ዜግነት ኔዘርላንድ ንምርካብ ዘለዉ ቅድመ-ኩነታት

ኔዘርላንዳዊ ዜጋ ንኽትከውን ካብ ዘለዉ ቅድመ-ኩነታት ሓደ፣ ዕድሜኻ 18 ዓመት ወይ ልዕሊኡ ክኸውን ኣለዎ ዝብል እዩ። ስለዚ ትሕቲ 18 ዓመት እንተኾንካ፣ ኔዘርላንዳዊ ዜጋ ንኽትከውን ባዕልኻ ሕቶ ከተቕርብ ኣይትኽእልን ኢኻ። እንተኾነ ግን ምስ ወላዲኻ (ወለድኻ) ብሓባር ኔዘርላንዳዊ ክትከውን ትኽእል ኢኻ። እዚ ድማ ሓባራዊ ምርካብ ዜግነት ይበሃል። ስለዚ ወላዲኻ (ወለድኻ) ኔዘርላንዳዊ ንምዃን ሕቶ ከቕርቡን፣ ኣብቲ ሕቶ ድማ ንስኻ ውላዶም ምዃንካን ንስኻ እውን ኔዘርላንዳዊ ክትከውን ከም እትደልይን ከመልክቱ ኣለዎ።  

ብዘይ ወለዲ ዲኻ ኣብ ኔዘርላንድ ዘለኻ? ስለዚ 18 ዓመት ክሳብ እትመልእ ክትጽበይ ኣለካ። ብድሕሪኡ ጥራይ ኢኻ ባዕልኻ ኔዘርላንዳዊ ክትከውን እትኽእል።  

ኔዘርላንዳዊ ዜጋ ንኽትከውን ካብ ዘለዉ ቅድመ-ኩነታት ሓደ፣ ቀዋሚ ናይ ዑቕባ መንበሪ ፍቓድ ክህልወካ ኣለዎ ዝብል እዩ። ስለዚ እዚ ማለት መጀመርታ ድሮ ን5 ዓመት ናይ ዑቕባ ግዝያዊ መንበሪ ፍቓድ ነይሩካ ማለት እዩ። ካብዚ ዝፍለዩ ብርክት ዝበሉ ኩነታት ኣለዉ። ካብዚኦም ሓደ ሃገር ኣልቦነት እዩ።

ሃገር ኣልቦ እንተድኣ ኮይንካ፣ ስለዚ ዜግነት ዘይብልካ እንተኾይኑ ድሮ ድሕሪ 3 ዓመት ዜግነት ኔዘርላንድ ንምርካብ ከተመልክት ትኽእል ኢኻ። ንኣብነት ፍልስጤማዊ እንተኾንካ እዚ ሓደ ሓደ ግዜ ተፈጻምነት ኣለዎ። እንተኾነ ግን ኣብ ምምሕዳር ከተማ ኣብ ዝርከብ

ኣብ ምምሕዳር ከተማ ኣብ ዝርከብ BRP ትምዝገብ

ኣብ እዋን መስርሕ ዑቕባ መንነትካ ብIND ምስ ተረጋገጸ ድሮ ኣብ BRP ክትምዝገብ ትኽእል ኢኻ። ነዚ ንምግባር ድማ ናብቲ (ኣብ መዕቆቢ) እትነብረሉ ምምሕዳር ከተማ ትኸይድ። ኣብ BRP 'ሃገር ኣልቦ' ተባሂልካ እትምዝገብ ዜግነት ከምዘይብልካ ብመርትዖ ከተረጋግጽ እንተኽኢልካ ጥራይ እዩ። ነዚ ብሰነዳት ከተርእይ ክትክእል ኣለካ። ዜግነት ከምዘይብልካ ከተረጋግጽ እንተዘይክኢልካ፣ ሕጂ እውን ኣብ BRP ክትምዝገብ ትኽእል ኢኻ፣ እንተኾነ ግን ምስ ስምካ 'ዜግነቱ ዘይፍለጥ' ዝብል ክግበረሉ እዩ።

