ዜግነት ኔዘርላንድ ንምርካብ ዘለዉ ቅድመ-ኩነታት
ኣብ ማሕበራዊ ሚድያ ኣካፍል፡
ናይ ዑቕባ መንበሪ ፍቓድ ኣለካ ድዩ፣ ኔዘርላንዳዊ ክትከውን ድማ ትደልይ ዲኻ? እዚ ብመንገዲ 'naturalisatie' ክግበር ዝከኣል እዩ። ነዚ ንምግባር ዝተወሰኑ ቅድመ-ኩነታት ከተማልእ ኣለካ። ኣብዚ መርሓ ውጥን፣ ናይ ዑቕባ ፍቓድ እንተሃልዩካ ዘለዉ ቅድመ-ኩነታት ኣየኖት ምዃኖምን፣ እቲ መስርሕ ብኸመይ ከምዝካየድን ከተንብብ ትኽእል ኢኻ።
ናይ ዑቕባ መንበሪ ፍቓድ ሒዝካ ዜግነት ንምርካብ ዘለዉ ቅድመ-ኩነታት እዚኦም እዮም
ዕድሜኻ 18 ዓመት ወይ ልዕሊኡ እዩ።
ሕጋዊ መንበሪ ፍቓድ ሒዝካ ን5 ዓመት ወይ ልዕሊኡ ብተኸታታሊ ኣብ ኔዘርላንድ ተቐሚጥካ ኣለኻ። ከምኡ እውን ኩሉ ግዜ መንበሪ ፍቓድካ ኣብ ግዚኡ ኣናዊሕካዮ ኢኻ።
ንዘይተወሰነ ግዜ ናይ ዑቕባ መንበሪ ፍቓድ ኣለካ። እዚ ማለት መጀመርታ ናይ ውሱን ግዜ ናይ ዑቕባ መንበሪ ፍቓድ ን5 ዓመት ሒዝካ ማለት እዩ። እዚ ግዜኡ ምስ ኣኸለ፡ ንዘይተወሰነ ግዜ መንበሪ ፍቓድ ኣመልኪትካን ተቐቢልካን። ዜጋ ኔዘርላንድ ክትከውን እትኽእል፡ ንዘይተወሰነ ግዜ መንበሪ ፍቓድ ምስ ዝህልወካ ጥራይ እዩ።
NB. ውዕል ዑቕባን ስደትን ኤውሮጳ ካብ 12 ሰነ 2026 ኣብ ግብሪ ወዒሉ።ካብታ ዕለት ጀሚሩ ድሕሪ ደጊም ንዘይተወሰነ ግዜ ናይ ዑቕባ መንበሪ ፍቓድ ክትሓትት ኣይትኽእልን ኢኻ። እዚ ዋላ ድሮ ን5 ዓመት ናይ ውሱን ግዜ መንበሪ ፍቓድ ሒዝካ እንተኾንካ ይምልከት።
እቲ ንዘይተወሰነ ግዜ ናይ ዑቕባ መንበሪ ፍቓድ ተሰሪዙ። ካብ ሕጂ ንደሓር ኩሉ ሰብ ናይ ዑቕባ መንበሪ ፍቓድ ክረክብ እዩ። እዚ ን3 ዓመት ዝጸንሕ እዩ። እዚ ፍቓድ ምስ ዝውዳእ፡ ከተሐድሶን ን3 ዓመት ሓድሽ ናይ ዑቕባ መንበሪ ፍቓድ ክትረክብን ኣለካ። ከምኡ ውን እቲ ግዜ እንተወዲኡ ንተወሳኺ 3 ዓመት ከተሐድሶ ትኽእል ኢኻ። ስለዚ ድሕሪ ደጊም ንዘይተወሰነ ግዜ ናይ ዑቕባ መንበሪ ፍቓድ ክትረክብ ኣይትኽእልን ኢኻ። ካብዚ ሓሊፉ ኣብዚ ሕዚ እዋን ብናይ ዑቕባ መንበሪ ፍቓድ ናቹራላይዝ ምግባር ኣይከኣልን። ድሮ ንዘይተወሰነ ግዜ ናይ ዑቕባ መንበሪ ፍቓድ ኣለካ ድዩ? ድሕሪኡ ነዚ ፍቓድ ድሕሪ ሰነ 12 ክትዕቅቦ ኢኻ።ከምኡ ውን ሕጂ ውን ምስኡ ናቹራላይዝ ክትገብር ትኽእል ኢኻ።
