ምውህሃድ እንታይ የጠቓልል?

ካብ

• BSN
  ምስ ዝህልወካ

• መንበሪ ፍቓድ ዘለካ ምስ እትኸውን

• ኣብ ምምሕዳር ከተማ ዝተመዝገብካ ምስ ዝትኸውን

ኣብ RefugeeHelp ብዛዕባ ሕግታትን መዓስ ምውህሃድ ክትገብር ከም ዘድልየካን ዝያዳ ከተንብብ ትኽእል ኢኻ።

ምውህሃድ ንምክያድ 3 ናይ ትምህርቲ መንገድታት ኣለዉ። ምምሕዳር ከተማ ምሳኻ ብሓባር ብምዃን ኣየናይ መንገዲ ዝያዳ ከም ዝሰማማዓካ ክውስን እዩ።

መንገዲ-B1

መንገዲ-B1 እቲ ልሙድ መንገዲ እዩ። ቋንቋ ኔዘርላንድ ኣብ ደረጃ-B1 ትመሃር። እዚ መንገዲ እዚ ስራሕ ወይ ወለንታዊ ስራሕ ንምርካብ እውን ይሕግዘካ እዩ። መብዛሕትኡ ግዜ ድማ ነዚ ኣብ ውሽጢ 3 ዓመት ክትውድኦ ኣለካ።

ትምህርታዊ መንገዲ፡ መንገዲ-O

ትምህርታዊ መንገዲ፣ ኣብ ኔዘርላንድ ትምህርቲ ክከታተሉ ንዝደልዩ ሰባት ዝዓለመ እዩ። እዚ መንገዲ እዚ ብድሕሪኡ ናብ

መንገዲ ርእሰ-ምኽኣል፡ መንገዲ-Z

መንገዲ-Z፣ መንገዲ-B1ወይ ትምህርታዊ መንገዲ ኣዝዩ ንዘጸግሞም ሰባት ዝዓለመ እዩ። ኣብዚ መንገዲ እዚ ብቐንዱ ኣብ ኔዘርላንድ ገዛእ-ርእስኻ ክኢልካ ንምንባር ትመሃር። ኣብ ሕብረተሰብ ብኸመይ ከም እትሳተፍ እውን ትመሃር።

ኣብ RefugeeHelp ብዛዕባ እቶም 3 ናይ ትምህርቲ መንገድታት ዝያዳ ከተንብብ ትኽእል ኢኻ።

ኣብ እዋን ምውህሃድካ ዝተፈላለየ ነገራት ትመሃር። እዚኦም ኣብ ኔዘርላንድ ብዝበለጸ ንኽትሳተፍ ይሕግዙኻ።

1. ቋንቋ ኔዘርላንድ ትመሃር

ቋንቋ ኔዘርላንድ ኣዝዩ ኣገዳሲ እዩ። ምንባብ፣ ምስማዕን ምጽሓፍን ምዝራብን ትመሃር። እዚ ድማ ምስቶም ኣብ ከባቢኻ ዘለዉ ሰባት ብዝበለጸ ክትረዳዳእ የኽእለካ። ንኣብነት ምስ ጎረባብትኻ፣ ምምሕርዳ ከተማ፣ ሓኪምካ፣ ቤት-ትምህርቲ ወይ ኣስራሒኻ።

ቋንቋ ስራሕ ክትረክብን ኣብ ሕብረተሰብ ክትሳተፍን እውን ይሕግዘካ እዩ። እቲ ክትበጽሖ ዘለካ ደረጃ ቋንቋ ድማ ኣብ መንገዲ ትምህርትኻ እዩ ዝምርኮስ።

ትምህርቲ ምስ ወዳእካ ናይ ቋንቋ ፈተና ትወስድ። 4 ዝተፈላለዩ ፈተናታት ትወስድ፡ ንሳቶም ድማ ምንባብ፣ ምስማዕ፣ ምጽሓፍን ምዝራብን እዮም። መብዛሕትኡ ግዜ ነዞም ፈተናታት ኣብ ኮምፒተር ኢኻ ትወስዶም።

2. ብዛዕባ ሕብረተሰብ ኔዘርላንድ ትመሃር

እዚ ኣፍልጦ ሕብረተሰብ ኔዘርላንድ (Kennis van de Nederlandse Maatschappij - KNM) ይበሃል። ኣብ ትምህርቲ KNM፣ ኔዘርላንድ ብኸመይ ከም እትሰርሕ ትመሃር። እዚ ኣገዳሲ እዩ ምኽንያቱ ኣብ ሓዳስ ሃገር ትነብር ስለ ዘለኻ።

ንኣብነት ኣብ ኔዘርላንድ ብዛዕባ ምንባር፣ ስራሕን ኣታዊን፣ ትምህርቲ፣ ክንክን ጥዕና፣ ፖለቲካን ምምሕዳርን፣ ትራፊክን ድሕነትን፣ መሰላትን ግዴታታትን፣ ከምኡ እውን ሕግታትን ትመሃር።

