ኣብ ኔዘርላንድ ሕሳብ ባንክ ምኽፋት

ሕሳብ ባንክ ንምኽፋት እዞም ዝስዕቡ ሰነዳት የድልዩኻ፡

• ሕጋዊ መረጋገጺ መንነት፡ እዚ ፓስፖርት፣ ፍቓድ መዘወሪ መኪና ወይ ወረቐት መንነት ክኸውን ይኽእል።

• ናይ ኔዘርላንድ

  

  ቁጽሪ ኣገልግሎት ዜጋ (BSN)
  ፡ እዚ ቁጽሪ ኣብ ምምሕዳር ከተማ ምስ ተመዝገብካ ብኣውቶማቲክ ክወሃበካ ኢኻ።

• መርትዖ ኣድራሻ፡ እዚ ናይ ክራይ ውዕል፣ ናይ ጸዓት ሕሳብ ወይ ካብ

  

  መሰረታዊ መዝገብ ሰባት (BRP)
  ዝተረኽበ ቅዳሕ ክኸውን ይኽእል።

ኣብ ኔዘርላንድ ብዙሓት ዝተፈላለዩ ባንክታት ኣለዉ። ነፍስወከፍ ናይ ገዛእ-ርእሶም ቅድመ-ኩነታትን ረብሓታትን ኣለዎም። ኣብዚ ታሕቲ ኣብ ሞንጎ ልሙድ ባንክታትን ናይ ኢንተርነት ባንክታትን ብዛዕባ ዘሎ ፍልልይ ከተንብብ ትኽእል ኢኻ፡

ልሙድ ባንክታት፡

• ብዙሓት ዝተፈላለዩ ኣገልግሎታት የቕርቡ፣ ከም በዓል መኽፈሊ ሕሳብ ባንክ፣ ናይ ውህለላ ሕሳብ፣ ዕድጊ ልቓሕ-ቤት፣ ልቓሓትን ወፍርታትን ዝኣመሰሉ።

• ሰፊሕ ብኣካል ክትረኽቦም እትኽእል ጨናፍርን ናይ ገንዘብ ማሽናትን መርበብ ኣለዎም።

ኣብነታት፡ ABN AMRO፣ ING፣ Triodos፣ Rabobank፣ De Volksbank (SNS Bank፣ ASN Bank፣ RegioBank)።

ናይ ኢንተርነት ባንክታት፡

• ኣገልግሎቶም ብኢንተርነት የቕርቡ፣ ብኣካል ክትረኾም እትኽእል ጨናፍር ድማ የብሎምን።

• መብዛሕትኡ ግዜ ካብ ልሙድ ባንክታት ዝትሕት ወጻኢታት ኣለዎም።

ኣብነታት፡ Bunq፣ Revolut፣ N26።

ንዓኻ ኣየናይ ባንክ ዝበለጸ ምዃኑ ክትውስን እትኽእል ንስኻ ጥራይ ኢኻ። ነዚ ድማ ኣቓልቦ ክትገብረሉ ትኽእል፡

• ወርሓዊ ወጻኢታት ናይ ባንክ ሕሳብካ። ወጻኢታት ሕሳብ ባንክ ኣብ ነፍስወከፍ ባንክ ይፈላለይ እዩ። ብነጻ ሕሳብ ባንክ ኣሎ፣ እንተኾነ ግን ወርሓዊ ወጻኢታት ክትከፍለሉ ዘለካ ሕሳብ ባንክ እውን ኣሎ።

• እንታይ ዓይነት ኣገልግሎት ኢኻ ትደልይ። ናይ ውህለላ ሕሳብ ክትከፍት ዲኻ ትደልይ? ወይ ድማ ክረዲት ካርድ? ዘለዉ ኣማራጺታት ኣብ ነፍስወከፍ ባንክ ይፈላለዩ እዮም።

• እቲ ባንክ ኣብ ምንታይ ወፍሪ ይገብር። ባንክታት ብዙሕ ገንዘብ የውፍሩ እዮም። ገለ ባንክታት ኣብ ዘላቕነት፣ ድሕነት እንስሳታትን ሰብኣዊ መሰላትን ብዙሕ ወፍሪ ይገብሩ። ካልኦት ባንክታት ድማ ኣብ ኣጽዋር ወይ ኣብ ቅሪተ-ኣካላዊ ነዳዲ ብዙሕ ወፍሪ ይገብሩ።

• ወለድ ክሳብ ክንደይ ልዑል እዩ። ወለድ ኣብ ሕሳብካ ንዝርከብ ገንዘብ ካብ ባንክ እትረኽቦ ካሕሳ እዩ። ወይ ድማ ካብ ባንክ ገንዘብ እንተድኣ ተለቂሕካ ክትከፍሎ ዘለካ መጠን ገንዘብ እዩ። ወለድ ክትረክብ ምዃንካ ወይ ክትከፍል ከምዘለካን ክንደይን ኣብ ነፍስወከፍ ባንክ ይፈላለይ እዩ። ብሓፈሻ ኣብ ናይ ውህለላ ሕሳብ ካብ መኽፈሊ ሕሳብ ንላዕሊ ዝያዳ ወለድ ትረክብ።

ሕሳብ ባንክ ብኢንተርነት ወይ ብመንገዲ ጨንፈር ባንክ ክትከፍት ትኽእል ኢኻ። ነዚ ንምግባር መብዛሕትኡ ግዜ ቆጸራ የድልይ እዩ። ዘይሕጋዊ ምስግጋር ገንዘብ ንምክልኻል ድማ ኣብ ባንክ መንነትካ ከተፍልጥ ኣለካ። እዚ ሓደ ሓደ ግዜ ብመንገዲ ቪድዮ ቻት ወይ ድማ ቅዳሕ መረጋገጺ መንነትካ ብምጽዓን ክግበር ይከኣል እዩ።

ሕሳብ ድሕሪ ምኽፋትካ ብፖስታ ናይ ባንክ ካርድ ክትቕበል ኢኻ። ብመንገዲ መርበብ-ሓበሬታ ወይ ኣፕ ናይቲ ባንክ ድማ ሕሳብካ ከምዝነጥፍ ክትገብሮ ትኽእል ኢኻ።

እቲ ትነብረሉ ምምሕዳር ከተማ ሕሳብ ባንክ ኣብ ምኽፋት ክድግፈካ ይኽእል እዩ። ኣብ

VluchtelingenWerk Nederland (VWN)

ገና ገዛ ዘይብልካ ምስ እትኸውን ኣብ መዕቆቢ ቦታ ናይ

ማእከላይ ኣካል መቐበሊ ሓተትቲ ዑቕባ (COA)