ኣብኔዘርላንድ ብዛዕባ ጥዕና ኣእምሮኻ ዝሕግዙኻ ውድባት

ምልክታትካ ድሕሪ ሓደ ወርሒ እንተዘይሃሊዮም ወይ እንተገዲዶም ናብ ሓፈሻዊ ሓኪምካ ኣመልክት። ናብቶም ኣብ ከባቢኻ ዝርከቡ ወሃብቲ ክንክን ጥዕና፡ ከም ስነ-ኣእምሮኣዊ ክኢላ፡ ሓጋዚ ልምምድ፡ ወይ ኣብ ጉዳያት ጥዕና ኣእምሮ ዝነጥፍ ነርስ ክውከሱኻ ይኽእሉ።

መብዛሕትኡ ግዜ እቲ ሓፈሻዊ ሓኪም ንኣእምሮኣዊ ጥርዓናትካ ንምፍታሕ ባዕሉ ክሕግዘካ ኣይክእልን እዩ። እንተኾነ ግን እቲ ሓኪም ታሪኽካ ይሰምዕን፣ ኣየናይ ሓገዝ ብዝበለጸ ከም ዝሰማማዓካ ይውስንን። እቲ ሓኪም ብዛዕባ ድቃስን ኣመጋግባን ምኽሪ ይህበካ። ሓደ ሓደ ግዜ ድማ እቲ ሓኪም ጽቡቕ ንኽትድቅስ ዝሕግዘካ ንገለ መዓልታት ዝኸውን መድሃኒት ይህበካ።

ብዛዕባ ኣእምሮኣዊ ክንክን ጥዕና ዝያዳ ከተንብብ ትደልይ ዲኻ? ስለዚ ዝያዳ ኣብዚ ኣብ RefugeeHelp ኣንብብ።

ኣእምሮኣዊ ደገፍ የድልየካ ድዩ? ብዛዕባ ጸቕጢ፣ ጭንቀት፣ ወይ ስንባደ ዘስዕቡ ፍጻመታት ብነጻን ስም ብዘይምግላጽን ከተዛርቦም እትኽእል ዝተፈላለዩ ውድባት ኣለዉ።

ኤምፓቲያ

ናብ Empatia (ካብ ሰኑይ ክሳብ ዓርቢ፣ ካብ ሰዓት 09፡00–17፡00) ክትድውል ትኽእል ኢኻ። ኣብ መርበብ-ሓበሬታ ናይ Empatia ተወሳኺ ሓበሬታ ክትረክብ ትኽእል ኢኻ።

Mind Hulplijn

ብመንገዲ መስመር ሓገዝ - MIND Hulplijn - ኣቢልካ ምስ ሞያውያን ኣማኸርቲ ብነጻን ስም ብዘይምግላጽን ክትዛረብ ትኽእል ኢኻ። ንሳቶም ድማ ክሰምዑኻን ምኽሪ ክህቡኻን እዮም። ተወሳኺ ሓበሬታ ኣብ መርበብ-ሓበሬታ ናይ MIND Hulplijn ክትረክብ ትኽእል ኢኻ።

Wereld Psychologen

Wereld Psychologen ምስ ክኢላታት ስነ-ኣእምሮ ብነጻ ብኢንተርነት ዝካየድ ምኽሪ የቕርብ። እቲ ደገፍ ንስደተኛታትን ምስ ስደተኛታት ንዝሰርሑ ሰባትን ዝዓለመ እዩ። ተወሳኺ ሓበሬታ ኣብ መርበብ-ሓበሬታ ናይ Wereld Psychologen ክትረክብ ትኽእል ኢኻ።

Switchboard