ኣብ ኔዘርላንድ ዑቕባ ምሕታት፡ መን ክሕግዘካ ይኽእል፣ ብኸመይ ትዳሎው፣ መርስሕ ዑቕባ' ኸ ከመይ ይመስል?

ቤት-ምኽሪ ስደተኛታት ኔዘርላንድ (VWN) ንስደተኛታት ዝሕግዝ ነጻ ውድብ እዩ። VWN እንታይ ኣገዳሲ ምዃኑ ምእንቲ ክትፈልጥ ኣብ መስርሕ ዑቕባ ይመርሓካ፣ መብርሂ ይህበካ፣ ሕቶታት ይምልስን፣ ታሪኽካ ብንጹር ንኽትነግር ይሕግዘካን።

ኣብ ኔዘርላንድ ዑቕባ ንምርካብ ኣብ እተመልክተሉ እዋን ምስ ዝተፈላለዩ ውድባት ትራኸብ ኢኻ። ኣብዚ ቪድዮ ድማ መን ምዃኖምን፣ እንታይ ከም ዝገብሩን ኣብሪህናዮ ንርከብ።

ኣብ ኔዘርላንድ ዑቕባ ትሓትት ዘለኻ ኣብ ሃገርካ ውሑስነት ዘይብልካ ስለዝኾንካ እዩ። መንግስቲ ኔዘርላንድ ዑቕባ ናይ ምርካብ መሰል ዘለካ ምዃንካን ዘይምዃንካን ክግምግሞ እዩ። ኣብዚ ቪድዮ፣ መስርሕ ዑቕባ ብኸመይ ከም ዝሰርሕን፣ ኣየኖት ስጉምትታት ኣገደስቲ ምዃኖምን ኣብሪህናዮ ኣለና።

ኣብ ኔዘርላንድ ንመስርሕ ዑቕባ ምድላው፡ ስጉምትታት ንመመልከቲ IND፣ ቃለ-መሕትታት፣ መዕቆቢ፣ ከምኡ እውን ኣብ እዋን ናይ ዑቕባ መመልከቲኻ እንታይ ክትጽበይ ከም እትኽእል።