'ንናይ ዑቕባ ምጥርናፍ ስድራ-ቤት (ዳግመ-ውህደት)' ዝኾኑ ሰነዳት ምእካብን ከም ዝትርጎሙ ምግባርን

ኣብ መርበብ-ሓበሬታ ናይ

ኣስተውዕል፡ ቅዳሓት ናይ ሰነዳትካ ጥራይ ምስ መመልከቲኻ ኣተሓሒዝካ ስደድ። እቲ መመልከቲኻ ንIND ምስ በጽሖ፣ ደብዳቤ (ናይ ምቕባል መረጋገጺ) ክመጸካ እዩ። ምስዚ ደብዳቤ ድማ ነቶም IND ዝሓተተካ ኦርጅናል ሰነዳት ንምልኣኽ ክትጥቀመሉ ዘለካ ጥብቆ ክትረክብ ኢኻ። ብድሕሪኡ IND ነዞም ስድራ-ቤታዊ ዝምድና ዘረጋግጹ ኦርጅናል ሰነዳት ክምርምሮም እዩ። ስለዚ ምስቲ መመልከቲኻ ኦርጅናል ሰነዳት ናብ IND ፈጺምካ ኣይትስደድ። የግዳስ ነቲ ኦሪጅናል ሰነዳት ንኽትሰድድ ዝሓትት ደብዳቤ ክሳብ እትቕበል ተጸበይ። ኣብዚ ታሕቲ ኣብ ትሕቲ 'ናይ ምቕባል መረጋገጺ' ዝብል ኣርእስቲ ተወሳኺ ኣንብብ።

ወግዓዊ ዓዳሚ ምዃንካ እትገልጸሉ ሰነድ  

IND ወግዓዊ ዓዳሚ ማለት ስፖንሰር ምዃንካ ብወግዒ ክትገልጽ ይጠልብ እዩ። እዚ ማለት ንስኻ ነቲ ኣባል ስድራ-ቤት ናብ ኔዘርላንድ ከተምጽእ እትደሊ ኣመልካቲ ምጥርናፍ ስድራ-ቤት ኢኻ ማለት እዩ። ነዚ 'ጥብቆ መግለጺ ወግዓዊ ዓዳሚ (ስድራ-ቤትን ስድራን)

IND ምስቲ ናይ ምጥርናፍ ስድራ-ቤት መመልከቲኻ ውልቃዊ ሰነዳት ንኸተረክብ ይሓትት እዩ። እዞም ዝስዕቡ ናትካ ወይ ናይ ኣባል ስድራ-ቤትካ ሰነዳት ከተቕርብ ድማ ኣለካ፡

1. ናይ ኣባል ስድራ-ቤትካ ኣብ ቀረባ እዋን ዝተሳእለ ናይ ፓስፖርት ስእሊ

ኣብ ቀረባ እዋን ዝተሳእለ ናይ ፓስፖርት ስእሊ ናይ ኣባል ስድራ-ቤትካ። ኣባል ስድራ-ቤትካ ናይ ፓስፖርት ስእሊ እንተድኣ ዘይብሉ ኮይኑ ካልእ ንጹር ስእሊ ናይ ገጹ/ጻ ከተረክብ ትኽእል ኢኻ።

2. ቅዳሕ ናይ መንነት ሰነድ ናይ ኣባል ስድራቤትካ

ቅዳሕ ናይ ቅድሚትን ናይ ድሕሪትን ናይ ኣባል ስድራ-ቤትካ መረጋገጺ መንነት። እዚ ፓስፖርት እንተኾይኑ ይምረጽ። ነቶም ናይቲ መረጋገጺ መንነት ገጻት፣ ማለት እቶም ብዛዕባ መንነትን እቲ መረጋገጺ መንነት ዘገልግለሉ ንውሓት ግዜን ዝምልከት ሓበሬታታት ዝሓዙ ገጻት ጸዓኖም ማለት ኣፕሎድ ግበሮም። ቅዳሕ ናይቶም ናይ መገሻ ማሕተማት ዘለዎም ገጻት እውን ኣረክብ።

