ገንዘብ
ኣብ ኔዘርላንድ ምስ እትሰርሕ፣ ገንዘብ ክትረክብ ትጅምር። ስራሕ ክሳብ እትረክብ ድማ ካብ መንግስቲ ገንዘባዊ ደገፍ ክትረክብ ትኽእል ኢኻ። ኣብዚ ገጽ ብዛዕባ ኣታዊኻ ዝምልከት ሓበሬታ ክትረክብ ኢኻ።
ሓበሬታ
ግብሪ ምኽፋል
ኣብ ኔዘርላንድ ትሰርሕ ወይ ጥቕሚታት ትረክብ እንተድኣ ኮይንካ ግብሪ ትኸፍል። ኣብ ዓመት ሓደ ግዜ ናይ ገዛእ-ርእስኻ ግብሪ ኣታዊ ከተፍልጥ ኣለካ። እዚ ብኸመይ ከም ዝሰርሕ ኣብዚ ኣንብብ።
ናብ መርበባት-ሓበሬታ ናይ መንግስቲ ኔዘርላንድ ንምእታው DigiD ኣመልክት
ኣብ ኔዘርላንድ ብዙሕ ውልቃዊ ጉዳያት ብኢንተርነት ከተዋድድ ትኽእል ኢኻ። ንኣብነት ምስ መንግስቲ ኔዘርላንድ። ወይ ንመድሕን ጥዕናኻ ወይ ንጡረታኻ ብዝምልከት። ነዚ ንምግባር ድማ DigiD የድልየካ። ኣብዚ ዓንቀጽ DigiD እንታይ ምዃኑን፣ ነዚ ንምርካብ ብኸመይ ከም እተመልክትን ከተንብብ ትኽእል ኢኻ።
ኣብ ኔዘርላንድ ንጡረታኻ ምውህላል ብኸምዚ እዩ ዝሰርሕ
ኣብ ኔዘርላንድ ትነብር እንተድኣ ኮይንካ መሰረታዊ ጡረታ ክትረክብ መሰል ኣለካ። ተወሳኺ ጡረታ እውን ከተዋህልል ትኽእል ኢኻ። እዚ ገንዘብ፣ ስራሕ ምስ ኣቋረጽካ ካብ ዝተወሰነ ዕድመ ንደሓር ክትረኽቦ እትኽእል ገንዘብ እዩ። ኣብ ኔዘርላንድ ምውህላል ጡረታ ብኸመይ ከም ዝሰርሕ ኣብዚ ኣንብብ።
ኣበላት ቆልዑት ምስ ዝህልዉኻ
ትሑት ኣታዊ፣ ከምኡ እውን 1 ወይ ልዕሊኡ ቆልዑት ዘለካ ዲኻ? ስለዚ ፍሉያት ኣበላት ናይ ምርካብ መሰል ክህልወካ ይኽእል እዩ። ኣበል፣ ትሑት ኣታዊ ምስ ዝህልወካ ካብ መንግስቲ ክትረኽቦ እትኽእል ተወሳኺ ኣታዊ እዩ።
መድሕን ጥዕናኻ ንምኽፋል ዘኽእል ኣበል ጥዕና
ትሑት ኣታዊ ድዩ ዘለካ? ንኣብነት ብማሕበራዊ ጥቕሚ ወይ ብድጎማ ትምህርቲ ክትነብር ስለዘለካ? ስለዚ ምናልባት ኣበል ጥዕና ክትረክብ ትኽእል ትኸውን ኢኻ። እዚ ንመድሕን ጥዕናኻ መኽፈሊ ዝኸውን ካብ መንግስቲ ዝግበር ኣበርክቶ እዩ።
ንመኽፈሊ ክራይ-ገዛኻ ዝኸውን ኣበል ክራይ-ገዛ ብኸምዚ ኢኻ እተመልክት
ገዛ ተኻሪኻ ዲኻ? ስለዚ ምናልባት ኣበል ክራይ ናይ ምርካብ መሰል ክህልወካ ይኽእል እዩ። እዚ ትሑት ኣታዊ ምስ ዝህልወካ ካብ መንግስቲ ክትረኽቦ እትኽእል ተወሳኺ ኣታዊ እዩ። ንኣብነት ብማሕበራዊ ገንዘባዊ ደገፍ ጥራይ ክትነብር ዘለካ ምስ እትኸውን፣ ወይ ድጎማ ትምህርቲ ትቕበል እንተድኣ ኮይንካ።
ዝተፈላለዩ ዓይነታት መድሕናት
ኣብ ኔዘርላንድ ንነብስኻን ንብረትካን ንምክልኻል ዝተፈላለዩ ዓይነታት ውዕል መድሕናት ክትኣቱው ትኽእል ኢኻ። ገሊኦም መድሕናት ግዴታ እዮም። ካልኦት ድማ ክህልዉኻ ጠቐምቲ እዮም። ኣብዚ ገጽ ኣየኖት ዓይነታት ውዕል መድሕናት ከምዘለዉ ከተንብብ ትኽእል ኢኻ።
ኣብ ህይወትካ ዝህልዉ ለውጢታት ፋይናንሳዊ ሳዕቤናት ክህልዎም ይኽእል እዩ
ኣብ ህይወትካ ሓደ ነገር እንተድኣ ተቐይሩ ኣብ ኣታዊታትካን ወጻኢታትካን ሳዕቤናት ክህልዎ ይኽእል እዩ። ኣብዚ ዓንቀጽ መዓስ ገለ ነገር ከተዋድድ ከም ዘድልየካ ከተንብብ ትኽእል ኢኻ።
ዝያዳ ወይ ሒደት እንተድኣ ኮይንካ ክትሰርሕ ብፋይናንስ ነዚ ከተዋድድ ኣለካ
ዝያዳ ወይ ሒደት ዲኻ ክትሰርሕ? ወይ ደሞዝ ዝኽፈሎ ስራሕ ደው ከተብል ዲኻ? ስለዚ ክዋደዱ ዝግባእ ሒደት ኣገደስቲ ነገራት ኣለዉ። ኩነታት ስራሕካ ምስ ዝቕየር እንታይ ከተዋድድ ከም እትኽእል ኣብዚ ዓንቀጽ ከተንብብ ትኽእል ኢኻ።
ንስኻ ወይ ውላድካ 18 ዓመት ምስ እትመልኡ ብገንዘባዊ መዳይ ነዚ ከተዋድዱ ኣለኩም
ንስኻ ወይ ውላድካ 18 ዓመት ምስ መላእኩም፣ ብገንዘባዊ መዳይ ከተዋድድዎም ዘለኩም ሒደት ኣገደስቲ ነገራት ኣለዉ። ኣብዚ ዓንቀጽ እንታይ ከተዋድዱን ብኸመይ ክትገብርዎን ከም ዘለኩም ከተንብቡ ትኽእሉ ኢኹም።