ቅድመ-ኩነታት ናይ ዑቕባ ምጥርናፍ ስድራ-ቤት (ንዝተረፉ ኣባላት ስድራ-ቤት) ኣብ ኔዘርላንድ

ድሕሪ 12 ሰነ 2026፡ 'ናይ ዑቕባ ምጥርናፍ ስድራ-ቤት (ዳግመ-ውህደት)' ነዞም ዝስዕቡ ጥራይ ኢኹም ክትምልክቱ እትኽእሉ፡

• ንዝተመርዓኹሞ መጻምድቲን ትሕቲ ዕድመ ባህርያዊ ውላድኩምን ዝተራዕሙ ቆልዑትን። ልዕሊ ዕድመ ዘይተመርዓዉ ደቅኹም ናብ ኔዘርላንድ ክመጹ ዝኽእሉ፣ ኣብ ኔዘርላንድ ዑቕባ ክትሓቱ እንከለኹም ገና ትሕቲ-ዕድመ ዝነበሩ ምስ ዝኾኑ ጥራይ እዩ።

• ባህርያውያን ወላዲኻ (ወላድኻ) ከምኡ እውን ትሕቲ-ዕድመ ኣሕዋትካን ኣሓትካን፣ ከም መሰነይታ ዘይብሉ ትሕቲ ዕድመ ቆልዓ ናብ ኔዘርላንድ እንተድኣ መጺእካ።

ን1 ካብዞም ኣባላት ስድራ-ቤት መመልከቲ ከተቕርቡ ምስ እትደልዩ፣ ብኸመይ ከም እትገብርዎ ንምፍላጥ ኣብዚ ታሕቲ ዘሎ ደረጃ ብደረጃ ዝገልጽ መርሓ ውጥን ኣንብቡ።

ንኣባላት ቀንዲ ስድራ-ቤትካ 'ናይ ዑቕባ ምጥርናፍ ስድራ-ቤት (ዳግመ-ውህደት)' ምምልካት

ንዝተረፉ ኣባላት ቀንዲ ስድራ-ቤትካ 'ናይ ዑቕባ ምጥርናፍ ስድራ-ቤት (ዳግመ-ውህደት)' ኣብ ከምዚ ዝስዕብ ከተመልከት ትኽእል ኢኻ፡

• ርእሱ-ዝኸኣለ ናይ ዑቕባ መንበሪ ፍቓድ ምስ ዝህልወካ፤

• ኣባል ስድራ-ቤትካ ኣካል ናይ ስድራ-ቤትካ ምስ ዝኸውንን፣ ኣብ ወጻኢ ሃገር እውን ኣካል ናይ ስድራ-ቤትካ ዝነበረ እንተድኣ ኮይኑን፤

• ኣባል ስድራ-ቤትካ ገበናዊ ጥሕሰት ወይ ገበን ዘይፈጸመ ምስ ዝኸውን፤

• ንስኻ ናይ ኣባል ስድራ-ቤትካ 'ወግዓዊ ዓዳሚ' ምዃንካ ምስ እትገልጽ። ወግዓዊ ዓዳሚ፣ እቲ ንኣባል ስድራ-ቤቱ ናብ ኔዘርላንድ ከምጽእ ዝደልይ ሰብ (ኣመልካቲ) እዩ።

ኣስተውዕል፡ ከም ስደተኛ ናይ ዑቕባ መንበሪ ፍቓድ እንተድኣ ተዋሂቡካ፣ ኣብ ውሽጢ 3 ኣዋርሕ ንኣባላት ስድራ-ቤትካ 'ናይ ዑቕባ ምጥርናፍ ስድራ-ቤት (ዳግመ-ውህደት)' ከተመልክት ኣለካ። እዚ ግዜ ድማ፣ ናይ ምጥርናፍ ሰድራ-ቤት ገደብ-ግዜ ይበሃል።

ሓደ ሓደ ግዜ ኣብ ውሽጢ እዞም 3 ኣዋርሕ ነቲ መመልከቲ ምምላእ ዘይሰልጥ ክኸውን ይኽእል እዩ። ንኣብነት ኣባል ስድራ-ቤትካ ኣበይ ከም ዝርከብ ስለ ዘይትፈልጥ፣ ወይ ገና ኩሉ ዘድሊ ሰነዳት ስለዘይብልካ።

