ምጥርናፍ ስድራ-ቤትን ምቛም ስድራ-ቤትን

ንዝተረፉ ኣባልት ስድራ-ቤትካ ናይ ዳግመ-ውህደት ምጥርናፍ ስድራ-ቤት ብኸመይ ከም እተመልክት ኣብዚ መርሓ ውጥን ከተንብብ ትኽእል ኢኻ። እዚ ናይ ዑቕባ መንበሪ ፍቓድ ድሕሪ ምርካብካ ኣብ ውሽጢ 3 ኣዋርሕ ክትገብሮ ኣለካ።

ንስኻ ከም ልዕሊ ዕድመ መጠን ንወለድኻ (ናበይቲ ወለድኻ) ናብ ኔዘርላንድ ከተምጽኦም ትደልይ ዲኻ? ወይ ኣሕዋትካ፣ ኣሓትካ፣ ልዕሊ ዕድመ ደቅኻ ወይ ካልኦት ኣባኻ ጽግዕተኛታት ዝኾኑ ኣባላት ስድራ-ቤትካ ከተምጽኦም ትደልይ ዲኻ? ስለዚ ብመሰረት ዓንቀጽ 8 ናይ ኤውሮጳዊ ውዕል ሰብኣዊ መሰላት (EVRM) ምጥርናፍ ስድራ-ቤት ከተመልክት ትኽእል ኢኻ። እዚ ብኸመይ ከም ዝሰርሕ ኣብዚ ደረጃ ብደረጃ ዝገልጽ መርሓ ስጉምትታት ከተንብብ ትኽእል ኢኻ።

ብመትከል ናይ ዑቕባ መንበሪ ፍቓድ ድሕሪ ምርካብካ ኣብ ውሽጢ 3 ኣዋርሕ ንዝተረፉ ኣባልት ስድራ-ቤትካ ናይ ዳግመ-ውህደት ምጥርናፍ ስድራ-ቤት ከተመልክት ኣለካ። ከምኡ ክትገብር ኣይሰለጠካን ድዩ? ስለዚ ከምኡ ኮይኑ እናሃለወ እውን ድሕሪ 3 ኣዋርሕ እውን ይኹን ምጥርናፍ ስድራ-ቤት ኣመልክት። IND ካብ ታሕሳስ 2025 ጀሚሩ ብዛዕባ እዚ ብዙሕ ጽኑዕ ኣይክከውንን እዩ። ናይ ዳግመ-ውህደት ምጥርናፍ ስድራ-ቤት ኸተመልከት ብቑዕ እንተድኣ ዘይኮይንካ ድማ IND ክትሕበረካ እዩ። ከምኡ እውን ነዞም ኣብ ታሕቲ ዘለዉ ስጉምትታት ብምኽታል ምጥርናፍ ስድራ-ቤት ከተመልክት ትኽእል ኢኻ።

ወናኒ መንበሪ ፍቓድ ወይ ኔዘርላንዳዊ ዲኻ፣ ከምኡ እውን ኣብ ወጻኢ ሃገር መጻምድቲ ኣላትካ ድያ? መጻምድትኻ ናብ ኔዘርላንድ ከተምጽእ ድማ ትደልይ ዲኻ? ስለዚ ኣብ ኔዘርላንድ ብሓባር ንኽትነብሩ ከተመልክቱ ትኽእሉ ኢኹም። እዚ ምቛም ስድራ-ቤት ይበሃል። ብኸመይ ንምቛም ስድራ-ቤት ከም እተመልክትን እንታይ ክተዋድድ ከም ዘለካን ኣብዚ መርሓ-ውጥን ከተንብብ ትኽእል ኢኻ።