ቅድመ-ኩነታት ምጥርናፍ ስድራ-ቤት ምስ ወለድኻ፣ ኣሕዋትካን ኣሓትካን ወይ ልዕሊ-ዕድመ ደቅኻ

ኣብቲ ናይ ዑቕባ ስድራቤት ምጥርናፍ ደረጃ ብደረጃ ውጥን (ምክትታል)፡ ነዚ ናይ ስድራቤት ምጥርናፍ ንመን ከተመልክቱ ከም እትኽእሉ ንገልጽ: ሕጋዊ መጻምድትኻን ትሕቲ ዕድመ ስጋዊን ረድኤትን ደቅኻን። ብዘይካ እቶም ኣብኡ ዝተጠቕሱ ኣባላት ስድራቤት ዝተረፉ ኣዝማድ 'ምጥርናፍ ስድራቤት ዑቕባ (ምክትታል)' መሰል የብሎምን።

ሓደ ሓደ ግዜ IND ምስ ልዕሊ ዕድመ ሓው ወይ ሓፍቲ ወይ (ናበይቲ) ወለዲ ዝኣመሰለ ካልእ ኣባል ስድራ-ቤት፣ ምጥርናፍ ስድራ-ቤት ንምግባር ይፈቅድ እዩ። እዚ ድማ ብመንገዲ 'ናይ ዑቕባ ምጥርናፍ ስድራ-ቤት (ዳግመ-ውህደት)' ዘይኮነስ፣ ብመሰረት  ዝካየድ ምጥርናፍ ስድራ-ቤት እዩ ክግበር ዝከኣል። ኣብዚ ታሕቲ ነዚ ዓይነት ምጥርናፍ ስድራ-ቤት ንምግባር ዘለዉ ቅድመ-ኩነታትት ኣየኖት ምንኖምን ፣ ብኸመይ ከተመልክት ከም እትኽእልን ገሊጽናዮ ኣለና። ብመሰረት ዓንቀጽ 8 EVRM ብዛዕባ ዝግበር ምጥርናፍ ስድራ-ቤት ተወሳኺ ሓበሬታ፣ ኣብቲ ናይ እውን ክትረክብ ትኽእል ኢኻ። እዚኦም ብቋንቋታት ኔዘርላንድ፣ እንግሊዝ፣ ፈረንሳ፣ ዓረብ፣ ዳሪ፣ ፋርሲ፣ ሶማል፣ ትግርኛን ቱርኪን ይርከቡ።

ኣብ ከምዚ ዝስዕብ ብመሰረት ዓንቀጽ 8 EVRM ምጥርናፍ ስድራቤት ከተመልክት ትኽእል ኢኻ እንተድኣ፡ 

1. ርእሱ-ዝኸኣለ ናይ ዑቕባ መንበሪ ፍቓድ ምስ ዝህልወካ።

2. እቲ ኣባል ስድራ-ቤት፣ ኣካል ናይ ስድራኻ ምስ ዝኸውን፣ ኣብ ወጻኢ ሃገር እውን ኣካል ናይ ስድራኻ እንተድኣ ነይሩ። እዚ መብዛሕትኡ ግዜ ኣብታ መበቆል ሃገርካ ብሓባር ትነብሩ ነይርኩም ማለት እዩ።

3. ኣባል ስድራ-ቤትካ ዝኾነ ገበናዊ ጥሕሰት ወይ ገበን ዘይፈጸመ ምስ ዝኸውን።

4. ንስኻ ናይ ኣባል ስድራ-ቤትካ ወግዓዊ ዓዳሚ ምዃንካ ምስ እትገልጽ። ወግዓዊ ዓዳሚ፣ እቲ ንኣባል ስድራ-ቤቱ ናብ ኔዘርላንድ ከምጽእ ዝደልይ ሰብ (ኣመልካቲ) እዩ።

ንኣየኖት ኣባላት ስድራቤት 'ብመሰረት ዓንቀጽ 8 EVRM ምጥርናፍ ስድራ-ቤት' ከተመልክት እትኽእል ምዃንካን ዘይምዃንካን ዝምልከቱ ፍሉያት ሕግታት የለዉን። ይኹን እምበር፣ እዚ ንኽሰልጥ ዘሎ ዕድል ልዑል ወይ ትሑት ክኸውን ይኽእል እዩ።

