RefugeeHelp - Welcome to RefugeeHelp

ሓበሬታ

ኣብ ኔዘርላንድ ሕሳብ ባንክ ምኽፋት

ኣብ ኔዘርላንድ ሕሳብ ባንክ ኣዝዩ ኣገዳሲ እዩ። ደሞዝካ ወይ ጥቕምታትካ ብእኡ ኢኻ ትቕበሎ፣ ዝኽፈሉ ሕሳባትካ ብእኡ ትኸፍል፣ ከምኡ እውን ብኢንተርነት ክትዕድገሉ ትኽእል። ኣብዚ ዓንቀጽ ብኸመይ ሕሳብ ባንክ ከም እትኸፍትን እንታይ ከተቕልበሉ ከምዘለካን ከተንብብ ትኽእል ኢኻ።

ኣብ ኣውራጃ ድሬንተ ዝርከብ ቤት-ጽሕፈት ምምሕዳር ከተማ ኤመን።

ሓበሬታ

ብናይ ዑቕባ መንበሪ ፍቓድ ገንዘባዊ ማሕበራዊ ደገፍ ንምርካብ ምምልካት

ስራሕ የብልካን ድዩ፣ ከምኡ እውን ንመነባብሮኻ ዝኸውን እኹል ኣታዊ ወይ ኣብ ባንኪ ገንዘብ የብልካን ዲኻ? ስለዚ ምናልባት ገንዘባዊ ማሕበራዊ ደገፍ ክትረክብ መሰል ኣለካ። እዚ ካብ መንግስቲ እትረኽቦ ወርሓዊ ክፍሊት እዩ። ብዛዕባኡ ዝያዳ ኣብዚ ገጽ ከተንብብ ትኽእል ኢኻ።

ሓበሬታ

ናይ ዑቕባ መንበሪ ፍቓድ ምስ ዝህልወካ ናይ ሽቕለት ኣልቦነት ደገፍ ምምልካት

ምሉእ ብምሉእ ወይ ብኸፊል ሽቕለት ኣልቦ እንተድኣ ኮይንካ፣ ናይ ሽቕለት ኣልቦነት ደገፍ ንምርካብ ከተመልክት ትኽእል ኢኻ። ኣብ ኔዘርላንድ እዚ ናይ ሽቕለት ኣልቦነት ደገፍ 'WW-uitkering' ይበሃል። ኣብ መንጎ ናይ ቀደም ስራሕካን ሓድሽ ስራሕካን ንዝጠፍእ ኣታዊ ንምኽሓስ ዝዓለመ ግዝያዊ ደገፍ እዩ።

ሓበሬታ

ግብሪ ምኽፋል

ኣብ ኔዘርላንድ ትሰርሕ ወይ ጥቕሚታት ትረክብ እንተድኣ ኮይንካ ግብሪ ትኸፍል። ኣብ ዓመት ሓደ ግዜ ናይ ገዛእ-ርእስኻ ግብሪ ኣታዊ ከተፍልጥ ኣለካ። እዚ ብኸመይ ከም ዝሰርሕ ኣብዚ ኣንብብ።

ሓበሬታ

ናብ መርበባት-ሓበሬታ ናይ መንግስቲ ኔዘርላንድ ንምእታው DigiD ኣመልክት

ኣብ ኔዘርላንድ ብዙሕ ውልቃዊ ጉዳያት ብኢንተርነት ከተዋድድ ትኽእል ኢኻ። ንኣብነት ምስ መንግስቲ ኔዘርላንድ። ወይ ንመድሕን ጥዕናኻ ወይ ንጡረታኻ ብዝምልከት። ነዚ ንምግባር ድማ DigiD የድልየካ። ኣብዚ ዓንቀጽ DigiD እንታይ ምዃኑን፣ ነዚ ንምርካብ ብኸመይ ከም እተመልክትን ከተንብብ ትኽእል ኢኻ።