KNM ኣብ ኔዘርላንድ ብዝበለጸ መንገድኻ ክትረክብ ይሕግዘካ። ኣበይ ሓገዝ ከም እትሓትትን ባዕልኻ እንታይ ከተዋድድ ከም ዘለካን ትመሃር። መሰላትካን ግዴታታትን ኣንኖት ምዃኖም እውን ትመሃር።

ትምህርቲ ምስ ወዳእካ ድማ ናይ KNM ፈተና ትወስድ። እዚ ፈተና ኣብ ኮምፒተር ኢኻ ትወስዶ።

3. ብዛዕባ ስራሕን ተሳትፎን ትመሃር

እዚ ክፍለ-ስልጠና ዕዳጋ ዕዮን ተሳትፎን (Module Arbeidsmarkt en Participatie - MAP) ይበሃል። ኣብ MAP፣ ብዛዕባ ስራሕን ምድላይ ስራሕን ኣብ ኔዘርላንድ ትመሃር። ኣብ ሕብረተሰብ ብኸመይ ከም እትሳተፍ እውን ትመሃር።

ምምሕዳር ከተማ ኣብ እዋን ስፊሕ ናይ ምቕባል ዝርርብ ብዛዕባ MAP ዝያዳ ክነግረካ እዩ። ቅድሚ ምዝዛም ናይ ምውህሃድ ግዜኻ ድማ ነቲ MAP ክትውድኦ ኣለካ።

MAP ክልተ ክፋላት ዝሓዘ እዩ፡

1. ዕዳጋ ዕዮ

ኣብዚ ክፋል ብዛዕባ ኣብ ኔዘርላንድ ምስራሕ ዝያዳ ክትመሃር ኢኻ። ንኣብነት ኣብ ኔዘርላንድ እንታይ ዓይነት ስራሕ ከምዘሎ፣ ኣየኖት ስራሕ ይሰማምዑኻ፣ ኣየኖት ሞያታት ምስ ትምህርትኻ ይሰማምዑ፣ ኣየኖት ሞያታት ምስቲ ቅድሚ ሕጂ ትሰርሖ ዝነበርካ ስራሕ ይሰማምዑ፣ ኣብ ኔዘርላንድ እንታይ ክትሰርሕ ከምዘለካ፣ ብኸመይ ስራሕ ከም እትደሊን፣ ብኸመይ ከም እተመልክትን ክትመሃር ኢኻ። ነዚ ድማ ዕዮ-ገዛ ብምፍጻም ክትመሃሮ ኢኻ።

2. ተሳትፎ

ኣብዚ ክፋል እዚ ኣብ ሕብረተሰብ ኔዘርላንድ ብኸመይ ከም እትሳተፍ ክትመሃር ኢኻ። ከም ወለንታዊ ስራሕ፣ ልምምድ ስራሕን ደሞዝ ዝኽፈሎ ስራሕን ዝኣመሰሉ ግብራዊ ዕዮታት እውን ክትፍጽም ኢኻ።

ኣብ እዋን እቲ ስልጠና እንታይ ብዝበለጸ ከም ዝሰማማዓካ ክረኣይ እዩ። ንኣብነት ምስ ሓደ ትካል ብኸመይ ርክብ ከም እትገብር ትመሃር። ንሓደ ኣስራሒ ብኸመይ ጽቡቕ ጦብላሕታ ከም እትፈጥረሉ እውን ክትመሃር ኢኻ።

1. ናይ ተሳትፎ መግለጺ

እዚ መስርሕ መግለጺ ተሳትፎ (Participatieverklaringstraject - PVT) ይበሃል። ኣብ እዋን PVT ኣብ ኔዘርላንድ እንታይ ኣገዳሲ ምዃኑ ትመሃር። ብዛዕባ መሰላት፣ ግዴታታትን ክብርታትን ሕብረተሰብ ኔዘርላንድ ትመሃር።

ንኣብነት እዚ ዝስዕብ ትመሃር፡

• ኣብ ኔዘርላንድ ኩሉ ሰብ ማዕረ ምዃኑ

• ነፍስወከፍ ሰብ እምነቱ ክመርጽ ናጻ ምዃኑ

• ነፍስወከፍ ሰብ ሓሳቡ ክገልጽ ከም ይፍቀደሉ

• ኣድልዎ ክልኩል ምዃኑ

• ነፍስወከፍ ሰብ ሕጊ ከኽበር ከምዘለዎ

PVT ብዝምልከት ኩሉ ኣብቲ ምምሕዳር ከተማ ኢኻ እትገብሮ። ምምሕዳር ከተማ ደብዳቤ ክሰደልካ እዩ። እንታይ ክትገብር ከም ዘለካ ድማ ኣብቲ ደብዳቤ ተገሊጹ ክትረኽቦ ኢኻ።

