ምርጫ ቤት-ምኽሪ ምምሕዳር ከተማ ብኸመይ ይሰርሕ?

ኣብ ምምሕዳራት ከተማታት ዝነብሩ ዜጋታት ኔዘርላንድን ኤውሮጳን ኣብ ምርጫ ናይ ምምሕዳር ከተማ ድምጾም ክህቡ ይኽእሉ እዮም። ካብ ኤውሮጳ ኣይኮንካን ዲኻ መጺእካ፣ ግን ድማ ንኣብነት ስደተኛ ዲኻ? ስለዚ ኣብ ምምሕዳር ከተማ ተመዝጊብካ እትርከብ ምስ እትኸውን፣ መንበሪ ፍቓድ ምስ ዝህልወካን፣ ኣብ ኔዘርላንድ 5 ዓመት ወይ ልዕሊኡ ከየቋረጽካ ትቕመጥ ዘለኻ ምስ እትኸውንን፣ ንስኻ እውን ክትመርጽ ይፍቀደልካ እዩ። እዚ ነቶም ኣብ ኔዘርላንድ ብመሰረት

ኣብ ምርጫ ቤት-ምኽሪ ምምሕዳር ከተማ ከተድምጽ ዝፍቀደልካ እንተድኣ ኮይኑ፣ ብፖስታ መድመጺ ካርድ ክመጽኣካ እዩ። ከተድምጽ ክትከይድ እንከለኻ ድማ ነዚ መድመጺ ካርድ ምሳኻ ክትማልኦ ኣለካ።

ባዕልኻ ከተድምጽ ኣይትኽእልን ዲኻ? ስለዚ ካልእ ኣብ ምምሕዳር ከተማኻ ዝነብር ሰብ እውን ነዚ ክገብረልካ ይኽእል እዩ። እዚ ድማ ምሃብ ውክልና ይበሃል። 

• ዳሕረዋይ ሸነኽ ናይ መድመጺ ካርድኻ ምልኣዮ። 

• ስምን ኣድራሻን ናይቲ ውክልና እትህቦ ሰብ ጽሓፍ። 

• ንስኻን እቲ ዝተወከለ ሰብን ክልተኹም ክታምኩም ከተንብሩ ኣለኩም።

• እቲ ዝተወከለ ሰብ ዝተመልአን ዝተፈረመን መድመጺ ካርድኻ፣ ከምኡ እውን ቅዳሕ ፓስፖርትኻ ወይ ወረቐት መንነትካ ሒዙ ናብ መድመጺ ነቚጣ ይኸይድ።

ዝበዝሑ

ኣብቲ መድመጺ ነቚጣ፣ መብዛሕትኡ ግዜ 3 ሰባት ኣብ ጠረጴዛ ኮፍ ኢሎም ክትዕዘብ ኢኻ። ተራኻ ምስ በጽሐ ነቲ ብፖስታ ዝተቐበልካዮ ናይ ድምጺ ካርድን መለለዪ መንነትካን ከተቕርብ ኢኻ። እዚ ፓስፖርት፣ መለለዪ መንነት ካርድ፣ ፍቓድ መዘወሪ መኪና ወይ መንበሪ ፍቓድ ክኸውን ይኽእል። ሰራሕተኛታት ናይቲ መድመጺ ነቚጣ ድማ መድመጺ ቅጥዒ ክህቡኻ እዮም። ነዚ ናብቲ ናይ መድመጺ ዳስ ትወስዶ። ነቲ ቅጥዒ ምስ ገንጸልካዮ ድማ፣ ዝርዝር ናይ ኩሎም ኣብ ምምሕዳር ከተማኻ ክትመርጾም እትኽእል ሰልፊታትን ውልቀሰባትን ክትዕዘብ ኢኻ።

ነቲ ቀይሕ እርሳስ ተጠቒምካ ነቲ ኣብ ጎኒ ስም ናይቲ ክትመርጾ እትደሊ ሰብ ዘሎ ሳጹን ሕብሪ ልኸዮ። 1 ሳጹን ጥራይ ክትመልእ ትኽእል ኢኻ። ካብ ሓደ ንላዕሊ እንተድኣ መሊእካ ድን ድምጽኻ ብቚዕ ኣይከውንን እዩ።

ምስ ኣድመጽካ፣ ነቲ መድመጺ ቅጥዒ ዳግማይ ዓጺፍካ ኣብቲ

ማዕከናት ዜና ድማ ነቲ ምርጫ ምሉእ መዓልቲ ሸፈነ ይህብኦ። ንኣብነት ክንደይ ሰባት ከም ዘድመጹ ዝገልጹ ዜናታት ኣለዉ፣ ከምኡ እውን መራሕቲ ሰልፍታት ንባዕሎም ድምጾም እናሃቡ ዘርእዩ ቪድዮታት ይቐርቡ። መድመጺ ነቚጣታት ሰዓት 21፡00 ይዕጸዉ። ብድሕሪኡ ሰራሕተኛታት መድመጺ ነቚጣታት፣ ነቲ ድምጺታት ምቑጻር ይጅምሩ። ኩሉ ድምጺታት ካብ ኩለን መድመጺ ነቚጣታት ናይቲ ምምሕዳር ከተማ ምስ ተቖጽረ ድማ ተደሚሩ ይግለጽ።

ሓያሎ ማዕከናት ዜና ብዛዕባ እቲ ምርጫ ምሉእ ምሸት ኣብ ተለቪዥን መደባት ከመሓላልፋ እየን። እቲ ዝተኻየደ ዳህስስ ርእይቶ ኣድመጽቲ ብዛዕባ ክህሉው ዝኽእል ውጽኢት እንታይ ክእምት ከም ዝኽእል ዝምልከት ጸብጻብ ክህባ እየን፣ ብዛዕባ ብዝሒ ኣድመጽቲ ክዛተያን፣ ከምኡ እውን ምስ ክኢላታት ቃለ-መሕትት ክገብራን እየን። ናይ ነፍስወከፍ ምምሕዳር ከተማ መባእታዊ ውጽኢት ድማ ድሒሩ ምሸት ክዝርጋሕ እዩ።