ኣብ ከምዚ ኩነታት ብመሰረት ዓንቀጽ 8 EVRM፡ዝዓበየ ናይ ምጥርናፍ ስድራ-ቤት ዕድል ኣሎካ

• ከም ሓደ መሰነይታ ዘይብሉ ትሕቲ ዕድመ ስደተኛ (UMR) ኮይንካ ናብ ኔዘርላንድ ኣቲኻ ምስ መዕበዪኻ ክትራኸብ ትደሊ።

• ልዕሊ ዕድመ እንተድኣ ኮይንካን፣ ከምኡ እውን ምስ ደቂ ደቅኻ ክትጥርነፍ እንተድኣ ደሊኻን። ንውላድካ ምጥርናፍ ስድራ-ቤት ኣመልኪትካ ኣለኻ፣ ደቂ ደቅኻ ድማ ድሕሪት ክሕደጉ ኣይከኣልን እዩ።  

• ንኣባላት ስድራ-ቤትካ ናይ ዳግመ-ውህደት ምጥርናፍ ስድራ-ቤት ከተመልክት መሰል ዘለካ ክነስኻ፣ እንተኾነ ግን ነቲ መመልከቲ ኣብ ውሽጢ 3 ኣዋርሕ ኣየቕረብካን፣ ከምኡ እውን ምድንጓይካ ብቚዕ ምኽንያት የብልካን ኢሉ ምስ ዝውስን።

ብመሰረት ዓንቀጽ 8 EVRM ናይ ምጥርናፍ ስድራ-ቤት ትሑት ዕድል ክህልወካ እትኽእለሉ ኩነታት፡

• ብዘይ መሰነይታ ትሕቲ ዕድመ ቆልዓ ኴንካ ናብ ኔዘርላንድ ኣቲኻ ምስ ዓበይቲ ኣሕዋትካን/ወይ ኣሓትካን ክትራኸብ ትደሊ (ንወለድኻን ትሕቲ ዕድመ ኣሕዋትካን/ወይ ኣሓትካን፡ ‘ናይ ዑቕባ ስድራቤት ምጥርናፍ (ምክትታል)’ ዝብል መመልከቲ ከተቕርብ ኣለካ)።

• በጽሒ ማለት ልዕሊ ዕድመ (18+) ኮይንካ ናብ ኔዘርላንድ እንተድኣ ኣቲኻን፣ ምስ ወለድኻን ኣሕዋትካን ክትጥርነፍ ምስ እትደልይን። ከም ንእሽቶ በጽሒ ውላድ መጠን፣ ኣብ ወለድኻ ጽግዕተኛ ምስ እትኸውን። 

• በጽሒ ማለት ልዕሊ ዕድመ ኮይንካ ናብ ኔዘርላንድ እንተድኣ ኣቲኻን፣ ምስ ዝሓመመ ወላዲ ክትጥርነፍ ምስ እትደልይን። ወላዲኻ ብፍላይ ኣባኻ ጽግዕተኛ ምዃኑ ብመርትዖ ከተረይ ትኽእል ኢኻ። 

• በጽሒ ማለት ልዕሊ ዕድመ (18+) ኮይንካ ናብ ኔዘርላንድ እንተድኣ ኣቲኻን፣ ካልእ ክከናኸኖም ዝኽእል ሰብ ምስ ዘይብሎም ካልኦት ብፍላይ ጽግዕተኛታት ዝኾኑ ኣባላት ስድራ-ቤት ዳግም ክትጥርነፍ ምስ እትደልይን። 

IND ምስ ኣባል ስድራ-ቤትካ ዘለካ ርክብ ከም 'ክሕሎ ዘለዎ ስድራ-ቤታዊ ህይወት' ገይሩ ክቖጽሮ ኣገዳሲ እዩ። ስለዚ IND ምስዚ ኣባል ስድራ-ቤት ዘለካ ዝምድና ክምርምር እዩ። ብተወሳኺ IND እቲ ኣባል ስድራ-ቤት ናብ ኔዘርላንድ ንምምጻእ ዘለዎ ኣገዳስነት፣ ካብቲ ኔዘርላንድ ንመመልከቲታት ምጥርናፍ ስድራ-ቤት ብጥብቂ ንምሓዝ ዘለዋ ረብሓ ዝዓቢ ምዃኑን ዘይምዃኑን እውን ክግምግም እዩ።