መንበሪ ፍቓድን ኩነት መንበሪን
ናብ ኔዘርላንድ ዲኻ ሃዲምካ፣ ኣብዚ ድማ ክትነብር ትደሊ ዲኻ? ስለዚ ናይ ዑቕባ ፍቓድ ንምርካብ ከተመልክት ኣለካ። ኣብ ኔዘርላንድ ዝተፈላለዩ ናይ መንበሪ ኩነት ኣለዉ። ኣየኖት ዓይነት መንበሪ ፍቓድ ከም ዘለዉ፣ ንኽንደይ ግዜ ከም ዘገልግሉ፣ ከምኡ እውን ኣብ ትሕቲ ኣየኖት ቅድመ-ኩነታት ፓስፖርት ኔዘርላንድ ንምርካብ ከተመልክት ከም እትኽእል ኣብዚ ገጽ ከተንብብ ትኽእል ኢኻ።
መርሓ ውጥን (1)
ብኸምዚ ዜግነት ኔዘርላንድ ክትረክብ ትኽእል
4 ስጉምትታት
ኣብዚ መርሓ ውጥን፣ ናይ ዑቕባ መንበሪ ፍቓድ እንተሃልዩካ ብኸመይ ዜግነት ኔዘርላንድ ክትረክብ ከም እትኽእል ከተንብብ ትኽእል ኢኻ። ኣብዚ ብዛዕባ ኔዘርላንዳዊ ንምዃን ከተማልኦም ዘለካ ቅድመ-ኩነታትን፣ ዜግነት ኔዘርላንድ ንምርካብ ብኸመይ ከተመልክት ከም እትኽእልን ሓበሬታ ክትረክብ ኢኻ።
1
2
3
4
ሓበሬታ
ኣብ ኔዘርላንድ ኣየኖት 2 ዓይነት ሓለዋ ኣለዉ?
ብሰንኪ ሓደስቲ ናይ ኔዘርላንድ ሕግታት፣ ኣብ መንጎ ደረጃ ስደተኛታትን ካልኣዊ ንኡሳን ሓለዋን ዘሎ ፍልልይ ዝያዳ ኣገዳሲ ይኸውን ኣሎ። እዞም ቃላት እዚኣቶም እንታይ ማለት ምዃኖምን፣ ኣየናይ ዓይነት ሓለዋ ከም ዘለካ ኣበይ ከም እትርኢን ኣብዚ ዓንቀጽ እዚ ከተንብብ ትኽእል ኢኻ። እዚ ንመንበሪ ፍቓድካ፣ ምጥርናፍ ስድራ-ቤትካን፣ ዜጋ ኔዘርላንድ ንምዃንን እንታይ ማለት ምዃኑ እውን ከተንብብ ኢኻ።
ዓንቀጽ
እዚ ብዛዕባ ናብ መበቆል ሃገርካ ምጋሽን ኣብ ኔዘርላንድ ናይ ምንባር መሰልን ክትፈልጦ ዘለካ እዩ
ናብ መበቆል ሃገርካ ምጋሽ ኣብ ኔዘርላንድ ንዘለካ መንበሪ ፍቓድ ሓደጋታት ኣለዎ። ሓደ ሓደ ግዜ ኣብ እትምለሰሉ እዋን ኣብ ኔዘርላንድ ዘለካ ናይ ምንባር መሰል ደው ክብል ይኽእል እዩ። ናብ መበቆል ሃገርካ ክትገይሽ መዓስ ከም ዝፍቀደልካን ከም ዘይፍቀደልካን ኣብዚ ታሕቲ ኣንብብ።
ዓንቀጽ