እኹል ምስ ተማሃርካ ነቲ ናይ ተሳትፎ መግለጺ ክታምካ ተስፈረሉ። ከምኡ ብምግባር ድማ ኣብ ኔዘርላንድ ብንጥፈት ክትሳተፍ ከም እትደሊ ትገልጽ። ክብርታትን ሕግታትን ሕብረተሰብ ኔዘርላንድ ከም እተኽብር እውን ትገልጽ።

መብዛሕትኡ ግዜ ምምሕዳር ከተማ እዩ ንናይ ምውህሃድ ስልጠናኻ ዘዋድዶን ዝኸፍሎን። እዚ ነቶም ኣብ ትሕቲ ሕጊ ምውህሃድ 2021 ዝምደቡ ናይ ዑቕባ መንበሪ ፍቓድ ዘለዎም ሰባት ይምልከት።

ነፍስወከፍ ፈተና 2 ግዜ ብነጻ ክትወስድ ትኽእል ኢኻ። ድሕሪ 2 ፈተነታት፣ እንተድኣ ዘይሓሊፍካ ድን ሽዕኡ መብዛሕትኡ ግዜ ነቲ ተወሳኺ ፈተነታት ባዕልኻ ክትከፍሎ ኣለካ።

ነቲ ፈተና ብዝለዓለ ደረጃ እውን ክትወስዶ ትኽእል ኢኻ። እንተኾነ ግን ነቲ ፈተና ኣብ ናትካ PIP ተገሊጹ ካብ ዘሎ ደረጃ ብዝትሕት ክትወስዶ ኣይትኽእልን ኢኻ።

ኣብ መጀመርታ ፈተነኻ ነቲ ፈተና እንተድኣ ሓሊፍካ፣ ነቲ ፈተና እንደገና ብዝለዓለ ደረጃ ክትወስዶ ትኽእል ኢኻ።

መስርሕ ምውህሃድ ክትውድእ መብዛሕትኡ ግዜ 3 ዓመት ኣለካ። ኣብ ግዚኡ እንተድኣ ዘይወዲእካን ተወሳኺ ግዜ እንተድኣ ዘይተዋሂብካን፣ DUO ገንዘባዊ መቕጻዕቲ ክህበካ ይኽእል እዩ።

መንገዲ ትምህርትኻ ኣብ ግዚኡ ብሰንኪ ዘይምውድኣካ ዝወሃብ መቕጻዕቲ እንተበዝሐ € 1,000 እዩ። PVT ወይ MAP ደንጉኻ እንተድኣ ወዲእካዮ ድማ፣ እቲ መቕጻዕቲ እንተበዝሐ € 340 ክኸውን ይኽእል።

ንኣብነት ብሰንኪ ሕማም ወይ ካልእ ፍሉይ ኩነታት ጸገማት እንተድኣ ኣጋጢሙካ፣ ብዝተኻእለ መጠን ቀልጢፍካ ምስ ምምሕዳር ከተማኻ ወይ DUO ርክብ ግበር። ሓደ ሓደ ግዜ ተወሳኺ ግዜ ክወሃበካ ይኽእል እዩ። ሓደ ሓደ ግዜ ምስትኽኻል ንኽግበረልካ እውን ከተመልክት ትኽእል ኢኻ።

ምውህሃድ ንመጻኢኻ ኣብ ኔዘርላንድ ኣገዳሲ እዩ። ቋንቋ ኔዘርላንድ ትመሃር፣ ከምኡ እውን ኔዘርላንድ ብኸመይ ከም እትሰርሕ ዝሓሸ ርድኢት ትረክብ። እዚ ድማ ምስ ጎረባብቲ፣ ቤት ትምህርቲ፣ ሓፈሻዊ ሓኪምካ፣ ምምሕዳር ከተማን ኣስራሕትን ንምትእስሳር ዝቐለለ ይገብሮ። ምውህሃድ ዝያዳ ርእስኻ እትኽእል ንክትከውን እውን ይሕግዘካ።

ድሒርካ ቀዋሚ መንበሪ ፍቓድ ክትረክብ፣ ወይ ድሒርካ ዜጋ ኔዘርላንድ ክትከውን ትደልይ ዲኻ? ስለዚ መብዛሕትኡ ግዜ ናይ ምውህሃድ ዲፕሎማ እውን የድልየካ እዩ።

ስለዚ ኣብ ግዚኡ ጀምር። ካብ DUOን ምምሕዳር ከተማን ዝመጽኡ ደብዳቤታት ብጥንቃቐ ኣንብብ። ሓደ ነገር እንተድኣ ዘይተረዲኡካ ሓገዝ ሕተት። ብኸምዚ ድማ ጸገማት ተወግድን፣ ደረጃ ብደረጃ ኣብ ኔዘርላንድ ንመጻኢኻ ትሰርሕን።