ኣብ ዩክሬን ግዝያዊ መንበሪ ፍቓድ ዝነበረካ ምስ እትኸውን ኣብ ኔዘርላንድ ግዝያዊ ሓለዋ ደው ይብል

ዝተሓትመሉ ኣብ: 17/1/2024 2:24 ድ.ቀ.

ነዚ ዓንቀጽ ኣካፍል

ኣብ ዩክሬን ግዝያዊ መንበሪ ፍቓድ ዝነበረካ ምስ እትኸውን፣ ግዝያዊ ሓለዋ ኣብ ዕለት 4 መጋቢት 2024 ደው ንኽብል ላዕለዋይ ቤት-ፍርዲ ኔዘርላንድ ወሲኑ ኣሎ። እዚ ንዓኻ እንታይ ማለት ምዃኑ ንምፍላጥ ኣብዚ ዓንቀጽ ኣንብብ።

እዚ ውሳኔ ኣብ ዩክሬን ግዝያዊ መንበሪ ፍቓድ ንዘለዎም ሰባት ዝምልከት እዩ።

ኣብ ዩክሬን ግዝያዊ መንበሪ ፍቓድ ንዝነበሮም ሰባት ግዝያዊ ሓለዋ ከብቅዕ

ቤት-ምኽሪ መንግስቲ (RvS)

ወሲኑ ኣሎ። ንኣብነት ንስራሕ ወይ ንትምህርቲ ዝኸውን ግዝያዊ ፍቓድ። እቲ ግዝያዊ ሓለዋ ኣብ ዕለት 4 መጋቢት 2024 ከብቅዕ እዩ። ናይ ዩክሬን ዜግነት የብልካን ዲኻ፣ ግን ድማ ኣብ ዩክሬን ቀዋሚ መንበሪ ፍቓድ ኣለካ ድዩ? ሩስያ ንዩክሬን ኣብ ዝወረረትሉ እዋን ኣብ ዩክሬን ወግዓዊ ስደተኛ ዲኻ ነይርካ? ወይ ድማ ኣባል ስድራ-ቤትካ ግዝያዊ ሓለዋ ስለዝረኸበ ኣብ ኔዘርላንድ ግዝያዊ ሓለዋ ረኺብካ ዲኻ? ስለዚ እዚ መልእኽቲ ንዓኻ ኣይኮነን። ኣብ ከምዚ ኩነታት እንተወሓደ ክሳብ 4 መጋቢት 2025 ኣብ ኔዘርላንድ ግዝያዊ ሓለዋ ናይ ምርካብ መሰል ኣለካ።

ካብ ኔዘርላንድ ብቐጥታ ክትወጽእ ኣየድልየካን እዩ

ክሳብ 4 መጋቢት 2024፣ ካብ ዩክሬን ንዝመጹ ስደተኛታት ዝኸውን መዕቆቢ፣ ክንክን ጥዕና፣ ትምህርትን ስራሕን ናይ ምርካብ መሰልካ ዓቂብካ ክትጸንሕ ትኽእል ኢኻ። እቲ ውሳኔ ናይ ቤት-ምኽሪ መንግስቲ ብልክዕ ኣባኻ እንታይ ሳዕቤናት ከምዘለዎ ዝገልጽ ደብዳቤ ቅድሚ 4 መጋቢት 2024 ካብ

ኣገልግሎት ኢሚግሬሽንን ዜግነትን (IND)

ክትቕበል ኢኻ። ድሕሪ 4 መጋቢት 2024 ብዝኾነ ኣብ ኔዘርላንድ ደጊም ናይ መንበሪ፣ ክንክን ጥዕና፣ ትምህርትን ስራሕን መሰል የብልካን። ካብታ ዕለት ጀሚሩ ካብ ኔዘርላንድ ንኽትወጽእ ድማ 28 መዓልታት ኣለካ።

ግዝያዊ ሓለዋኻ ምስ ዘብቅዕ ዘለዉኻ ኣማራጺታት እዚኦም እዮም

1. ዑቕባ ንምርካብ ከተመልክት ትኽእል

ኣብኡ ውሑስነት ስለዘይብልካ ናብ መበቆል ሃገርካ ክትምለስ ዘይትኽእል ምስ እትኸውን፣ ኣብ ኔዘርላንድ ዑቕባ ክትሓትት ትኽእል ኢኻ። ቅድሚ ሕጂ ዑቕባ ንኸይትሓትት ወሲንካ ዝነበርካ፣ ሕጂ ግን ክትሓትት ትደልይ ዲኻ? ስለዚ ናብቲ ኣብ ተር ኣፐል ዝርከብ ማእከል ምዝገባ ክትሕብር ትኽእል ኢኻ። ሰራሕተኛታት ናይ

VluchtelingenWerk Nederland (VWN)

