ዜጋ ኔዘርላንድ ንኽትከውን እተቕርቦ ሕቶ ኣብቲ እትነብረሉ ምምሕዳር ከተማ ኢኻ እትገብሮ

ዜጋ ኔዘርላንድ ንምዃን ንምምልካት ባዕልኻ ናብ ምምሕዳር ከተማ ክትከይድ ኣለካ። ኣብኡ ምስ ሓደ ሰራሕተኛ ክፍሊ ሲቪላዊ ጉዳያት ብሓባር፣ ዜጋ ኔዘርላንድ ንምዃን መመልከቲ ቅጥዒ ትመልእ። ኣብ መርበብ-ሓበሬታ ናይ ምምሕዳር ከተማኻ ተወከስ፣ ወይ ድማ ናብ ምምሕዳር ከተማ ብምድዋል መጀመርታ ቆጸራ ክትሕዝ ዘድልየካ ምዃኑን ዘይምዃኑን ሕተት።

ዜጋ ኔዘርላንድ ንምዃን ብኢንተርነት ከተመልክት ኣይትኽእልን ኢኻ። 

ደቅኻ እውን ኔዘርላንዳውያን ከምዝኾኑ ክትገብር እንተድኣ ደሊኻ፣ ኣስማቶም እውን ኣብቲ መመልከቲ ክኣቱው ኣለዎ። 12 ዓመትን ልዕሊኡን ዝዕድሚኦም ቆልዑት እውን፣ ኣብቲ ኣብ ምምሕዳር ከተማ ዘለካ ቆጸራ ምሳኻ ክኸዱ ኣለዎም። 

ዜጋ ኔዘርላንድ ንምዃን ንምምልካት ክትከፍል ኣለካ። እቲ እትኸፍሎ ገንዘብ ‘leges’ ይበሃል። ነዚ ወጻኢታት እዚ ነቲ ሕቶ ኣብ እተቕርበሉ እዋን ኢኻ እትኸፍሎ። ክትከፍሎ ዘለካ መጠን ገንዘብ ድማ እቲ ምምሕዳር ከተማ እዩ ዝውስኖ። ምምሕዳር ከተማ ምስ ከፈልካ ጥራይ እዩ ንሕቶኻ ዘመስርሖ። ሓደ መመልከቲ እዚ ዝስዕብ ወጻኢታት ይሓትት፡  

• ብነፍስወከፍ ሰብ ዝቕርብ ሕቶ € 811,- ወጻኢ ይሓትት።  

• ካባኻን መጻምድትኻን ንዝመጽእ ሕቶ € 1,114 ትኸፍል። ከም መጻምድቲ ሕቶ ንምቕራብ ግድን ዝተመርዓኹም ክትኮኑ ኣየድልየኩምን እዩ። እንተኾነ ግን ምስ ነንሓድሕድኩም ዝምድና ዘለኩምን ብሓባር እትነብሩን ክትኮኑ ኣለኩም።  

• ምስ ወላዲኦም (ወለዶም) ብሓባር ኔዘርላንዳውያን ንዝኾኑ ትሕቲ ዕድመ ቆልዑት፣ € 161,- መጠን ገንዘብ ትኸፍል።  

ዜግነት ንምርካብ ናብ ምምሕዳር ከተማ ከተመልክት እንከለኻ፣ ኔዘርላንዳዊ ኣብ እትኾነሉ እዋን ‘መግለጺ ተወፋይነት’ ከም እትገብር ቃል ክትኣቱው ኣለካ። ኣብ ምምሕዳር ከተማ ኣብ እተመልክተሉ እዋን ድማ ነዚ ዝምልከት ወረቐት ክትፍርም ኣለካ። 16 ዓመትን ልዕሊኡን ዝዕድሚኦም ትሕቲ ዕድመ እውን ዜጋታት ኔዘርላንድ ኣብ ዝኾንሉ እዋን ነዚ መግለጺ ክገብሩ ኣለዎም፣ ስለዚ ንሳቶም እውን ኣብ ምምሕዳር ከተማ ወረቐት ክፍርሙ ኣለዎም። 

ምምሕዳር ከተማ ውልቃዊ ሓበሬታታትካ ቅኑዕ ምዃኑን ዘይምዃኑን፣ ከምኡ እውን ንኹሎም ቅድመ-ኩነታት ተማልእ ምዃንካን ዘይምዃንካን ይምርምር። ብድሕሪኡ እቲ ምምሕዳር ከተማ ምኽሪ የዳሉው። ኣብቲ ምኽሮም ድማ ኔዘርላንዳዊ ክትከውን ትኽእል ኢኻ ኢሎም ዝሓስቡ ምዃኖምን ዘይምዃኖምን ይጽሕፉ። እቲ ምምሕዳር ከተማ ነዚ ምኽሪ ምስ መመልከቲኻ ናብ