ንንቡር ምጥርናፍ ስድራ-ቤት ዝምልከቱ ቅድመ-ኩነታት

ናይ ዑቕባ መንበሪ ፍቓድ ድሕሪ ምርካብካ፣ ንኣባላት ስድራ-ቤትካ ብመንገዲ ናይ ዑቕባ ምጥርናፍ ስድራ-ቤት ናብ ኔዘርላንድ ንኸተምጽእ ናይ 3 ኣዋርሕ ግዜ ኣለካ።

ናይ ዑቕባ ምጥርናፍ ስድራ-ቤት ኣብ ግዚኡ እንተድኣ ዘየመልከትካ፣ ብመንገዲ ንቡር ምጥርናፍ ስድራ-ቤት ከተመልክት ትኽእል ኢኻ። እዚ ብርክት ዝበሉ ሃስያታት ኣለዎ፡

• ናይ ዑቕባ ምጥርናፍ ስድራ-ቤት ብነጻ እዩ። ንቡር ምጥርናፍ ስድራ-ቤት ግን ገንዘብ ይሓትት። 

• ናይ ዑቕባ ምጥርናፍ ስድራ-ቤት ኣብ እትገብረሉ እዋን፣ ካብቲ ንቡር ምጥርናፍ ስድራ-ቤት ንምግባር ዘድልዩ ዝወሓዱ ጽኑዓት ጠላባት ከተማልእ ትግደድ። ንኣብነት ንቡር ምጥርናፍ ስድራ-ቤት ንምግባር ዝተወሰኑ ናይ ኣታዊ ጠለባት ከተማልእ ኣለካ። እዚ ኣብ ናይ ዑቕባ ምጥርናፍ ስድራ-ቤት ኣድላዪ ኣይኮነን።

1. ናይ ኔዘርላንድ መንበሪ ፍቓድ ምስ ዝህልወካን፣ መንበሪ ፍቓድካ ድሕሪ ምቕባልካ ልዕሊ 3 ኣዋርሕ ድሒርካ ምጥርናፍ ስድራ-ቤት ከተመልክት እንተድኣ ደሊኻን።

2. ናይ

   ኣገልግሎት ኢሚግሬሽንን ዜግነትን (IND)
   ናይ ኣታዊ ጠለባት ተማልእ ምስ እትኸውን።

ድሮ ናይ ኔዘርላንድ ዜጋ ኮይንካ ዲኻ?

ከምኡ ምስ ዝኸውን ዝተፈልዩ ቅድመ-ኩነታት እዮም ዝምልከቱኻ፡ ከም በዓል መሰረታዊ ፈተና ምውህሃድ ኣብ ወጻኢ ሃገር ዝኣመሰሉ። እዞም ቅድመ-ኩነታት፣ ንስሩዕ ምጥርናፍ ስድራ-ቤትን ንምቛም ስድራ-ቤትን ንኽልቲኡ ዝምልከቱ እዮም። ኣብ ከምዚ ዝኣመሰለ ኩነታት እቲ ሕቶ፣ ህይወት ስድራ-ቤትካ ቅድሚ ናብ ኔዘርላንድ ምምጻእካ ድዩ ድሕሪ ምምጻእካ ጀሚሩ ዝብል ዘይኮነስ፣ የግዳስ ንስኻ ምጥርናፍ ስድራ-ቤት ዘመልክት ዘሎ ወግዓዊ ዓዳሚ ማለት ስፖንሰር ከም ምዃንካ መጠን ዘለካ ደረጃ ማለት ኩነት እዩ።

ኣብ ወጻኢ ሃገር ዝግበር መሰረታዊ ናይ ምውህሃድ ፈተና ንኹሉ ስሩዕ ናይ ምጥርናፍ ስድራ-ቤት መስርሓት ዘድሊ ኮይኑ፣ እቲ ወግዓዊ ዓዳሚ ማለት ስፖንሰር ስሩዕ መንበሪ ደረጃ ዘለዎ ወይ ዜጋ ኔዘርላንድ ምስ ዝኸውን ዝጥለብ እዩ። ነቲ ናይ ምጥርናፍ ስድራ-ቤት ገደብ-ግዜ ዘሕለፉን TEV ከቕርቡን ዘለዎም ኣባላት ስድራ-ቤት ናይ ሓደ ኔዘርላንዳዊ ዜግነት ዝረኸበ ወግዓዊ ዓዳሚ፣ ቅድሚ ናብ ኔዘርላንድ ምምጽኦም ኣብ ወጻኢ ሃገር መሰረታዊ ናይ ምውህሃድ ፈተና ክሓልፉ ኣለዎም።

• በዓልቲ-ቤትካ/በዓል-ቤትኪ ወይ መጻምድቲ
  ልዕሊ 1 በዓልቲ-ቤት ድዩ ዘለካ? ስለዚ ን 1 በዓልቲ-ቤት ጥራይ ኢኻ ምጥርናፍ ስድራ-ቤት ከተመልክት እትኽእል።

• ባህርያዊ ደቅኻን፣ ኣብ መበቆል ሃገርካ ኣካል ናይታ ስድራ-ቤት ዝነበሩ ትሕቲ 18 ዓመት ዝዕድሚኦም ተናበይቲ ቆልዑት ወይ ዝተራዕሙ ቆልዑት።
  እቲ ካልእ ወላዲ ናይቲ ቆልዓ ኣብ ወጻኢ ሃገር እንተድኣ ተሪፉ፣ ውላድኩም ናብ ኔዘርላንድ ንክኸይድ ፍቓድ ክህብ ኣለዎ።

ንኻልኦት ኣባላት ስድራ-ቤት፣ ልዕሊ 18 ዓመት ንዝዕድሚኦም ቆልዑት ወይ ንወለድኻ፣ ኣሕዋትካ ወይ ኣሓትካ ንዝኣመሰሉ ምጥርናፍ ስድራ-ቤት ከተመልክት ትደልይ ዲኻ? ስለዚ እዚ ብመንገዲ ንቡር መስርሕ ምጥርናፍ ስድራ-ቤት ኣይከኣልን እዩ። ሓደ ሓደ ግዜ ግን እዚ ብመንገዲ "ምጥርናፍ ስድራ-ቤት ዑቕባ 8EVRM" ተባሂሉ ዝጽዋዕ ዝተፈለየ መስርሕ ይከኣል እዩ።