ከምኡ እውን ጠበቓኻ ብዛዕባ እዚ ክሕግዙኻ ይኽእሉ እዮም።

ኣብ Ter Apel ምምዝጋብ

ኣብዚ ገጽ ብዛዕባ ኣብ ኔዘርላንድ ዑቕባ ምምልካት ከተንብብ ትኽእል ኢኻ። ስለዚ ነዚ ንምግባር ኣብ ገጠር ተር ኣፐል ኣብ ዝርከብ ማእከል መመልከቲ ትምዝገብ። ኣብዚ ዑቕባ ንምርካብ ናብ IND ተመልክት፣ ፖሊስ ኔዘርላንድ ድማ ንመመልከቲኻ ይምዝግቦ።

2. ኣብ ኔዘርላንድ ናይ ትምህርቲ ቪዛ ወይ ናይ ስራሕ ቪዛ ንምርካብ ከተመልክት ትኽእል

ኣብ ኔዘርላንድ ሕጂ ትመሃር ወይ ትሰርሕ ኣለኻ ዲኻ? ስለዚ ናይ ትምህርቲ ወይ ስራሕ ቪዛ ንምርካብ ክትፍትን ትኽእል ኢኻ።

ንቡር መንበሪ ፍቓድ ንምርካብ ምምልካት

ኣብዚ ገጽ ብዘይካ ናይ ዑቕባ ፍቓዳት፣ ካልኦት መንበሪ ፍቓዳት እውን ከምዘለዉ ከተንብብ ትኽእል ኢኻ። እዚኦም ንቡራት መንበሪ ፍቓዳት እዮም። ኣብ መብዛሕትኡ ኩነታት ንስራሕን ንትምህርትን ዝኸውን ቪዛ ንምርካብ ኣብ መበቆል ሃገር ጥራይ ኢኻ ከተመልክት እትኽእል።

3. ንደንቢ ምምላስ ካብ ስደት ኣብ ጥቕሚ ከተውዕሎ ትኽእል

ናብ መበቆል ሃገርካ ወይ ናብታ ቀዋሚ መንበሪ ፍቓድ ዘለካ ሃገር ክትምለስ ትኽእል ኢኻ። ነዚ ንምግባር ካብ መንግስቲ ኔዘርላንድ ገንዘባዊ ኣበርክቶ ክትረክብ ትኽእል ኢኻ፣ እዚ ድማ ደንቢ ዳግመ-ፍልሰት ተባሂሉ ይጽዋዕ።

4. ኣብ ኔዘርላንድ ብዘይ መንበሪ ፍቓድ ምስ እትጸንሕ ከምዚ ይኸውን

ድሕሪ 4 መጋቢት 2024 ካብ ኔዘርላንድ ንኽትወጽእ 28 መዓልታት ኣለካ። ኮይኑ ግን ድሕሪ እተን 28 መዓልታት ኣብ ኔዘርላንድ ትጸንሕ ዲኻ? ስለዚ ኣብ ኔዘርላንድ ብዘይ መንበሪ ፍቓድ ኣለኻ ማለት እዩ። ካብቲ እዋን ጀሚርካ ብዘይ ፍቓድ ኢኻ ኣብ ኔዘርላንድ ዘለኻ። ፖሊስ ኢሚግሬሽን ድማ ካብ ሃገር ንኽሰጎካ መሰል ኣለዎ።

ብዘይ ፍቓድ መንበሪ ፍቓድ መዕቆቢ፣ ስራሕ ወይ ፋይናንሳዊ ደገፍ ክትረክብ መሰል የብልካን። ዘለካ

ቁጽሪ ኣገልግሎት ዜጋ (BSN)

፣ መድሕን ጥዕናን ናይ ባንክ ሕሳብን ድማ ትስእን። ኣድላዪ ሕክምናዊ ክንክን ንኽትረክብ ግን መሰል ኣለካ፣ መሰል ናይ ጠበቓ እውን ዓቂብካ ክትጸንሕ ኢኻ። ትሕቲ 18 ዓመት ዝዕድሚኦም ቆልዑት ዋላ ብዘይ መንበሪ ፍቓድ ኣብ ኔዘርላንድ ዝርከቡ ምስ ዝኾኑ እውን ኩሉ ግዜ ናብ ቤት-ትምህርቲ ናይ ምኻድ መሰል ኣለዎም።

ብዘይ መንበሪ ፍቓድ ኣብ ኔዘርላንድ ምንባር

ኣብዚ ገጽ ብዛዕባ ኣብ ኔዘርላንድ ብዘይ መንበሪ ፍቓድ ምንባር ከተንብብ ትኽእል ኢኻ።

ክሲ እንተድኣ ጀሚርካ ምስ ጠበቓኻ ተማኸር

ኣብ ዝሓለፈ ኣዋርሕ ኣንጻር ደው ምባል ግዝያዊ ሓለዋኻ ክሲ ጀሚርካ ዲኻ? ስለዚ ብዛዕባ ኩነትካ ንምምይያጥ ምስ ጠበቓኻ ርክብ ግበር። እቲ ዘቕረብካዮ ክሲ ብሰንኪ እቲ ቤት-ምኽሪ መንግስቲ (RvS) ዝወሰዶ ውሳኔ ደው ዝብል ምዃኑን ዘይምዃኑን ድማ እቲ ጠበቓ ክነግረካ ይኽእል እዩ።