ኣብ መወዳእታ ብናይ ዑቕባ መንበሪ ፍቓድ ናቹራላይዝ ምግባር ይከኣል ክኸውን ይኽእል እዩ። ብወገናት ናይዚ መንግስቲ (VVD, CDA, and D66) ዝገበርዎ ስምምዓት፡ ብግዝያዊ ናይ ዑቕባ መንበሪ ፍቓድ ናቹራላይዝ ምግባር ክከኣል ኣለዎ ዝብል እዩ። እንተኾነ ግን ክልተ ተወሳኺ ቅድመ ኩነት ተጠቂሶም ኣለዉ ከተማልኦም ዘለካ፡ ን6 ዓመት ናይ ዑቕባ መንበሪ ፍቓድ ሒዝካ ክትከውን ኣለካ፡ ብደረጃ B1 ቋንቋ ኔዘርላንድ ክትዛረብን ክትርድኦን ክትክእል ኣለካ። እቶም ፖለቲካዊ ውድባት ዝገብርዎ ስምምዓት ገና ኣብ ሕጊ ኣይተሰነደን። ኣብቲ ሕጊ ዘሎ ኩነታት ምስተቐየረ ጥራይ እዩ ብናይ ዑቕባ መንበሪ ፍቓድ ናቹራላይዜሽን ዝከኣል። ከምኡ ንኽኸውን ድማ መጀመርያ ነቲ ሕጊ ንምምሕያሽ ዝሕግዝ መስርሕ ክጅመር ኣለዎ። እዚ ድማ ክሳብ ሕጂ ኣይተፈጸመን። ስለዚ ኣብዚ እዋን እዚ እዞም ለውጥታት መዓስ ተግባራዊ ከም ዝኾኑ ንጹር ኣይኮነን። ከም ሳዕቤኑ ድማ ካብ መዓስ ብናይ ዑቕባ መንበሪ ፍቓድ ናቹራላይዝ ክትገብር ከም እትኽእል እውን ንጹር ኣይኮነን።ዝተዋሃሃድካ ኢኻ። እዚ ማለት እኹል ቋንቋ ኔዘርላንድ ክትዛረብ፣ ከተንብብ፣ ክትጽሕፍን ክትርዳእን ትኽእል ማለት እዩ። ኣብ ሕብረተሰብ ኔዘርላንድ እውን ክትነብር እትኽእል ኢኻ። ከም ዝተዋሃሃድካ ንምርግጋጽ ናይ ምውህሃድ ዲፕሎማ ረኺብካ ክትከውን ኣለካ። ናይ ምውህሃድ ዲፕሎማ ሒዝካ ጥራይ ኢኻ ኔዘርላንዳዊ ክትከውን እትኽእል።
ኣብ ኔዘርላንድ ንሕብረተሰብ ይኹን ንድሕነት ሓደጋ ትፈጥር ኣይኮንካን።
ኣብቲ ኔዘርላንዳዊ ዜግነት እትቕበለሉ ኣኼባ ‘መግለጺ ተወፋይነት’ ክትዛረብ ቃል ትኣቱው። ኣብቲ መግለጺ ድማ ሕግታት ኔዘርላንድ ምስ ኩሉ መሰላትን ግዴታታትን ንዓኻ እውን ከም ዝምልከቱ ትፈልጥ ምዃንካ ትገልጽ። ከም እተኽብሮምን ከም እትጣበቐሎምን ድማ።
ኔዘርላንዳዊ ክትከውን እንተኾይንካ ቀዳማይ ስምን ናይ መወዳእታ ስምን ክህልወካ ኣለዎ
ብመሰረት ሕጊ ኔዘርላንድ፣ ኣብ ኔዘርላንድ ነፍስወከፍ ሰብ ቀዳማይ ስምን መወዳእታ ስምን ክህልዎ ኣለዎ። ስምካ 1 ቀዳማይ ስምን 1 መወዳእታ ስምን ዘይብሉ ተኸታታሊ ኣስማት ዝሓዘ ድዩ? ስለዚ ኔዘርላንዳዊ ክትከውን እንተደሊኻ፣ ካብቶም ኣስማት ሓደ ከም መወዳእታ ስም ክትመርጽ ኣለካ።