ኔዘርላንዳዊ ዜጋ ክትከውን ንኽትክእል ካብ ዘለዉ ቅድመ-ኩነታት ሓደ፣ መጀመርታ ቀዋሚ መንበሪ ፍቓድ ክህልወካ ኣለዎ ዝብል እዩ። ካብዚ ዝፍለዩ ብርክት ዝበሉ ኩነታት ኣለዉ። ብዘይካ ኣብ ጉዳይ ሃገር ኣልቦነት፣ ኣብ ከምዚ ዝስዕብ ግዝያዊ ናይ ዑቕባ መንበሪ ፍቓድ ሒዝካ ኔዘርላንዳዊ ክትከውን ትኽእል ኢኻ፡  

• ቆልዓ እንከለኻ ምስ ወላዲኻ (ወለድኻ) ብሓባር ኔዘርላንዳዊ ምስ እትኸውን። ቀዋሚ ናይ ዑቕባ መንበሪ ፍቓድ ክህልወካ ኣየድልየካን እዩ። ግዝያዊ ናይ ዑቕባ መንበሪ ፍቓድ ክህልወካ ይኽእል እዩ። 16 ወይ 17 ዓመት እንተኾይንካ፣ እዚ ፍቓድ ን3 ተኸታተልቲ ዓመታት ክህልወካ ኣለዎ። እቲ ምስኡ ኔዘርላንዳዊ እትኸውን ወላዲ (ወይ ወለዲ) ግን ቀዋሚ ናይ ዑቕባ ፍቓድ ክህልዎ/ም ኣለዎ።  

• ቀጺሉ ምስ ስድራ ንምጽንባር ብዝተገብረ ጉዕዞ (ምጥርናፍ ስድራ-ቤት) ዲኻ ናብ ኔዘርላንድ መጺእካ? ከምኡ እውን መጻምድትኻ ቀዋሚ ናይ ዑቕባ ፍቓድ ኣለዋ ድዩ? ስለዚ ግዝያዊ ናይ ዑቕባ ፍቓድ ሒዝካ እውን ኔዘርላንዳዊ ክትከውን ትኽእል ኢኻ። ሽዑኡ ንዝተረፉ ኩሎም ካልኦት ቅድመ-ኩነታት ባዕልኻ እተማልእ ክትከውን ግን ኣለካ።   

ኔዘርላንዳዊ ዜጋ ክትከውን ንኽትክእል ካብ ዘለዉ ቅድመ-ኩነታት ሓደ፣ ናይ ምውህሃድ ዲፕሎማ ዝረኸብካ ክትከውን ኣለካ ዝብል እዩ። ኣብ ገሊኦም ኩነታት እዚ ኣድላዪ ኣይኮነን። እቶም ፍሉያት ኩነታት እዚኦም እዮም፡

• ሓደ ሓደ ግዜ ካብ ናይ ምውህሃድ ጠለብ ነጻ ክትከውን ትኽእል ኢኻ። እዚ ማለት ናይ ምውህሃድ ፈተና ክትወስድ ኣየድልየካን ማለት እዩ። እዚ ዝከኣል ንኣብነት ድሮ ቋንቋ ኔዘርላንድ ብእኹል መልክዑ ከተንብብ፣ ክትጽሕፍ፣ ክትዛረብን ክትርዳእን ከም እትኽእል ከተርእይ እንተኽኢልካ እዩ።   

• ሓደ ሓደ ግዜ ሕድገት ክግበረልካ እውን ይኽእል እዩ። እዚ ማለት ድማ ​​ናይ ምውህሃድ ፈተና ክትሓልፍ ኣየድልየካን ማለት እዩ። ወይ ድማ ኩሎም ከፊላዊ ፈተናታት ምሕላፍ ኣየድልየካን። እዚ ዝከኣል ንኣብነት ብሕክምናዊ ምኽንያት ኣብ ውሽጢ 5 ዓመት ነቲ ናይ ምውህሃድ ፈተና ክትሓልፍ እንተዘይክኢልካ እዩ። ወይ ድማ ናይ ብሓቂ ብዙሕ ከም ዝጸዓርካ፣ እንተኾነ ግን ክሰልጠካ ከምዘይከኣለ ከተርእይ እንተድኣ ክኢልካ።