ኣብ ከምዚ ኩነታት ነቲ መመልከቲ ምቕራብ ኣይትደንጒይ። ከምኡ ኮይኑ እናሃለወ፣ ኣብ ውሽጢ እቲ 'ናይ ዑቕባ ምጥርናፍ ስድራ-ቤት (ዳግመ-ውህደት)' ገደብ-ግዜ ኣመልክት፣ ዋላ ገና ኩሉ ሓበሬታ ወይ ሰነዳት ዘይብልካ እንተኾንካ እውን። መብዛሕትኡ ግዜ IND ድሕሪ ገለ ግዜ እዩ ነቲ መመልከቲ ከመስርሖ ዝጅምር። ከም ውጽኢቱ ድማ መብዛሕትኡ ግዜ ገና ድሒሩ ዝጎደለ ሰነዳት ከተቕርብ ዕድል ኣሎካ።

ኣብ ውሽጢ 3 ኣዋርሕ ነቲ መመልከቲ እንተድኣ ዘይኣቕሪብካ፣ ናይ ምጥርናፍ ስድራ-ቤት መሰል ብመትከል ውዱቕ ይኸውን እዩ። ነቲ መመልከቲ ኣብ ግዚኡ ከተቕርቦ ዘይከኣልካሉ ብቚዕ ምኽንያት ምስ ዝህሉው ጥራይ እዩ፣ እቲ ደንጉዩ ዝመጸ መመልከቲ ሓደ ሓደ ግዜ ገና ተቐባልነት ክረክብ ዝኽእል።

ነዚኦም ኣባላት ቀንዲ ስድራ-ቤትካ 'ናይ ዑቕባ ምጥርናፍ ስድራ-ቤት (ዳግመ-ውህደት)' ከተመልክት ትኽእል፡

• ኣብ መበቆል ሃገርካ ብሕጊ ንዝተመርዓኻያ/ኽዮ በዓልቲ-ቤትካ ወይ በዓል-ቤትኪ

ካብ 1 ንላዕሊ በዓልቲ-ቤት ወይ በዓል-ቤት ድዩ ዘለካ/ኪ? ስለዚ ን1 ካብኣቶም ጥራይ ኢኻ/ኺ ኣብ ኔዘርላንድ 'ናይ ዑቕባ ምጥርናፍ ስድራ-ቤት (ዳግመ-ውህደት)' ከተመልክት/ቲ እትኽእል/ሊ። በዓልቲ-ቤትካ ወይ በዓል-ቤትኪ ድማ ዕድሚኣ/ኡ 18 ዓመት ወይ ልዕሊኡ ክትከውን/ክኸውን ኣለዋ/ዎ [AD1]።

• ትሕቲ ዕድመ ባህርያዊ ደቅኻ ወይ ዝተራዕሙ ቆልዑት

ናብ ኔዘርላንድ ኣብ ዝመጻእካሉ እዋን ገና ወዲ 18 ዓመት ዘይነበረ ቆልዓ ናብ ኔዘርላንድ ናይ ምምጻእ መሰል ኣለዎ። ውላድካ ናብ ኔዘርላንድ ክትመጽእ እንከለኻ ድሮ ልዕሊ 18 ዓመት ስለዚ ልዕሊ ዕድመ (በጽሒ) ድዩ ነይሩ? ስለዚ እዚ ቆልዓ ናብ ኔዘርላንድ ክመጽእ ኣይፍቀድን እዩ። ይኹን እምበር፣ ነዚ ልዕሊ ዕድመ ቆልዓ ብዝምልከት ዓንቀጽ 8 EVRM መመልከቲ ከተቕርብ ትኽእል ኢኻ።

IND ምስቲ ቆልዓ ዝነበረካ 'ስድራ-ቤታዊ ዝምድና' እንተድኣ ተበቲኹ፣ ምስቲ ቆልዓ 'ናይ ዑቕባ ምጥርናፍ ስድራ-ቤት (ዳግመ-ውህደት)' ንምግባር ዘቕረብካዮ ሕቶ ክነጽጎ እዩ። እዚ ንኣብነት ውላድካ ብመርዓ ወይ ብናይ ሓዳር ዝምድና ኣቢሉ ናይ ገዛእ-ርእሱ ስድራቤት እንተድኣ ኣቚሙ እዩ። እዚ ቆልዓ ገና ትሕቲ ዕድመ እንተድኣ ኮይኑ ግን ብመሰረት ሕጊ ኔዘርላንድ ገና ከም ኣካል ስድራ-ቤትካ እዩ ዝቑጸር። እዚ ዝኾነሉ ምኽንያት ድማ ኔዘርላንድ ንመውስቦ ሕጻናት ኣፍልጦ ስለዘይትህብ እዩ።

ወላዲት ትሕቲ ዕድመ ውላድካ ወይ ደቅኻ ኣብ ወጻኢ ሃገር ድያ ትነብር? ከምኡ እውን ነታ መጻምድትኻ (ነበር) 'ናይ ዑቕባ ምጥርናፍ ስድራ-ቤት (ዳግመ-ውህደት)' ኣይተመልክተላን ዲኻ? ስለዚ መጻምድትኻ (ነበር) ደቅኹም ናብ ኔዘርላንድ ንክኸዱ ፍቓድ ክትህብ ኣለዋ።

ከም መሰነይታ ዘይብሉ ትሕቲ ዕድመ ስደተኛ (AMV) ዲኻ ናብ ኔዘርላንድ መጺእካ?

