳብ 4 ዓመት ንዝዕድሚኡ ውላድካ ክንክን ጥዕና ብኸምዚ ይሰርሕ
ካብ 0 ክሳብ 4 ዓመት ዝዕድሚኡ ቆልዓ ኣለካ ድዩ? ስለዚ ውላድካ ካብ ክሊኒክ ጥዕና ሕጻናት ነጻ ክንክን ይረክብ። እቲ ክሊኒክ ጥዕና ሕጻናት ንወለዲ ብዛዕባ ጥዕና ደቆም እውን ምኽሪ ይህብ።
ሃገራዊ መደብ ክታበት ንደቂ ናይ ዑቕባ መንበሪ ፍቓድ ዘለዎም ሰባት
ሃገራዊ መደብ ክታበት፣ ኣብ ኔዘርላንድ ንዝርከቡ ሕጻናት ኣንጻር ሓደገኛታት ሕማማት ብነጻን ብወለንታን ክታበታት ይህብ። እዚ ንደቂ መንበሪ ፍቓድ ዘለዎም ሰባት እውን ይምልከት እዩ። እዚ መደብ ክታበት ኔዘርላንድ ከመይ ከም ዝሰርሕ ኣብዚ ዓንቀጽ ከተንብብ ትኽእል ኢኻ።
ሓበሬታን ክንክንን ብዛዕባ ጾታዊ ጥዕና
ንጾታዊነት ዝምልከት ክንክንን ሓበሬታን ትደልይ ዲኻ? ንኣብነት ብዛዕባ ውሑስ ጾታዊ ርክብ፣ ዘይተደልየ ጥንሲ ወይ ብጾታዊ ርክብ ዝመሓላለፉ ሕማማት። ብዛዕባ ክንክንን ሓበሬታን ኣብ መዳይ ጾታዊነት ኣብ ኔዘርላንድ ኣብዚ ኣንብብ።
ኣብ ኔዘርላንድ ምልጋስ ክፍለ-ኣካል ብኸመይ ይሰርሕ?
ልዕሊ 18 ዓመት እንተድኣ ኮይንካን፣ ኣብ ኔዘርላንድ ኣብ ዝርከብ ምምሕዳር ከተማ እንተወሓደ ን3 ዓመት ተመዝጊብካ እትርከብ ምስ እትኸውንን፣ እዚ ከም ዘይትደልይ ክሳብ ዘይሓበርካ ለጋሲ ክፍለ-ኣካል ኢኻ። ልግሲ ክፍለ-ኣካል ብኸመይ ከም ዝሰርሕን፣ ለጋሲ ክትከውን ከም ዘይትደልይ ብኸመይ ክትሕብር ከም እትኽእልን ንምፍላጥ ኣብዚ ዓንቀጽ ኣንብብ።