ሓበሬታ

ኣብ ኔዘርላንድ ንጡረታኻ ምውህላል ብኸምዚ እዩ ዝሰርሕ

ኣብ ኔዘርላንድ ትነብር እንተድኣ ኮይንካ መሰረታዊ ጡረታ ክትረክብ መሰል ኣለካ። ተወሳኺ ጡረታ እውን ከተዋህልል ትኽእል ኢኻ። እዚ ገንዘብ፣ ስራሕ ምስ ኣቋረጽካ ካብ ዝተወሰነ ዕድመ ንደሓር ክትረኽቦ እትኽእል ገንዘብ እዩ። ኣብ ኔዘርላንድ ምውህላል ጡረታ ብኸመይ ከም ዝሰርሕ ኣብዚ ኣንብብ።

ሓበሬታ

ኣበላት ቆልዑት ምስ ዝህልዉኻ

ትሑት ኣታዊ፣ ከምኡ እውን 1 ወይ ልዕሊኡ ቆልዑት ዘለካ ዲኻ? ስለዚ ፍሉያት ኣበላት ናይ ምርካብ መሰል ክህልወካ ይኽእል እዩ። ኣበል፣ ትሑት ኣታዊ ምስ ዝህልወካ ካብ መንግስቲ ክትረኽቦ እትኽእል ተወሳኺ ኣታዊ እዩ።

ሓበሬታ

መድሕን ጥዕናኻ ንምኽፋል ዘኽእል ኣበል ጥዕና

ትሑት ኣታዊ ድዩ ዘለካ? ንኣብነት ብማሕበራዊ ጥቕሚ ወይ ብድጎማ ትምህርቲ ክትነብር ስለዘለካ? ስለዚ ምናልባት ኣበል ጥዕና ክትረክብ ትኽእል ትኸውን ኢኻ። እዚ ንመድሕን ጥዕናኻ መኽፈሊ ዝኸውን ካብ መንግስቲ ዝግበር ኣበርክቶ እዩ።

ሓበሬታ

ክራይ ገዛኻ ንምኽፋል ዘኽእል ኣበል ክራይ

ገዛ ተኻሪኻ ዲኻ? ስለዚ ምናልባት ኣበል ክራይ ናይ ምርካብ መሰል ክህልወካ ይኽእል እዩ። እዚ ድማ ትሑት ኣታዊ ምስ ዝህልወካ ካብ መንግስቲ ክትረኽቦ እትኽእል ተወሳኺ ኣታዊ እዩ። ንኣብነት ብማሕበራዊ ጥቕሚ ጥራይ ክትነብር ዘለካ ምስ እትኸውን ወይ ድጎማ ትምህርቲ ትቕበል እንተድኣ ኮይንካ።

ሓበሬታ

ዝተፈላለዩ ዓይነታት መድሕናት

ኣብ ኔዘርላንድ ንነብስኻን ንብረትካን ንምክልኻል ዝተፈላለዩ ዓይነታት ውዕል መድሕናት ክትኣቱው ትኽእል ኢኻ። ገሊኦም መድሕናት ግዴታ እዮም። ካልኦት ድማ ክህልዉኻ ጠቐምቲ እዮም። ኣብዚ ገጽ ኣየኖት ዓይነታት ውዕል መድሕናት ከምዘለዉ ከተንብብ ትኽእል ኢኻ።

ዝሰኣንካዮ ገለ ነገር ኣሎ ድዩ?

ገና እንታይ ዝሰኣንካዮ ከምዘሎ ወይ እንታይ ክትረኽቦ ከም ዘይከኣልካ ሓብረና። ንርእይቶኻ ተጠቂሙ ድማ RefugeeHelp ነዚ ገጽ ዝያዳ ከመሓይሾ ይኽእል እዩ። ኣስተውዕል፡ እዚ ቅጥዒ ነዚ መርበብ-ሓበሬታ ብዛዕባ ዝምልከቱ ርእይቶታት ዝዓለመ እዩ። ንውልቃዊ ሕቶታት ወይ ጠለባት ኣይኮነን። ናይ ዝሃብካዮ ርእይቶ መልሲ ኣይክትቕበልን ኢኻ።