ስለዚ ዋላ ኣብ እዋን መስርሕ ዑቕባ በጽሒ ሰብ እውን እንተኾንካ፣ ምስ ባህርያዊ ወለድኻ ምጥርናፍ ስድራ-ቤት ናይ ምግባር መሰል ኣለካ። ኣብ ሞንጎ ኣብ ዘሎ እዋን፣ ንስኻ ከም በጽሒ ሰብ (ኣብ ኔዘርላንድ) ናይ ሓዳር ዝምድና ጀሚርካ ዲኻ? ስለዚ ሽዕኡ IND እቲ ምስ ወለድኻ ዝነበረ ስድራ-ቤታዊ ዝምድናኻ ከም ዝተበትከ ክውስን ይኽእል እዩ።

ምናልባት ካልኦት ኣባላት ስድራ-ቤት እውን ናብ ኔዘርላንድ ክመጽኡ ይኽእሉ

ከም መሰነይታ ዘይብልካ ትሕቲ ዕድመ ስደተኛ ዲኻ ንወለድኻ ምጥርናፍ ስድራ-ቤት ተመልክት ዘለኻ? ስለዚ ምስ ትሕቲ ዕድመ ኣሕዋትካን ኣሓትካን ምጥርናፍ ስድራ-ቤት ንኽትገብር እውን መሰል ኣለካ። ይኹን እምበር፣ ንወለድኻን ንኣሕዋትካን ኣሓትካን፣ ምጥርናፍ ስድራ-ቤት ብሓንሳብ ኣብ ሓደ እዋን ከተመልክት ኣለካ።

ኣብ ኣዝዩ ፍሉይ ኩነታት፣ ከም በጽሒ ሰብ ማለት ልዕሊ ዕድመ፣ ካብ መጻምድትኻን ደቅኻን ወጻኢ ምስ ካልኦት ኣባላት ስድራ-ቤት፣ ንኣብነት ምስ ወለድኻ እውን ምጥርናፍ ስድራ-ቤት ከተመልክት ትኽእል ኢኻ። እዚ ዝከኣል ልዕሊ 18 ዓመት ምስ እትኸውንን፣ ወለድኻ ኣባኻ ጽግዕተኛታት ምስ ዝኾኑን እዩ። ወይ ብግልባጡ፡ ካብ 18 ክሳብ 25 ዓመት ዝዕድመኻ በጽሒ ሰብ እንተድኣ ኮይንካን፣ ግን ድማ ገና ኣብ ወለድኻ ጽግዕተኛ ምስ እትኸውንን።

ነዚኦም ኣባላት ስድራ-ቤት ፍሉይ ናይ ምጥርናፍ ስድራ-ቤት መመልከቲ ከተቕርብ ኣለካ።

መጻምድትኻ ወይ ስድራ-ቤትካ ናብ ኔዘርላንድ ከተምጽእ እንተድኣ ደሊኻ፣ 'ናይ ዑቕባ ምጥርናፍ ስድራ-ቤት (ዳግመ-ውህደት)' ከተመልክት ኣለካ። ነዚ ዝምልከቱ ዝተወሰኑ ቅድመ-ኩነታት ኣለዉ። ኣብዚ ገጽ ብዛዕባ ቅድመ-ኩነታት ምጥርናፍ ስድራ-ቤት ኣብ ኔዘርላንድ ዝያዳ ከተንብብ ትኽእል ኢኻ።

ካብ 12 ሰነ 2026 ጀሚሩ ሓድሽ ውዕል ዑቕባን ፍልሰትን ኤውሮጳን፣ ስርዓት ክልተ ደረጃታትን ኣብ ግብሪ ክውዕል እዩ። ካብቲ ግዜ እቲ ጀሚርካ፣ ነቲ ብመሰረት ኣብ መበቆል ሃገርካ ዝርከብ ሕጊ ዝተመርዓዮ መጻምድትኻን፣ ከምኡ እውን ንትሕቲ ዕድመ ደቅኻን ጥራይ ኢኻ ‘ናይ ዑቕባ ምጥርናፍ ስድራ-ቤት (ዳግመ-ውህደት)’ ከተመልክት ትኽእል።

ካብቲ ዕለት እቲ ጀሚርካ ‘ከም