3. 'Handtekening upload' ዝብል ቅጥዒ

ምሉእ ብምሉእ ተመሊኡ ዝተዛዘመ ናይ ገዛእ-ርእስኻ 'Handtekening upload'

4. ናይ ገበን ድሕረ-ባይታ መግለጺ

ምሉእ ብምሉእ ተመሊኡ ዝተዛዘመን ዝተፈረመን

5. መግለጺ ኩነት ሓዳር

ምሉእ ብምሉእ ተመሊኡ ዝተዛዘመን ዝተፈረመን 'መግለጺ ኩነት ሓዳር

6. ቅጥዕታት ከም ዝፍረሙ ግበር

ነቶም ኣባላት ስድራ-ቤትካ ክፍርምሎም ዘለዎም ቅጥዒታት፣ ናብ ኣባላት ስድራ-ቤትካ ብኢ-መይል ወይ ብዋትስኣፕ ክትሰደሎም ትኽእል ኢኻ። ብድሕሪኡ ንሳቶም ነዞም ቅጥዕታት ሓቲሞም ከውጽእዎም፣ ክፍርምሎምን፣ ተመሊሶም ክልእኩልካን ኣለዎም (ንኣብነት ብስእሊ/ስካን ብመንገዲ ዋትስኣፕ ወይ ኢ-መይል)።

ምስ ኣባላት ስድራ-ቤትካ ስድራ-ቤታዊ ዝምድና ከም ዘለካ እውን ከተረጋግጽ ኣለካ። እዚ በዞም ዝስዕቡ ሰነዳት ክግበር ይከኣል፡

1. ንበዓልቲ-ቤትካ/በዓል-ቤትኪ

• ቅዳሕ ናይ ሕጋዊ ምስክር ወረቐት መርዓ፣ ወይ ቅዳሕ ናይቲ ነዚ ቃል-ኪዳን ዘረጋግጽ ካልእ መርትዖ (ናይ ስድራ-ቤት ክብሪ መዝገብ)፣ ወይ፤

• ቅዳሕ ናይ ሃይማኖታዊ/ባህላዊ ናይ ቃል-ኪዳን ምስክር ወረቐት፣ ነዚ ቃል-ኪዳን ዘረጋግጽ ካልእ መርትዖ (ናይ ስድራ-ቤት ክብሪ መዝገብ)፣ ወይ፤

• እቲ ሃይማኖታዊ/ባህላዊ ሓዳር ኣብ መበቆል ሃገር መጻምድትኻ ከምዝተመዝገበ ዘርኢ ቅዳሕ መርትዖ (እዚ ዝከኣል እዚ ምዝገባ ኣብታ ዝተመርዓኻላ ሃገር ልሙድ ምስ ዝኸውን ጥራይ እዩ)፣ ወይ፤

• ምሉእ ብምሉእ ተመሊኡ ዝተዛዘመ ጥብቆ ‘ዝርዝር-ሕቶታት ስዒቡ ንዳግመ-ውህደት ዝመጽእ ናይ (ቃል-ኪዳን) መጻምድቲ

  ’።

2. ንወላዲኻ (ወለድኻ)፡

• ቅዳሕ ናይ ልደት ምስክር ወረቐትካ፣ ወይ ካልእ ምስ ወላዲኻ (ወለድኻ) ዘለካ ስድራ-ቤታዊ ዝምድና ዘረጋግጽ ሰነድ። ንኣብነት ናይ ስድራ-ቤት ክብረ-መዝገብ፤

• ኣብ ኔዘርላንድ ሞግዚትካ መን ምዃኑ ዘርኢ ቅዳሕ መርትዖ (ንኣብነት ኣብ Nidos ዝርከብ ኮንታክትፐርሶንካ)፤

• ምሉእ ብምሉእ ተመሊኡ ዝተዛዘመን ዝተፈረመን ጥብቆ 'መመልከቲ መርመራ ዲ.ኤን.ኤ ንምጥርናፍ ስድራ-ቤት

  ።'

3. ንባህርያዊ ትሕቲ ዕድመ ውላድካ (ደቅኻ)፡

• ቅዳሕ ናይ ውላድካ ናይ ልደት ምስክር ወረቐት፣ ወይ ምስ ውላድካ ንዘለካ ስድራ-ቤታዊ ዝምድና ዘረጋግጽ ቅዳሕ ካልእ መርትዖ፤

• ምሉእ ብምሉእ ተመሊኡ ዝተዛዘመ ጥብቆ 'መመልከቲ መርመራ ዲ.ኤን.ኤ ንምጥርናፍ ስድራ-ቤት

  '፤

• ባህርያዊ ውላድካ 15 ዓመት ድዩ ዕድሚኡ? ስለዚ ምሉእ ብምሉእ ዝተመልአን በቲ ቆልዓ ዝተፈረመን ጥብቆ 'መግለጺ ኩነታት ሓዳር

  ' እውን ምስኡ ኣተሓሒዝካ ለኣኽ።

• እቲ ካልእ ወላዲ ናይቲ ባህርያዊ ውላድካ ኣብ ወጻኢ ሃገር ድያ ትነብር? ስለዚ ውላድካ ናብ ኔዘርላንድ ንኽከይድ ፍቓድ ክትህብ ኣለዋ። ብዛዕባ እዚ ድማ እዚ ዝስዕብ የድልይ፡

• ቅዳሕ ናይቲ ብህይወት ዘሎ ወላዲ መንነት መረጋገጺ። እዚ መርትዖ ፌርማ ናይቲ ብህይወት ዘሎ ወላዲ ከጠቓልል ኣለዎ፤

• ኣብ መንጎ ውላድካን ወላድን ዝተገደፈ ስድራቤታዊ ርክብ ዘርኢ ቅዳሕ መርትዖ፤

• በቲ ድሕሪት ዝተረፈ ወላዲ ምሉእ ብምሉእ ተመሊኡ ዝተዛዘመን ዝተፈረመን ጥብቆ ‘መግለጺ ፍቓድ ድሕሪት ናይ ዝተረፈ ወላዲ

  ’፣ ወይ ድማ ብኣኻ ምሉእ ብምሉእ ተመሊኡ ዝተዛዘመን ዝተፈረመን ጥብቆ ‘መግለጺ ፍቓድ ድሕሪት ናይ ዝተረፈ ወላዲ ናይ ዘይምህላው መግለጺ
  ’።

4. ንትሕቲ ዕድመ ዝተራዕመ(ሙ) ውላድካ (ደቅኻ)፣ ወይ ናትካ/ኪ ወይ ናይ በዓልቲ-ቤትካ ወይ በዓል-ቤትኪ ባህርያዊ ውላድ (ቆልዑት)፡

• ቅዳሕ ናይቲ ህጻን ናይ ልደት ምስክር ወረቐት ወይ ኣብ መንጎ እቲ ህጻንን ስጋዊ ወለዲ ናይቲ ህጻንን ዘሎ ስድራቤታዊ ዝምድና ዘርኢ ቅዳሕ ካልእ መርትዖ፤

• ኣብ ጉዳይ ርዕመት ቆልዑት፡ መርትዖ ናይ ርዕመት

• ምሉእ ብምሉእ ተመሊኡ ዝተዛዘመን ዝተፈረመን ጥብቆ 'መመልከቲ መርመራ ዲ.ኤን.ኤ ንምጥርናፍ ስድራ-ቤት

  ።'

• ምሉእ ብምሉእ ተመሊኡ ዝተዛዘመ ጥብቆ ‘ዝርዝር ሕቶታት ስድራ-ቤታዊ ዝምድና ምስ ቆልዓ

  ’።

• እቲ ቆልዓ 15 ዓመት ድዩ ዕድሚኡ? ስለዚ ምሉእ ብምሉእ ዝተመልአን በቲ ቆልዓ ዝተፈረመን ጥብቆ 'መግለጺ ኩነታት ሓዳር

  ' እውን ምስኡ ለኣኽ።

• እታ ካልእ ወላዲት ናይቲ ባህርያዊ ውላድ ኣብ ወጻኢ ሃገር ድያ ትነብር? ስለዚ እቲ ቆልዓ ናብ ኔዘርላንድ ንክኸይድ ፍቓድ ክትህብ ኣለዋ። ብዛዕባ እዚ ድማ እዚ ዝስዕብ የድልይ፡

  • ቅዳሕ ናይቲ ብህይወት ዘሎ ወላዲ መንነት መረጋገጺ። እዚ መርትዖ ፌርማ ናይቲ ብህይወት ዘሎ ወላዲ ከጠቓልል ኣለዎ፤

  • ኣብ መንጎ እቲ ቆልዓን ድሕሪት ዝተረፈ ወላድን ዘሎ ስድራ-ቤታዊ ዝምድና ናይ ዘረጋግጽ መርትዖ ቅዳሕ፤

  • በቲ ድሕሪት ዝተረፈ ወላዲ ምሉእ ብምሉእ ተመሊኡ ዝተዛዘመን ዝተፈረመን ጥብቆ ‘መግለጺ ፍቓድ ድሕሪት ናይ ዝተረፈ ወላዲ

    ’፣ ወይ ድማ ብኣኻ ምሉእ ብምሉእ ተመሊኡ ዝተዛዘመን ዝተፈረመን ጥብቆ ‘መግለጺ ፍቓድ ድሕሪት ናይ ዝተረፈ ወላዲ ናይ ዘይምህላው መግለጺ
    ’።

  • ብዛዕባ እቶም ምስ መመልከቲኻ ክትሰዶም ዘለካ (ቅዳሓት) ሰነዳት፣ ኣብ መርበብ-ሓበሬታ ናይ IND እውን ሓበሬታ ክትረክብ ትኽእል ኢኻ።

ኣስተውዕል፡ ስለዚ መጀመርታ ምስ መመልከቲኻ ከተቕርቦም ናይ ዘለካ ኩሎም ሰነዳት ቅዳሕ ጥራይ ኢኻ ክትሰድድ ዘለካ። ኦርጅናል ኣይትስደድ። IND ድሒሩ ነቲ ኦርጅናል ሰነዳት ንኽትልእኽ ክሓተካ እዩ፣ ብዘይካ ፓስፖርት ወይ ካልእ መለለዪ መንነት ናይ ኣባላት ስድራ-ቤትካ።

ኩሎም እትሰዶም ሰነዳት ብቋንቋ ኔዘርላንድ፣ እንግሊዝ፣ ጀርመን፣ ወይ ፈረንሳ ዝተጻሕፉ ክኾኑ ኣለዎም።

እቶም ሰነዳት ብኻልእ ቋንቋ ዝተጻሕፉ ድዮም? ስለዚ እቲ ናይ ወረቐት ወይ ዲጂታላዊ (ስካን ወይ ፎቶ) ሰነዳት ኣብ ኔዘርላንድ ቃለ-መሓላ ብዝፈጸመ ተርጓሚ ክትርጎም ኣለዎ። ስለዚ ካብ ወጻኢ ሃገር ዝመጸ ትርጉም ቅቡል ኣይኮነን።

'መዝገብ ቃለ-ማሕላ ዝፈጸሙ ኣተርጎምትን ተርጎምትን (RBTV)'

እቶም ክትመርጾም እትኽእል ተርጎምቲ ኣብ 'መዝገብ ቃለ-ማሕላ ኣተርጎምትን ተርጎምትን' (Rbtv)

ሰነድካ ካብ ኣየናይ ቋንቋ ናብ ኔዘርላንድ ክትርጎም ከም ዘለዎ ኣብኡ ክትሕብር ትኽእል ኢኻ። ኣብ ከባቢኻ ድማ ተርጓሚ ክትደሊ ትኽእል ኢኻ። ስለዚ ሽዕኡ ስም፣ ኢ-መይልን ቁጽሪ ተሌፎንን ናይቶም ክትረኽቦም እትኽእል ተርጎምቲ ክትርእይ ኢኻ።

መጀመርታ ነቶም ትርጉማት ክንደይ ወጻኢታት ከም ዝሓትት ነቲ ተርጓሚ ምሕታት ሓጋዚ እዩ፣ ስለዚ ድማ ክንደይ ዝኣክል ባጀት ኣብ ግምት ከተእቱው ከምዘለካ ትፈልጥ።